¹ Na tahuna, e Deo i bole mule teu na naro ni luhoi tora,te tamudi taku turane Deo pololilo ne ViriDagi ne teu e Isu Krist. ² Ne vona kunana,te kara ni lakea vona pololilo na naro ni luhoi tora,na ni dodo vona teu te pesi.te vivi vona ni luhoi i tora i habia ne teu e Deo,ni luhoi tora maea,bara te vivi palupu turana na harikianga e Deo. ³ Kimi na hini nga kunana,uka,mete vivi hateka vona maka ni mava mete bole.Mete lohoka maea,a naro ni kaloho a ni mava biri vakabelea naro ni pesi tora na tahuna na ni mava. ⁴ A naro ni made tora na tahuna na ni mava,biri vakabelea naro ni lohoka kamumu,pali a naro ni lohoka kamumu biri vakabelea naro ni tahoka ni luhoi tora na maki biri bele muri ma, ⁵ ra ni luhoi tora iea kimi haba ni tamudi mava,uka,na arana,a ni ngaru e Deo i maguru dili pali na tamudine teu na leho na Hanu Kiripiripi,i habia ne teu e Deo. ⁶ Na tahuna te made mange hurika tara ri uka ni tora,na tahuna vona,E Kristo i mate ne hurika tara kama ri lohoka ne Deo. ⁷ A vuhuna,i tara kimi ge mate ni bole mulea tara bakovi malamala.I maea,a viri tara ge ngaru ni mate ni bole mulea bakovi kamumu. ⁸ Lakea e Deo i vakasiria ni ngaru vona ne teu,na arana,na tahuna te made manga bakovi ni rata naro hale,e Kristo i mate ne teu. ⁹ I ngane te bele manga bakovi malamala na darane Isu,ra dara iea biri rata teu ni polotaroa ni tamudi hale Deo. ¹⁰ Mavonga,na tahuna te made manga pile Deo,lakea i rata teu te tamudi taku turana na ni matane tuna bakovi,pali i rata teu te tamudi taku turane Deo,lakea i bole mule teu na ni mahuri ne Isu. ¹¹ Kimi na hini nga kunana uka,tege vivi hateka ne Deo pololilo ne ViriDagi neteu e Isu Kristo,nevona kunana e Deo i tamudi taku turane teu. ¹² Mavonga,na bakovi taku,a naro hale i valai na malala,vona ra dala ia a ni mate i valai na naro hale.Ani mate i lakea lobo ne hurika bakovi a ngatavine a vuhuna,e hurika bakovi a ngatavine lobo ri rata naro hale. ¹³ Manga a tahuna na lo,a naro hale i tabuli na malala,lakea i uka nitana naro hale na tahuna i uka lo. ¹⁴ Manga kunana,a ni mate i bele manga matakari na tahuna ne Adam i valai na tahuna ne Moses,i lakea tabu polomeli ne huriki kama ri rata naro hale ge palupulupu,manga e Adam i putupurua nitane Deo,ia ni vakasiri ne erei biri muri valai. ¹⁵ Pali ngi i maea,ra ni habi e Deo kimi palupu manga naro hale.Lakea ga naro hale na viri taku ge habi valai a ni mate ne huriki kupo,a ni vivi dagi bara ni dodo turana ni habi na ni dodo na bakovi tara,ia,E Isu Kristo bari vonu ne hurika tara lobo. ¹⁶ A vuhuna,ra ni habi iea kama vuana ra viri i rata naro hale.Na tabeke tara,na hini kama go polotaroa kot o bolea halenga i valai na naro hale na bakovi taku.Pali na tabeke tara,ra ni habi iea i rata teu te polotaroa kot lakea te bele malamala muri na naro hale i kupo. ¹⁷ A naro hale na viri tara,ani mate i matakari ia,vivi hateka ne erei ri bolea ra ni dodo iea,i vonu hateka lakea ni habi malamala i matakaria ni mahuri na bakovi tara,E Isu Kristo. ¹⁸ Manga hini,ni putupuru a ngava na bakovi taku,hurika bakovi lobo kama ri polotaroa kot,manga kunana,ni malamala na bakovi taku,e hurika bakovi a ngatavine lobo ri bele malamala lakea ri bolea ni mahuri. ¹⁹ Na naro ni putupuru a ngava na bakovi taku,e huriki lobo ri bele manga bakovi a ngatavine ni rata naro hale,manga kunana,a naro ni murimai a ngavana bakovi ala taku,hurika bakovi a ngatavine lobo bara ri bele malamala. ²⁰ Lakea,a lo i valai turana,lakea a naro hale biri kupo.Pali na hini a naro hale i kupo,a ni dodo bari kupo hateka. ²¹ I bele na hini,na tahuna a naro hale i matakaria naro ni mate,a ni dodo bari matakaria naro malamala ni mahuri vakaroro,pololilo ne Isu Kristo A Viri Dagi ne teu.