¹ Mavonga ara maki kamumu ge bolea maka tara na Juda?Ara maki ni kani kamumu rigi bolea na hini ri pala kuline ria? ² Ra hini nga i dagi hateka na dala lobo.I muga hateka,e hurika tara na Juda ri bolea pali a nita kapiloho e Deo. ³ Ge navai ne hurika tara na Juda ranga ri uka ni luhoi tora?Ra naro ni uka ni luhoi tora ne tou ge ratea nita muholi e Deo ga maki tavula? ⁴ Kimi ge bele maea.Uka,rigi matai maea e Deo i muholi hateka,na hini e huriki lobo ria bakovi a ngatavine ni tatami.Manga ngava i tabuli pali i ta maea,"O vakasiria naro malamala na nitamu bara o polotaroa kot vomu." ⁵ Lakea,a naro kimi malamala ne teu ni vakasiria naro malamala e Deo,tege ta navai?Tege ta maea e Deo kimi rata naro malamala ni rua ni hate madihi vona ne teu?(Iau a rata ngava na narone hita bakovi). ⁶ Nahani ge bele mavonga.Na ara dala,e Deo ge rata kot vona ne hurika bakovi a ngatavine na malala? ⁷ Lakea,ra nita muholi e Deo pololilo na nita tatami nau i vakabelea ni ta vivi dagi lakea ne Deo,pali ara vuhuna hini a bolea kot manga bakovi ni rata sin tara? ⁸ Na arana,tege ta maea,manga kunana ria ri rata nita tatami ne teu lakea ne huriki ranga,ranga ri taki teu te ta maea,"teu tege rata naro hale na dala iea,a maki kamumu biri valai?"A kot vona re huriki ngi i malamala kunana. ⁹ Ara ngane?teu mule tege matakanea dala ni polotaroa?Uka liu.Na arana,teu te ru e huriki lobo pali na kot,e hurika tara na Juda turana Grik manga ri made polotano na sin. ¹⁰ Ra ngava iea i tabuli pali na buk e Deo i ta maea,"Uka tara ge malamala,uka liu. ¹¹ I uka tara ge tahoka ni lohoka.Uka tara ge matakanea e Deo. ¹² Huriki lobo ri haba bitone ria pali.Ri bele manga maki tavula.I uka tara ge rata naro kamumu,uka liu." ¹³ A lohone ria i manga lovo i mataka i tabuli.I tahoka ni tatami a tabelene ria.A ngavane ria i tahoka naru hale na mata i tabuli. ¹⁴ A ngavane tou i vonu na maka ngava i vagole hateka ni ratapilea viri tara. ¹⁵ "A vahane ria i lakea malaviriri na naro ni vaka guru a darana viri tara. ¹⁶ A naro ni ratapile ni vakabele a ni mava i tabuli na dalane tou. ¹⁷ Re huriki ngi kama ri lohoka vona tara dala ni made tamudi madoru. ¹⁸ Na matane ria ri uka ni lohoka na naro ni mangenge ne Deo." ¹⁹ Ngane te lohoka maea,ara maki taki a lo,i ta lakea ne huriki erei ri made polotano na lo.Ra hini nga i bele,ne ria rigi ngava rubu,ne hurika bakovi a ngatavine na malala rigi pesi na kot e Deo. ²⁰ Ra hini nga i maea,i uka tara bakovi o a ngatavine i malamala na matane Deo na leho na lo.Na arana,pololilo na lo a sin i bele kavakava. ²² I maea,a naro malamala e Deo na ni luhoi tora ne Isu Kristo i valai ne huriki ri luhoi tora.Na arana,i uka naro ni luhoi kado e huriki ranga. ²³ A vuhuna,e huriki lobo a bakovi a ngatavine ri rata sin pali lakea kama ri kara ni valai tabukoi na harikianga e Deo, ²⁴ ria ri polotaroa pali a kot,kama na leho tara ri ratea.Uka.Ria ri bele malamala na ni dodo e Deo,e Isu Kristo i mate lakea i kona mule matou tavula liu. ²⁵ Na arana,e Deo i habia e Isu Kristo manga bakovi ni bole mule teu pololilo na naro ni luhoi tora na darana.E Deo i habia e Kristo manga ni habi ni vakasiri teu vona kot malimali vona,manga e Deo i rata voroki a maka sin hosi. ²⁶ Pololilo na naro ni made madoru.Ra hini nga lobo i bele ni vakasiria naro malamala vona na tahuna ne teu ngane.biri vakasikri kavakavea maea ia i malimali,lakea ia biri ta maea ria ri kamumu ni polotaroa kot na ni luhoi tora ne tou ne Isu. ²⁷ Lakea na naro ia I kavurike mulea rana? I uka liu.Na ara vuhuna?Ne virika leho? Uka,na naro ni luhoi tora kunana. ²⁸ Ngane bara te vakalobo a ngava maea,e Deo i rata e hurika bakovi a ngatavine ri polotaroa kot ri bele malamala na ni luhoi tora kunana,kama na leho na lo. ²⁹ O e Deo ie Deo na tara na Juda kunana? Ia tara kimi ie Deo na maka tara ranga? Muholi,Ia tara Ie Deo ne hurika tara ranga. ³⁰ I muholi maea e Deo i taku kunana,Ia biri bole mule e hurika tara ni pala kuline tou turane huriki kama ri pala kuline ria pololilo na naro ni luhoi tora kunana. ³¹ Mavonga tege ratavorokia lo pololilo na naro ni luhoi tora?Ra hini ngi kimi ge bele mavonga! Uka,a lo tara bara te nugutatea.