¹ Tege ta navai vone Abraham,erei ia hamone teu na kakaine teu? ² E Abraham i bele manga bakovi malamala na maka leho i rata,ia biri tahoka vuhuna ni kavurike mulea rana,pali kimi na matane Deo. ³ A buk e Deo i ta navai? "E Abraham i luhoi tora ne Deo lakea i bele manga bakovi malamala." ⁴ Na bakovi erei leho,a mapana i bolea kimi manga tara ni habi,uka ia ra mapana leho i ratea. ⁵ Pali a bakovi kimi ratea tara leho lakea i luhoi tora vona ra bakovi erei rata e hurika bakovi kama ri lohoka ne Deo ri bele malamala,ani luhoi tora vona i ratea i bele manga bakovi malamala. ⁶ E Devit tara i habia ni gamai na bakovi erei i ratea e Deo i bele manga bakovi malamala,kimi na leho i ratea. ⁷ Ia i ta maea,"erei a bakovi e virika naro hale turana sin vona i ratavoroki e Deo pali,ia ge vivi. ⁸ Erei a bakovi e Viri Dagi kimi nugutata sin vona,ge vivi. ⁹ I Mavonga ra ni gamai iea i valai kunana ne hurika tara ri pala kuline ria o ne hurika tara kimi ri pala kuline ria ranga? Te ta maea,"a ni luhoi tora i ratea e Abraham ia bakovi malamala." ¹⁰ Ra hini nga i bele navai? Na tahuna e Abraham i pala kulina pali o na hini ia kimi pala kulina ma? Kimi na tahuna i pala kulina,na tahuna ia kimi pala kulina. ¹¹ E Abraham i bolea kilakilana ni pala kuli.Ia kilakilana naro malamala na ni luhoi tora i tahoka pali na tahuna i tababana ni made manga bakovi kimi pala kulina.Ra kilakila iea i maea,ia biri bele manga tamane hurika tara ri luhoi tora,ge ratara kama ri pala kuline ria.Ra hini ngi i rata ria ri bele manga bakovi malamala. ¹² Hini ngi ranga i maea,e Abraham kimi ie tamane hurika tara ri pala kuline ria o e huriki kama ri pala kuline ria,uka,erei to murimaia muri vahana ni luhoi tora e tamane teu e Abraham na tahuna ia kimi pala kulina ma. ¹³ A ni ta gamai i lakea ne Abraham turane hurika hamona maea,ia biri bole loboa tabekena malala pali ra hini nga kimi valai na naro ni ramai a lo,uka,na naro malamala ni luhoi tora. ¹⁴ E hurika tara ni murimai a lo rigi bole lobo e virika maki,a ni luhoi tora i bele maki tavula turana ni gamai kimi ge bele. ¹⁵ A lo i bole vilia ni hate madihi,ge uka lo i tabuli,bari uka sin. ¹⁶ Mavonga na naro ni luhoi tora,pololilo na ni dodo,a ni ta gamai biri lakea ne hurika hamone Abraham kimi ne erei i made polotano na kunana lo,uka,ia nevone huriki ri tahoka ni luhoi tora mange Abraham.Ie tamane teu lobo, ¹⁷ manga ngava i tabuli pali,"Iau a ratoe o bele mange tamane huriki lobo."E Abraham i made tabukoi na Viri ia i tahoka ni luhoi tora vona,ia re Deo i habia ni mahuri ne hurika bakovi ri mate lakea i ta e virika maki kama ri bele ri bele. ¹⁸ Ge ratara e Abraham i gare liu ia i tahoka ni luhoi tora dagi hateka ne Deo na maki biri bele murima.Manga hini bele mange tamane huriki a tara na bakovi a ngatavine manga ngava i longoa pali,"manga kunana e hurika hamona bara ri bele." ¹⁹ Ia kimi maluviluvi na ni luhoi tora.E Abraham i matakilaka maea,a kakaina kimi kara ni poda koma (a vuhuna,i tabukoi pali na pida vona ge 100).Ia tara i matakilaka maea,a kiri na koma na tamudine Sera kimi kara ni poda koma. ²⁰ Pali na ni ta gamai e Deo,Abraham kimi mangenge ge tahoka ni luhoi ge rua.Ia i pesi tora na ni luhoi tora vona ni kavurikea rane Deo. ²¹ Ia i tahoka ni luhoi i tora maea,ara ni ta gamai i ratea e Deo,ia bari bele. ²² Ra hini nga i ratea ia bakovi malamala. ²³ Ra ngava iea ni here kimi na kamumuna kunana,uka,na naro malamala vona. ²⁴ Ra ngava iea nevone teu erei te luhoi tora te bele malamala ne Deo erei i vakamahuri e Isu,e Viri Dagi ne teu na ni mate. ²⁵ Ra Viri ni habi lakea ni mate na naro hale ne teu pali mahuri mule ni rata teu ni bele manga bakovi malamala.