¹ Puna utuva ne pali ngalau ve lo lalal lisi ngalua la meu? Veng mata mata nama lo lalal nane tutu la meu. Iri kevalval ngalua la meu ve la venga meu me, te la veng nei mana, i kelo angkae lo lalal ve pali ngalau. Arung mokoi me sao? ² Meu kamate me kararae uru mata mata me, ulave meu karae sao. Mangina te meu kaval valia keu ngana naa me te kemamate. Meu kakela kengke ke uru,te meu pa me karae sao. Mangina te meu lomeu lala lal mana te katam unni valing. Meu kaulo kengke la Nutu sao ne unni uru la meu. La puna nei mana meu kararae sao . ³ Votaena nama kaulo kengke me kara rau uru, meu karae sao ka lomeu matana ngana toro sao ve meu kaulo kengke la Nutu. Meu lomeu me kara rae uru me kala me kaulli mana la lomatana nama kapa meu kana. ⁴ Meu kaka patalia Nutu vei me kepeu kaa patalia letane ne la palellei ullutu.Kata pa, vei me keu ngana mate ke veng maa kana, i lisi Nutu ngarang ke. Arung meu lomeu matane nei sao ko? Keu ngana pul tula la maa kana veng, i lisi Nutu ngarang ke. ⁵ Nutu buk ke pele me, kannu nama Nutu pulia ngallo la ita, nei Nutu mate palle ke me i ma tuteu la i kasena.Meu kapele me la kao nei i kao ulutu ngana,a? ⁶ Nutu lona sio palle kita. Mokoi te Nutu buk ke pele me, "Nutu pul sia keu ngana me nama kelo angke iri sore yare, ulave I lona sio ve empe veng pe ngana la keu ngana nama me kitu teteu la I. ⁷ Mangina te meu ma katu yateng ve katuteu la Nutu, I atu parang pita mana meu rumanna.Meu sao me kata alle Silolong, nama ea antal meu te lalla. ⁸ Meu ma kala parang pite Nutu, I atu parang pita la meu rumanna. Meu sereng kaina me, kapameu ma lisi likong vei me keu ngana lome kamana ne likong. Meu nama kameu lo matana lua, meu ma karau kekea lomatana nane la lomeu matana ngana. ⁹ Meu ma lomeu sasao ve karel palle le .Meu tamane kamae lelel sonrou, meu kapatapi mae ngalel kana veng, meu ma karel rel. Meu ma kae ruru sonrou, meu kapatapi ingaru kana veng, meu lomeu sasao. ¹⁰ Meu ma kasio ngape la keu ngana uso ngana matana kanna.Vei me meu kavei mangina, Keu ngana Uso ngana lopa patae meu. ¹¹ Teu me, meu sao me karavale Nutu kepeu tamane ke me. Keu ngana ravale vae ngana me o pato ulutu re ke kao, i ravale potong sona, ve i pato ulluti potong. Vei me one kopato ulluti potong,euve one sao me kutu muni me keu ngana nama tu teu la potong. Sao nia. Vei me one kulisi jas. ¹² Nutu kasena kalipae potong te I kasena tutu me jas. I kasena valto la rau mule kepeu ve tamane me te vei re kemwae. Mokoi te one itia na kulu ulluti kao la iri kepeu tamane naa me? ¹³ Au kou kao la meu nama kapele me,"Arung la ve sonrou me kakaila au ala la mali usuo ngana tena te ampe kumang bisnis valto la sila tena.Te la veng nei,au arae mani ansuna." ¹⁴ Meu kampe kao kana mata nei ulave meu lomeu matana sao me utva na lisi kakaila. Maul ngameu vei me sakuma, lilisi te tutu ansuna mana pala ma rong rong tamonoi. ¹⁵ Pe ngana me meu kapele mokoi, vei me keu ngana uso ngana lona me au atutu amaulul te ampe uru nama lou me ampe. ¹⁶ Ulave meu nge kalo angkae yameu mana ve kapele popotia kumang uso ngana nama lomeu me kampe. Mansara kana veng mata nei, i veng tal ngana rumanna. m ¹⁷ Lom matane pekolo. Vei me one lomatane rong ke uru pe ngana tena me kompe ulave one kove sao, euve one kove sereng.