¹ Igoe la kalulu vei matagaga tia via oilo tela imala ale mumuli la valalua isahari ge piligi la tautaulalo tegite me egite ge tata la gavusa giteu soio tela kalulu la vasigologolola mela vimari tegite la hititu. ² Oilo la vasigologolola tegite Hipokrit, mela gabutala tegiteu eia ge kokovu. ³ Egite ge magiri robo la valua me hatavile umala ge taulai me egite veia gite umala ge ababi la la ilali ale e Deo vipoua via e tato ge abia mela vei tahola ale loio tegite ale tautaulalo me egite tai rovi la merera la selela. ⁴ La papaga tomi ale e Deo vipou egite a tartigi sele. la papaga tomi ale etato abia mela vei tahola eia kama koramuli ge mukupilea. ⁵ Eia marokati oilo tela merera te Deo mela kilaka. ⁶ Mae emege tau la papaga aleie mamuga tegite tabarabara gatou. eme ge la tahalo la igolu te Isus Krais ale tartigi sele. la vuhula eme kusi ti oilo la merera la tautaulailo mela vimari ale eme tilimulia tia. ⁷ Alamoli emege lake taro la vigilemulila tela magasa ale egite tavile ururu masagea. oilo vola, emege vitovo le eme oilo tela vulovulo la Uru. ⁸ La vitovola eia koramuli tai, alamoli la vulovulo la Uru eia koramuli tomi la papaga tomi. eia sautola la viturila tela mahulila aleie mela mahulaila ale ge gomai. ⁹ La merera aleie eia la merera la selela me a tikumu eme ge abi tomia. ¹⁰ Ale la vuhula ale amite tuhaka me amite igolu vagari sele. amite pou mata oilo te Deo ale mahulihuli, eia la tahalo la vimahuli tela valalua tomi, ale uru sele tegite la valalua ale tautaulailo. ¹¹ Veipalaea vimarila la papaga aleie, ¹² Isa umala ge muku pilepile eme via eme solo maure laba, oio vola, ale tegiteu ale tautaulailo, emege mae la vitovo mulila oilo la merera, la vulovulomu, la gilogo, la tautaulailo, mela marokala. ¹³ Karamae eau ge gomai, lobagele tavu la giligi, la tututolala, mela vimari. ¹⁴ Umala piligi taro la vabila ale oilo taume le, ale abitiamu oilo la merera la vei lahagala, ale egite la mulugaluga tauti la lima gite loata taume, ¹⁵ Baumuli egite la papaga alele, emege oilo vola, ila la kulusi taume ge sesele soio tegite la valalua. ¹⁶ Eme ge baumuli taho la ilolo soio taume mela vimari. emege solo la papaga aleie. eme ge igo molia goio, eme ge vimahuli emei vikapopo me egite ale lobagele tavu emei.