¹ Nomba ishiwqi lya ku Yawee kalisa kuli Yona umwana mwalalume waku Amittai, likolabila ti, '' ² Ima nokuya ku Nanive, ulya musumba uukulu nokuya kubakalipila, pantu ububifi bwabo bulimine pacinso canji'' ³ Lelo Yona kaima nokubutuka nokuya ukufuma pacinso caku Yawee nokuya ku Tashishi. Abutukile ku Yoppa nokusangana ica bwato icalikuya ku Tashshi. Eico kalipila ndalama shalwendo nokunina mubwato ukuya nabo ku Tashishi ukutali ukufuma pacinso cakwa Yawee. ⁴ Lelo Yawee katuma icamwela icikulu pali bemba nakambi kaciba icipuupu icikulu pali bemba. Bwanguluke kacibweneka ukweba ati icabwato cikolepuka. ⁵ Elo bacooba baumfwile umwenso nacina muntu alikulilila ka lesa kakwe. Kabaposa katundu yamubwato muli bemba ekani canguke. Nomba ninshi Yona kaile panshi mukati kacibwato , nakambi kalele mutulo utwine kantu. ⁶ Eco coba mukulu kaisa kuli ye nokulabila kuli ye, '' Findo kocita ukoone minkonono ulilele? Buka! Ita kuli lesa obe ! Nangula lesa obe ala twishiba elo tatwa fwepo'' ⁷ Cina muntu alabile kumwina mupalamano wakwe, '' Iseni, lekeni tupendwile pakuti tungeshiba nani alengele pakuti tungeshiba nani alenga ubu ububifi ubukocitika kuli fwe.'' Eco kabapendwila , necipendwilo caponena kuli Yona. ⁸ Elo balabile kulin Yona '' Ttwapapata twebe uwalenga mbu bubi ubukocitika kuli fwe.Nincito ndo ubomba, nakambi ufumine pi? Icalo cobe ni pi, nakambi nikubantu ndo wafuma?'' ⁹ Yona kalabila kuli bo '' Ndimu Hebere; elo ndatiina Yawee , lesa wamwiulu uwapanga bemba nemilundu iyauma.'' ¹⁰ Elo abalalume bakwatilako umwenso nokulabila kuli Yoha, '' Findo nfi wacita.? Pantu abalalume kabeshi ukwebati akobutuka ukufuma kucinso caku Yawee, pantu kabeba. ¹¹ Elo balabile kuli Yona ati,; ''Findo tufwile ukucita kuli we pakweba 'ti bemba atalale pali fwe?'' Pantu bemba kakulilako icipuupu. Yona kalabila kuli bo ati, ¹² Yona kalabila kuli bo ati njimyeni nokumposa muli bemba. Elo bemba akotalalapali mwe, pantu ndishibile ukwebati nipamulandu wanebo aya mabimbi yakocitikila kuli mwe.'' ¹³ Nanga cibefyo abalalume baeseshe namaka ukucisunkila kumulundu, nomba kabafilwa ukucita ici pantu bemba katampa ukucilamo icimfulunganya kuli bena. ¹⁴ Eco kabalilila kuli Yawee nokulabila ati,'' Twakupapata Yawee, twakupapata we, wileka tufwe pamulandu wauyu muntu, nakambi wibikapo mulopa wakaele pali fwe, pantu we Yawee wacita fyeka nfyo ifkokusekesha.'' ¹⁵ Eco kabemya Yona kabamusukushila muli bemba, nabemba ka talala. ¹⁶ Elo abalalume batina Yawee ukwine kantu. kabapa nelambo kuli Yawee nokupanga imilapo. ¹⁷ Nomba Yawee kapekenye Icisabi icikulu icakumina Yona, Na Yona kali mumala acisabi inshiku shitatu, akasuba nobushiku.