¹ Teu me, keu ngana pepesa ngalua la meu kerae kumang nama kepalo mantane kepeu tamane me ke veng nama Nutu mate ke. Ka, votaena nama Nutu kaillia kepeu tamane me veng kare, I silo tote ita keu ngana me nama kara kumang ne tapolo mantane me pekolo ve rumanna. ² Saelle mana ita lora mantana me tampe uru tena, ulave matalang la ita.Veng kana mata nei lisi la ita rorol mana. Vei me Keu ngana tutu ve i empe kao tontoro, i keu ngana pe ngana rumanna.I valto la kela maisia ana ke me la vea ngana rorol mana . ³ Ita taliko inte aen pinsina la hos me kaore onna me tampei re kenanne lora matana ngana te kello. Ita takela alle kaore onna te la veng nei, ita tatau olle vengare me rorol mana. ⁴ Ita lora mantane mana me, mono i uru uso ngana te allo pampang ngana into i te tatao la peleu sana. Mono kana sitia nge so sina ronro rumanna. Kepten mate me lalla la uru tena, i kale pulia sitia mumuna sunei te veiya mono tao lala ura nama i mate ke. ⁵ Vei me kaora onna, i vengara mumuna anake tena. Ulave i iso angke i, to ulle i ve lo angke i sona yana. Ita lora matane, sia mumuna valto la kan inte ura lona te kanpal inte vea me rorol mana. ⁶ Te kaora onna vei me sie. I vengara riena tena kasena la vengara rorol mana. Ulave i empe veng mata mata tal ngana. I empe vengara rorol mana te tal.I veiya veng kana mata tal ngana lisi la motoning kita vei me sie milang ngana. Sie nane nge sia nama Hel siona. ⁷ Keu ngana me kerae posi pinolo la ura lona,te man me, yaul me ve uru me rorol mana nama kitutu la peleu. Iri kepa kane uru nei kala te kitutu mana la iri. ⁸ Ulave keu ngana tena sao me kela kale isona kaona onna. Sao. Saelle kaora onna pang te empe kao ravalang. Ve veng tal ngana nama keval mamate keu ngana ke panta la kaora onna. ⁹ La kaora onna, ita tampe kao ne tavua antae Karauso yana,i ita Tamara. Nutu vei ita rorol mana talisi me i sona mana.La kaora onna, ita tara vavala te tapa sasao ke iri kepeu tamane naa me. ¹⁰ Kao nama tavuo antae Nutu yana ve tara vavala kena, kao kana mata lua kili lisi la kao onna kena mana.Teu me, veng kana mata nei, i veng pesao ngana. ¹¹ Sao me mii pe ngana ve peleu kekalla kena la mii vonna tena. ¹² Teu me, arung me vea kaiyang ka nanna me vea oliv? O arung me vea vaen me keka nanna me vea kaiyang? Vei mana me peleu pa me lisi mii pe ngana sao. ¹³ Arung me keu ngana tena ngalua la meu lona mantana ve kana lomatana pe ngana ka? Vei me keu ngana kana mata tena mokoi tutu, loang ke ma lisi pekolo. I sao me empei sasaking ve loang kae isona yana. I ma nanne veng pekolo ngana nama lo matana pe ngana, keu ngana me kekele veng pe ngana i empe. ¹⁴ Vei me kapa meu tal rumanna la keu ngana panrae,te meu saelle kain sange ulu me kalo angkae yameu. Meu sao me kairuru ke lomeu matana pe ngana. Mangina, meu kapa siling te veng kameu vopite kao rumanna ngana. ¹⁵ Lomatana kana mata nei sao me sio atu la Mali Saena. Sao nia. Uru nei nge uru la maa kana te lilisi la kapa mua ngana, i tamana silolong. ¹⁶ Kata. Keu ngana nama me sare pesa sao ke keu ngana naa me, saelle iri kinsango ulu me kivo antae yare.Keu ngana nane me kemontong pekolo sao, te iri kempe veng tal ngana. ¹⁷ Keu ngana nama me kerae lomatana la Nutu, kempe veng mokoi. Mua ngana, iri kenanne lomatana likong ngana.Lua ngana, iri kemontong kapare kena mana la vae ngare me, te kempe yateng la iri, keta alla mane vae ngare me kaore. Iri lore pun ke vae ngare me te kempe veng pe ngana la iri. Iri kempe veng munna kena la keu ngana me rorol mana. Iri sao me kepa siling la kenanne veng pe ngana ke. Sao nia. Iri kenanne rumanna. ¹⁸ Vei me ita tatutu kapa kena mana, vei me ita tatoae uru alona.Te la veng kapa kena, veng pe ngana lisi la motoning kita vei me kaning pe ngana lisi la kumang.