¹ La merera aleie eia tikumu sele: mae la tahalo isa masagea via eia ge la mulugaluga, ale eia eia masaga tavu la igolu ale tartigi. ² Oilo vola la mulugaluga eia la vulovulola ge isa pilo. E rutula kama ge ilua. eia ge la tahalo ale tartigi, eia kamage la tahalo la igotolola. eia ge la tahalo ale la valua me hatavile ge togoa, eia ge la tahalo la varapula, eia ge la tahalo ale koramuli ge vimari egite la valua me hatavile la merera tela tahalo uru. ³ Eia umala ge la tahalo ale masaga pepeho la iliu, eia kamage la tahalo la vikuela, eiage la tahalo al pou makovu la, mela tia madila, eia kamage la tahalo la ilisu la vuliti. ⁴ Eia ge boumuli taho sele la luma te tala, me egite latatula ge roromuli eia me la tilogo. ⁵ Mae la tahalo kama rovi la baumuli laloa la luma tetala, me eia ge boumuli la luma la lotu te Deo mave? ⁶ Eia kama ge la tahalo ale vulo halaba, souka eia ge kale saea me eia ge boru soilo la ilo gorila mae la tahalo kama kora. ⁷ Eia ge tahoka tai la isa oio te la vulovulo ale tartigi soio tegite ale logala, ala eia kama ge boru soilo la igo hate masila ma la mai te la tahalo kama kora. ⁸ Amuto la mulugaluga, ge mai taiele, egite ge totogo amuto me egite ge roromulmuli amuto, amuto kama ge mera lalua. Egite kama ge liu usu la vaen uka ge hate tuhu. ⁹ Egite ge sautola la merera la tautaulailo ale sele tabuli palati vikapopo me la gabuta ale maroka. ¹⁰ Egite la valalua ge rovi matagaga mamuga egite, goio egite ge igo la igolu la vuhula egite maramara ¹¹ Oilo moli tela gauru alele,e ruturutu gite tai ge tahoka la tilogo, egite kamage la tavile la vasigola, egite tai kamage la tavile la iliu me egite ge tau sele la tia gite soio tela papaga tomi. ¹² Egite Dikon tai e rutu gite ge isasa moli, egite ge bau muli taho sele e latatu giteu me la ilo la luma tegiteu. ¹³ Egite ale igolu taho egite sautola ti la magiririla ale tartigi mela vagari oilo tela tautaulailo ale oilo te Krais Isus. ¹⁴ Male eau kekesi la papaga ale somai taume.eau gabutala viage gomai taume soio molie. ¹⁵ Alamoli mae eau kama ge gomai hari,eau kekesi via eme ge igo taho la igolu oilo te la luma te Deo, ale la luma la lotu te Deo ale mahulili, me la sole ale ge igo vagari la seselela. ¹⁶ La gabutala mite tomi isa moli via la mera kovula tela vulovulo le Deo eia uru sele : "Eia sibitala oio tela vovo, me la kalulu igo matagaga tia, egite Angelo hiloa, me egite valoka tileia oilo tela matula, egite tautaulalo vola otalo la mautu la magasa. eia goio beurivu loua soata oilo la marasala."