¹ Au kou kao la meu kepeu ve tamane me nama kameu uru pepesa. Meu ma lomeu mantana ke uru uso ngana ve maena ngana me ketatu kililisi la meu, meu ma karel rel ve kaiyu ² kanrisi. Kako ve kavenga tul kameu rorol mana kepasi rong. Malenga kameu rorol mana luli me kekala pantare rong. ³ Gol ve silva kameu ketam kala rong, te tam ngana nei veiya sereng kameu lisi malla te kanpita meu me sie. Kae ulkala ngana me lilisi me rong rong, te meu katama ngineu uluti kako ve mani kameu kala. ⁴ Kata pekolo. Kumang kina me kelalla kaning la kumang kameu te meu kapa siling kala re te lomeu pite kilipu kare kalouna. Kilipu nei meu kamatau kale, i kiu la Nutu me i tal kolia veng kameu tal ngana.Te kumang kina nei me kiung kare la lisi rong la Keu ngana Uso ngana longana. ⁵ La votaena me rorol mana meu katutu la maa, meu karae uru pekolo ngana te meu kairuru te katutu. Meu kakaning saelle te kalum pal palle,te kae nama keval val meu kama mate ke lisi rong. ⁶ Meu katurupa keu ngana pe ngana me kare, te keval re te kemate. Iri sao me kemesi kala meu ve ketal kolia valing kameu. ⁷ Teu me, meu ma katatua kale kapa meu te kangate veng maena ngana, te katu alle keu ngana Uso ngana mule atu. Meu lomeu matane, keu ngana kana kumang i panane kaning pe ngana lisi la kumang ke. I tatua kale kapana te tu yateng te tualle kwi ve kae kempe kumang kare pala, te ngarume i rarae kaning. ⁸ Meu kena ma kata tua kale kapa meu te katu yateng te kangate veng maena ngana. Votaena nama Keu ngana Uso ngana mumule ke lisi parang rong. Mokoi te kapa meu ma tu pang pang. ⁹ Teu me, meu sao me kapa lalauve Nutu kepeu tamane ke me ve sao me kapele tata re. Mangina te Nutu lisi me jas te tuni pa kameu. Katae. Jas nane mesi ngaputu la vale kaona. ¹⁰ Teu me,meu ma lomeu mantane poropet nama me ngailia kitunturi kao la Keu ngana Uso ngana yana. Iri ngarang me keve veng tal ngana la iri, ulave iri ketatua kale kapare te kengate veng maena ngana. ¹¹ Meu katae, ita tapepele me,"Keu ngana me nama keta tua kale kapare te kengate veng maena ngana, iri kitu pekolo te kiruru."Meu katae Jop kana nanang rong.I tatua kale kapana te ngate veng maena rorol mana nama lisi la i. Te meu lomeu matane, ngarume Keu ngana Uso ngana veiya veng pe ngana la i. Ita lora matane, Keu ngana Uso ngana lona palle kita,te saelle mana I lona sisio ke ita. ¹² Teu me, uru mua ngana meu ma kampe,nei mokoi. Meu sao me kapatae Mali Saena o maa o uru tena te kave kao rumanna ngailu. Kapele mana me" Euve "nane "Euve " i valto. O kapele me"Sao" nane "Sao" i valto. Vei me meu kapele me rumanna ngailu, nei nge Nutu tal kolia kana kilipu tal ngana la meu. ¹³ Arung aka meu tena ngate veng maena ngana? I ma ulo kengke la Nutu. Arung aka meu tena kapana isasao? I ma ompouve vong nama talo angkaea Nutu yana kena. ¹⁴ Arung aka meu tena mamateng empe? I ma kiu ke iri nama kimumo la sios kyatu la i. Te la Keu ngana Uso ngana yana, iri ketau puni mul la vengana te iri kiulo keke la Nutu ne I veiya i lisi pe muni. ¹⁵ Vei me iri ketampa runrum la Nutu ve iri kiulo keke, Keu ngana Uso ngana rongke keu ngana nane mamateng ke ve pange i muni. Veime i veiya sereng, euve Keu ngana Uso ngana rau keke sereng nane me. ¹⁶ Mokoi te meu kena kena ma katun turi sereng kameu la Nutu kepeu tamane ke me.Te Nutu masi meu te kalisi pe muni.Veime keu ngana pe ngana ulo keke,euve ulongo keke ke kana mulil uso palle, te i valto la pupu alle iri naa me. aija ¹⁷ i munna kena me ita .I ulo keke karisi la Nutu me tangate kwi tuna sao, te kwi tuna sao la maa valto la sila iri moloi ve inna iri lotele kena. ¹⁸ Ngarume i ulokeke muni te tava pensi linge kwi sio atu te kaning kilisi muni la kumang me. ¹⁹ Teu me, veime aka meu tena kansalapi Nutu kao ke rumanna te lo pallu lutu ala, ²⁰ te teira tena ngate pae i mule muni, euve teira nane veiya kumang pekolo ngana rumanna. Meu ma lomeu matana kole kao nei. Veime teira tena la la keu ngana nama empe sereng te pupu kale ne kansalapi ulu tal ngana ve mule atu la Nutu, euve keu ngana nane rau mule keu ngana nane kannuna. Mokoi te i pame mate sao. La veng kana mata nei,Nutu pole sereng ansuna me.