¹ Oilo vola, la silokola, eau tutu toleamula la vulovulo la tilahi, mela kilaka, tela valalua, la veitahola eme ge igoa tegite la valua tomi, ² Egiteu e King me egiteu ale oio la pulou la uru, ila etato ge pou mela tia madila mela pou makovula oilo te Deo mela pulou la uru tetala, ³ Aleie a tartigi sele me age te Deo ale vimahuli etatou tomi. ⁴ Eia masaga sele via egite la valalua tomi ge mahuli me egite ge guvi oio la mari tela selela ⁵ Me e Deo isa moli isa ouka tilou, me la tahalo isamoli pou kabili te Deo me la valalua. eia e Kraest Isus. ⁶ Eia sugutaro lou eia mae la sipsip tegato tomi, mela vigile mulila tela imala ale tartigi. ⁷ Ale la vuhula ale egite turi eau eau mae la tahalo la valolo oio tai mae la apostle, eau vagogala la merera la selela, eau kama tutu golgolo---eau mae la tahalo la vimari soio tegiteu e Gentael oilo la tautaulailo mela seselela ⁸ Ala, eau masaga via la valua tomi otalo la mautula ge kaka mela lima gite ale maroka ge vituria soata la tiabara la ge ouka mela visuku tavula, ⁹ Age maimoli tai egite hatvile egite ge tokoromo taho mela kairobola ale marasa, me ale kama ge igo vahate raga la valua, egite umala ge papai la ivu giteu me egite umala ge kisi la gagau ale sasima vikapopo mela kilai ale dia sele. ¹⁰ Ouka egite ge kai la kilai ale karamuli taho egiteu me amae ale veipala e uru oilo tela la paga tomi ale egite igo tia. ¹¹ Egite hatavile ge mari la pou makovula mela vaibisi giteu. ¹² Eau kama masaga egite hatavile ge igo la vimari oukage tovo lai la pulou la uru loata tegite la valua, egitege pou makovu moli. ¹³ E Deo puhi pala e Adam, goio e Eve. ¹⁴ La gima kama vasigolo pala e Adam, eia vasigolo e Eva goio eia guvi mae la tavile la iriru. ¹⁵ Oio vola, tela garu la taposa e guliki eia mahuli rivu lou, mae moli egira ge solo molia oilo la vulovulo la tautaulailo mela gilogo mela vimarokala oilo la gabutalala ale tali taho.