¹ Mavonga bara moto uka ngava ni rata na kot e Deo,matou erei i luhoi kado a viri tara,ara maki o luhoi kadoa na viri tara ioe o ru mule ioe na kot.Na arana,matou e huriki moto luhoi kado a viri tara,matou ranga moto rata re virika naro nga. ² Pali te lohoka maea a kot e Deo i bele i ta muholi ne erei e hurika bakovi ri rata re virika naro nga. ³ Lakea o luhoia ra hini nga,ioe erei o luhoi kado e huriki ranga ioe tara o rata re virika naro nga.Moto kara ni polotaroa kot e Deo? ⁴ Moto luhoi maea,a naro kamumu lakea a maki kiroko kama moto koli malaviriria?Kama moto lohoka maea a naro kamumu vona i ngaru ioe go puloa tamudimu? ⁵ Pali vano moto polotaroa ra rerena ni torana tamudine matou lakea tamudine matou kimi ngaru ni mapulo,mu ru kadolu re virika mapana ra ni halene matou ge tabuli ge davea ra parava ni bolea ra mapa hale,ia ra parava na kot malamala e Deo ge bele kavakava. ⁶ Ia biri kolia mapana ge kara na narona bakovi takutaku i rata: ⁷ ne erei ri rata maka naro kamumu ri vivi ri made kamumu ri made malamala,ia biri habia ni mahuri tabuli vakaroro. ⁸ Pali ne hurika bakovi ri luhoi mule ria,kimi murimaia nita muholi lakea i murimaia naro kimi malamala,a mapa hale turana ni tamudi hale biri valai. ⁹ E Deo biri habia ni mava dagi turana halenga biri lakea ne hurika bakovi a ngatavine ri rata naro hale,ne hurika Juda taro turana maka Grik. ¹⁰ Pali a ni vivi,ni made kamumu tura ni made madoru biri valai ne hurika bakovi ri rata naro kamumu,ne hurika Juda taro turane hurika Grik. ¹¹ A vuhuna e Deo i rata naro palupulupu kunana ni ngaru e hurika bakovi lobo. ¹² Manga kunana e hurika bakovi ri rata sin na tahuna i uka lo,bara ri bolea ni hale ge ratara lo i uka e hurika bakovi ri rata sin polotano na lo,bara ri bolea kot polotano na kot. ¹³ Kimi e hurika bakovi ri longoa nitana lo rigi bele malamala na matane Deo,e hurika bakovi ri murimaia lo bara ri bele manga bakovi malamala. ¹⁴ Na arana e hurika bakovi ranga ri uka lo,ri murimaia ni luhoi ne ria ni murimaia lo,tou mule tou a lo ne tou,ge ratara to uka lo. ¹⁵ Vona ra naro iea,ri vakasiri maea a maka naro i ta vona lo,ri here pali na tamudine ria.A ni luhoi ne ria i bele manga bole kori ne tou lakea ni luhoi ne tou biri ru mule tou na kot o i bole kori tou ¹⁶ manga ne Deo tara.Ra hini nga biri bele na parava e Deo biri pelekado a maka naro kapiloho ne hurika bakovi ri murimaia ra velenga kamumu e Isu Kristo iau a taki talea. ¹⁷ Pali lakea moto gale mule matou maea matou a Juda lakea moto pesi na lo ni bole a ni rana dagi ne Deo, ¹⁸ ni lohoka na ni ngaru turana ni mata kilaka na ara i bele muga hateka na arana moto bolea ni luhoi na lo, ¹⁹ lakea moto tahoka ni luhoi tora maea,matou a bakovi ni vakasiri a dala na maka kapa lakea moto made manga ni para na bakovi ri made na uvo, ²⁰ lakea mu made manga bakovi ni pelekado e hurika manga,a vinara na maka koma kiroko lakea moto lohoka kamumu na maka nita muholi,i navai,ra hini nga i habi a ni mava na ni made ne matou? ²¹ Matou moto tovo e huriki ranga,kama moto tovo mule matou?Matou moto taki tala ngava nahani ni panaho,matou ranga kama moto panaho? ²² Matou moto taki e huriki ranga nahani ngoi,matou kama moto rata naro ni ngoi?Kama moto ngaru a maka deo tatami,kama moto panaho pololilo na roho dagi ni vasileki? ²³ Moto kavurike mule matou na lo,kama moto pahadanua rane Deo na naro ni putupuru a lo? ²⁴ Ne matou kunana e huriki ranga ri ta padikede na rane Deo,manga ngava i tabuli na buk. ²⁵ A naro ni pala kuli i kori matou ni murimai a lo,pali matou moto putupuru a lo,a naro ni pala kuline matou i manga matou kama moto pala kuli. ²⁶ Erei kimi pala kulina lakea i murimaia narona lo,ra hini ngi biri ratea manga ia tara i pala kulina? ²⁷ A bakovi kimi pala kulina i ramaia lo,ge kara ni ru matou na kot?Ra hini nga i maea,moto tahoka lo lakea moto pala kuline matou,lakea matou moto putupurua lo. ²⁸ Na arana kimi ia tarana Juda polovavo na kulina,a naro ni pala kuli kimi nevona hini polovavo na kakaimu. ²⁹ Ia nevona maka Juda pololilo pali a ni pala kuli ia nevona tamudi,pololilo na Spirit,kimi na rau kea.Ta vivi na bakovi maea kimi valai na bakovi i valai ne Deo.