¹ Iau waek natamtame, so napakaure nangonga, iau nakim so navul iami vileko iami sevaio tinimi igelgel page Ainge. Pa iau tinik itola ke navore nalaulau eniko iwot kiami pau tiavo, pa aisae eniko pa ipaulo ami so agingin pua. ² Iami sevaio matami ikono pagire natamtamaol seime ire tiwai nagaune, ire sevaio ulare ke tikeve nagol siange, me matami ikono pagire natamtamaol seime tikim so tipasiange tinimi. ³ Ita seime tipaluita, eio seime ita sevame tapakilala page Nanun ke Natavolo. Eiota ita sevaio tinra igelgel luila ke Krais Jisas, pa ita relmora ikono panga navulnga ke anora tiavo. ⁴ Iau touk relmok so iau nasou panga navulnga ke tinra, me soge natamtamaol tea relmua so ie pa isou panga navulnga ke potira,eio iau napairilekire neiwol ainge. ⁵ Iau tipaluau ke naetne masa me tol, ke noulum mate ke Bensamin, me iau natamtamaol tiapau ke narumpua kire Hibru nagingin luila ke lo, me iau Parisi. ⁶ Iau relmok ainge so nakeve nourata ke Natavolo, pa iau nakep siange page narumpua ke Natavolo, me so matare ikono page lo me tiselele iau legol, epa iau legol siange tiavo. ⁷ Me iau naleire navulnga sogan ainge ta popuare eio tipot wai navunga sapa me iau nawatae Krais. ⁸ Eta ailiakoko iau naleire navulnga neigur ke natatano tiwai navulnga sapa page Krais Jisas Ainge kiau. Iau naguloman panga navunga neigur ainge, me iau naleire tiwai nasakir eta iau pa natoke Krais ⁹ me nagingin luila kie.Iau napot nalngak panga iau legol nakevire ke nawatapue lo tiavo.Tiavo. Iau napot nalngak page naroro ke naoguainga page Krais,me ie imai ke Natavolo seie naoguainga pua. ¹⁰ Eta ailiakoko iau nakim so nawotae naselnga emir ivira mule page ie me iau nakim so natolaknge ie page nagol ke nakarkarnga aiknga. Me iau nakim so namapul nala napot ke nagol ke namatenga. ¹¹ Eta page naroro tengere, iau isou pa nala ke naroro ke naviramulenga ke namatenga kie. ¹² Iau nawotai vileko so natokore navulnga eriko avota, avome napot nalngak. Eta iau navoko ulak ke nakis rungke nagol ke Krais Jisas waita ie ikis rungke iau. ¹³ Waek natamtame, iau remok isou avo so natoke nagol eniko ta.Me relmok tiavolenga volem eio..Iau naguloman panga navulnga ke munga me iau navoko ulak soge natokore navunga pa tipot aimul. ¹⁴ Iau nawavel ulak ngata so naseknge namuli ke natoke nakolnga ke heven Natavolo ikavawau luila ke Krais Jisas. ¹⁵ Ita neiwol ainge tapot aingara o, ita sevaio remora vileko, me so iami remomi rolwe tia pau panga navunga tengere, Natavolo pa itole ipot mange kiami. ¹⁶ Me navunga soknge ita tatoke o, eio ita takis rungke. ¹⁷ Waek natamtame iami sevaio awatapue iau legol.Me iami sevaio alei pue nagol kire natmtamaol ire seime sevame tiwatapue iem lemgol. ¹⁸ Ire sogan tako tilala, page ire iau sevame nangongo toitoi pagami me ailiakoko iau navul iami pau itolaknge erok ulia ilele ipot kiau. Natamtamaol sogan ire tipot wai namili ke nai gasange ke Krais. ¹⁹ Natamtamaol airiko aimul pa titoke siange kire pa aisae nakimnga ke tinre ipot wai natavolo napokakanga kire me ire sevaio tinre igelgel so tikeve nagol ke namamanga. Ire relmore ikono kngare navulnga ke Natatano. ²⁰ Me ita tasio wai natamtamaol ke heven me taroknge Ainge Jisas Krais pa ikorarange heven me imai itokoita. ²¹ Itolaknge namir ainge kie, Krais pa i paule ita tinra ipot wai ie tinia ngata me navulnga neigur ainge pa tisio vulolo kie.