1 Na hetelanga,huriki a mugamuga a matakari ri vata ne ria rigi bimatena e Isu. 2 Mavonga ri kola na mota,pali ri bole lakea ne pailet a gavana ne ria. 3 Muri e Judas,erei a bakovi ni habia e Isu na limane huriki a pile,ia i matai maea ia i rata pile tavulea bakovi i uka potu vona,lakea ia i ta dodo i habi mulea a pou na moni i ravulu tolu ne hurika hetpris turane hurika mugamuga. 4 lakea i ta,"Iau a rata sin pali,na rana iau a habi tavula dara i uka potu na limana pile.Pali ria ri ta maea,"Ra makea kama maki mia?Ia maki vomu kunana." 5 Muri e Judas i voroki ra maka silva moni na tempel,ia i pea ra tanga i pagitala ia i vakatavore mulea. 6 Hurika mugamuga ri bole ra silva moni ri ta maea,"Ra hini nga kimi vakalobo a lo ni ru ra maka silva pololilo na ruma na moni,na rana ra hini nga mapana dara. 7 Ri vapopo ri ta vona hini nga,turana moni nga ni kona tabekena malala ne vona bakovi tara ia i kara ni rata ulo bara ni tanu e hurika tara kama ria Jerusalem. 8 Na hini nga kunana,ra tabekena malala nga ni gale a rana e,"Tabekena malala na dara"I hosi i valai i bele mona. 9 Ne virika maki nga i bele,i vakatorea ngavane profet Jeremaia maea,"Ri bole a silva moni i ravulu tou manga mapana,hurika tara o Israel ria ri taki, 10 lakea ri bole ra moni nga ri habi na bakovi ni rata ulo,manga hini i takau e ViriDagi." 11 Ngane e Isu i pesi na matana gavaman,lakea gavaman i nana maea ia,"Ioe a king ne hurika Juda?"Pali e Isu i koli maea ia,"Ioe o taki pali. 12 Pali e hurika hetpris turana mugamua ri ta padikedea,Isu kama i koli mulea tara ngava. 13 Pali e Pailat i nana maea ia,"Ioe kama o longo maka ngava ni harogi ioe ni ratapile ioe e?" 14 Pali e Isu kimi kolia tara ngava ri ratea vona lakea gavaman luhoi lege. 15 Na parava na Pasova i tahoka narona gavaman bara ni tongotala tara bakovi na bavi i pagitala,a naro i ru e hurika bakovi a ngatavine. 16 Na tahuna iea,i tahoka tara bakovi ni rata naro hale liu a rana e Barabas. 17 Tuhuna e hurika bakovi a ngatavine ri vapopo,Pailat i nana maea ria,"Mua mu ngaru iau ga tono talea erei ge pagitala?Barabas o e Isu ni gale Kristo? 18 Pailat i lohoka maea,ria ri rudua e Isu i lakea vona,na rana e hurika bakovi a ngatavine kama ri ngarua. 19 Tahuna e Pailat i made na sia vona ni rata kot,girihina i rudu a ngava vona maea,"Nahani ratea na bakovi iea tara maki ia i malamala,na rodo iau a vurena vona iau a bole a ni mava." 20 Pali hurika hetpris turana mugamuga na sios ri ta tora ne hurika bakovi a ngatavine Barabas a viri ge pagitala,pali e Isu nigi rabalaki. 21 Gavana i nana maea e hurika bakovi a ngatavine,"Na bakovi rua maki te tahoka,mua mu ngaru iau ga tonotala erei?"Lakea ria lobo ri gale maea,"Barabas." 22 Pali lakea e Pailat i nana tabu ria,"Pali teu tege rata ara vona e Isu erei ni gale e Kristo?Ria lobo ri koli maea,"Vakatavorea na kai tavalavala." 23 Ia i nana maea ria i ta,"Erei a lo ia i polotaroa?"Ria ri gale dagi hateka ri tatora ri ta maea,"Paditatea na kai tavalavala," 24 Tahuna e Pailat i matai maea,ia kama i kara ni rata tabua tara maki ni pulo a niluhoi ne hurika bakovi a ngatavine,pali ia i matai maea bara ri vakabele a vabina na palane ria maea ia i bolea naru i loia limana na matane ria lakea i taki maea ria,"Darana bakovi iea kama ge madoko na limagu.Mua mu ratea mu masia." 25 Hurika bakovi a ngatavine ri ta maea,"Rua darana ge madoko ne mia ne hurike tune mia." 26 Lakea ia i tonoa e Banabas i pagitala,ia i taki e hurika nugu maheto ri ubia e Isu na wip lakea i rua na limane ria,ne ria bara ri paditatea na kai tavalavala. 27 Muri e hurika nugu maheto na gavana i lakea na murina ni vapopo na gavana,hurika nugu maheto ri valai ri pesi na matana. 28 Lakea ri kalitala varikia vona ri vakarodoa na varikia vururu na kakaina. 29 Ri rua vona mota padipadi manga hat ne king na gina ri rua na limana kanena tara kai.Lakea ri pasike puru na vahana ri biua ri ta maea,"Ra verea a king na maka Juda!" 30 Ri kalupea,ri bolea na limana kai ri ubi kupoa gina. 31 Na tahuna ri ta biua,ri kalitala vona varikia vururu ri vaka rudomulea ne vona,ri bole i vano rigi paditatea na kaitavalavala. 32 Na tahuna ria ri pori,ria ri masia a bakovi o Sairini a rana e Simon,ni rudu hakuku ge malaviri rigi vano na ra ia bari tuhoria e Isu ni kaloho boloa bolo vona. 33 Ri valai vona tanga ni gale Gologota,i maea"murina tuha." 34 Ri habi vona vain i vagole.I tonia na ngutuna pali koi ni ninu. 35 Na tahuna ria ri paditatea na kai tavalava,ria ri turapea varikia vona ri rehi vona, 36 pali ri made vonga ri matakaria. 37 Polomeli na gina ni ru tara bokona ngava nigi luhoi lege vona,i tamaea,"Re verea iea Isu a king ne huriki a Juda." 38 Pali a bakovi ni panaho i ala rua ranga ni paditata rua,tara na limana kanena pali tara na limana maurina. 39 Huriki ri polo ri ta hale vona ri mapa kulukulu 40 pali ri tamaea,"Ioe mo taki go rata pelea roho e Deo pali na parava i tolu go rata mulea, o kori muloe! Pali gi ioe e Tune Deo,Puru vona kai tavalava!" 41 Manga kunana e hurika mugamuga ri ranga ri ta hale vona,turane huriki a bakovi ni lohoka na lo turana matakari, ri tamaea, 42 "Ia i kori e huriki ranga, pali iea koma i kara ni kori mulea.Ia King na Isael.Rua ge puru vona kai tavalavala,pali muri hisa bari si luhoi torea. 43 Ia i luhoi tora ne Deo,rua e Deo ge koria ngane,na tahuna e Deo i ngaru ni bolea.Ia i ta muholi maea,'Iau e Tune Deo." 44 Manga kunana ra panaho nga rua na kai turana rua ranga ru tahale vona 45 Pali na 12 kilok a uvo i kavutagua malala i vano i kara na 3 kilok. 46 Na 3 kilok na malunga,Isu i tangi tala dagi pali tamaea,"Eli,Eli,lamasabakatani?"I maea,"Deo nau,oDeo nau,i navi o hatarau? 47 Pali ranga i tabana ni pesi vonga ri longa,ri tamaea,"Ia i gale Elaija." 48 Malaviri kunana i nunu tara ne ria i bolea marapena varikia, i rua na vain i vagole i valai i habia vona ge ninua. 49 Ria lobo ri tarike ri tamaea,"Taparakia.Te masia ge valai eElaija ge koria." 50 Muri e Isu i tangi tala dagi tabu pali habia Spiri vona. 51 Malaviri kunana, a lavalava na roho e Deo i mavida na tabeke i rua vaka tubu polomeli i puru polotano,pali a malala i vakulu,pali a virika kedo ri tere lae. 52 Pali a tum ni tala,pali a kakaine huriki a bakovi malimali ri mahita ri pesi rike. 53 Ria ri pori na tum muri ne vona i pesi rike,i dili na tanga i malimali pali bele ne huriki ri kupo. 54 Tahuna na mugamuga ne huriki a nugumahet pali e huriki ranga turana ri matakari e Isu ri hatakia vuruke pali ri matai a varikia maki bele,ria ri mangege ri tamaea,"Muholia hateka ia e Tune Deo." 55 Huriki a ngatavine ri muri ne Isu ri tuvai e Galili ria ranga ri pesi basi ri matanono. 56 E Maria Makdala tara ria,Maria kinane Jems e Josep,pali e kinane tune Zebedi rua. 57 Tahuna i malungz hiningi, i valai tara bakovi Arimatia ia mahoni,a rana e Josep,ia murimuri vona e Isu. 58 I vano i mataia e Pailet pali nanea vona kakaine Isu.Pali e pailet longo i habia kakaine Isu ne vona. 59 E Josep i bolea kakaine,i sivua na varikia i karaba, 60 pali vaka mahitea na tum vona ia i ratea.Muri i tukaria na kedo dagi pali ri vano ria. 61 Maria Makdala turana e Maria ranga tou to made na gaga tara tabukoi na tum. 62 Na parava tara,a parava muri na parava na passova,huriki a mugamuga a Parisi ri vapopo turana e Pailet. 63 Ria ri tamaea,"Bakovi dagimia mi luhoia,ra parava ra bakovi ni tatami ia i mahuri,ia i tamaea,'Muri na parava i tolu Iau bara hadongo mule.' 64 Mavonga Ioe o ta tora huriki rigi matakari kamumu tum e Isu vano i kara na parava i tolu,mege valai e huriki a murimuri vona rigi bolea pali rigi taki maea ia i mahuri mule,'pali ra ni tatami ne tou bari koma gekara turana ni tatami ri rata mugea." 65 Pailet i taki tou maea,"huriki a nugu maheto.Mu vano mu matakari pali mu matadoko kamumu vona." 66 Pali ri vano ri vapolo kari vona tum,ri ru a kedo pali ri pesi na hini lobo maka nugu maheto.