Na tahuna i rata pali ra ngava ngava,ia i taki a murimuri maea, ² Mua mu lohoka maea,muri na parava i rua,Paasova bari bele bara ni habi a Tuna Bakovi i lakea na limane hurika bakovi bara ni paditata na bolo." ³ Muri e hurika mugamuga turana a bakovi dagi ne ria hurika bakovi a ngatavine ri vapopo na ruma na mugamuga,a rana e Kaiapas. ⁴ Ria ri vata ni bimatena e Isu. ⁵ Mavonga ria ri tameae,"Nahani tege ratea na parava na vaponga,nara mege vaobi e huriki. " ⁶ Ngane e Isu e o Beteni pololilo na ruma e Simon i tahoka tu tala, ⁷ Na tahuna ia i made na dede i kakani i valai tara ngatavine i bolea tara alabasta botol i tahoka vel sanda pololilo vona pali polomeli hateka,pali likia na gina. ⁸ Mavonga huriki a voravora vona ri masia ra hininga,ria ri ttamudi hale ri tamaea,"Ge navai ngane ra maki i polomeli hateka ni liki tavula? ⁹ I kara nigi habi nigi kona na moni dagi pali nigi habi ne huriki ri uka maki." ¹⁰ Pali e Isu,palala pali i nana tou,"I navai mu tamudi hale vona ngatavine ea?Ia i ratea nau tara maki i peda hateka. ¹¹ Na parava vakaroro mua mu made turana e huriki uka maki,pali mua koma mugu made turagu vakaroro. ¹² Tahuna i gurua na kakaina ra oil i mangi peda hateka,Ia i rata ra hininga ne vona ni mategu. ¹³ Muholi Iau a taki matou,na tahuna to taki talea ra ngava kamumu na hini lobo,ria bari takia ne huriki ara maki ratea ngatavine ea,pali bari luhoi ia na ni luhoi ne ria." ¹⁴ Muri tara ne tou a voravora,arana e Judas Iscariot,i lakea na mugamuga ne huriki a mugamuga ¹⁵ pali tamaea,"Ara maki matou motogo habia nau pali Iau bara habiane matou? Tou to bole talea po ne tou pali to habi vona ravulu tolu na siliva ¹⁶ Vona ra perava ia e Judas i mata visia pali a dala ni habia e Isu na limane huriki a pile ¹⁷ Ni vakatubuna parava ni kana bret i uka ist vona,e huriki a murimuri vona ri valai ri tamaea, "Ivai a hiningi o ngarua metege palakadoa nigi rata passover ratea vona ?" ¹⁸ Ia i tamaea,mu dili na tanga dagi mu masia tara bakovi pali mu takia maea,'Vinara i tamaea,"A parava nau i valai na ni lobona.Iau a ngaru ni kana passova na ruma vomu tura e huriki a murimuri nau." ¹⁹ Pali huriki a murimuri vona ri ramaia hini ia i taki tou,pali ria i palakadoa murina passova. ²⁰ I malunga ngane a hiningi,ia i made turane huriki a murimuri vona. ²¹ Na tahuna ria ri kakani,Ia i tamaea,"Muholi hateka Iau a taki matou bari tara matou bari habi iau na pile." ²² Ria ri dodo hatekea,pali takutaku ne ria ri nanae,"Muholi hateka komage Iau,Viri dagi?" ²³ Ia i koli,"Erea i toto turagu dili na dis ia kunana viri bari habi Iau na limana pile. ²⁴ E Tune Bakovi dagi bari vano,manga kunana ngava ni gamai vona.Pali a dodo hateka ra bakovi erea i habia Tuna Bakovi na limana pile!Bari kamumu hateka i uka ge podea e kinana ra bakovi iea. " ²⁵ Judas,erea bari habi e Isu na limanu huriki a pile tamaea,I Iau ,Vinara?"Ia i kolia i tamaea,"Manga hiningi Ioe o taki." ²⁶ Tahuna tou to kakani,Isu i bolea bret,i gamaia,pali kevea.Ia i habi ne tou pali tamaea,"Moto bole,moto kani.Ra maki nga a bobogu." ²⁷ I bole tabua cap i ta kamumu ne Deo,pali habi ne tou i tamaea,"Moto ninu,matou lobo. ²⁸ Ra makea a daragu i manga kontrak i maguru ni vahilolo voroki a naro hale ne huriki a bakovi a ngatavine. ²⁹ Pali Iau a taki matou,Iau koma ga ninu tabu vona ra kanena ra vain iea,vano na parava Iau bara ninua vain karraba turane mua na harikianga e Tata. ³⁰ Na tahuna ri kaloloa tara linge,ria ri pali tala ri lakea vona lolo e Olives. ³¹ Muri e Isu i nana ria,"Mua lobo bari mu hata rau ngane na rodo,vona ngava i tabuli pali,'Iau bara ratapilea matakari na sipsip pali ria bari velu laea,' ³² Muri ne nau a hadongo mule,Iau bara muga lakea o Galili." ³³ Pali e Pita i takia maea,"I navai ria rigi hataroe ,Iau koma ga hataroe." ³⁴ Isu i koli i tamaea,"Muholi hateka Iau a taki ioe,vona ra rodo iea,muga na kureko ge tangi,ioe baro ta lavuni ne nau boloko tolu." ³⁵ Pita i koli i tamaea,"Bari navai Iau bara mate turamu,Iau koma ga ta lavuni ne vomu."Tou lobo a murimuri vona to taki maea. ³⁶ Muri e Isu bole tou fo lakea vona tara tanga ni gale Getsamani pali taki tou maea,"Moto made koia Iau ga lakea lake ga vasileki." ³⁷ Ia i bolea e Pita turana maki tarina rua tune Zebedi to vano Ia i hatakia ni dodo a ni mava na kakaina. ³⁸ Lakea i taki tou,"Iau a hatakia ni dodo i dagi hateka, manga ga mate.Moto made koia moto mata turagu." ³⁹ I vano basi popote ia,i pasike puru i lolu i vasileki.Ia i tamaea,"O Tata,i kamumu,go bole vorokia nau a kap iea.Pali koma ni ngaru nau,o rua ni ngaru vomu ge bele." ⁴⁰ Ia i valai ne tou pali matai tou to mahita,pali takia e Pita,"I navai ioe koma o mata para go kapi turagu na aua i taku? ⁴¹ O kapi o vasileki pali ioe koma go dili na ni toni.I spirit i ngaru ni leho,pali a kaka imu i lesi ni rata leho." ⁴² Ia i vano tabu ge vasileki.Ia i tamaea,"O Tata,ra hininga koma i polo tarau rua ga ninu vona,ru ni ngaru omu ge bele." ⁴³ Ia i hamule i matai tou to mahita,tou to mata tulu. ⁴⁴ Pali pe tabu tou,i vano i vasileki boloko tolu,taki ra bokona ngava i tataki. ⁴⁵ Muri e Isu i valai ne tou i taki tou maea,"Ri matou moto tabana ni mahita ni malolo?Masia,ra aua ieea i valai ni harena,pali a Tuna Bakovi ni habi na limane huriki bakovi a ngatavine ni rata sin. ⁴⁶ Moto hadongo,te vano.Masia,A bakovi i ru iau na limane huriki a pile i valai tabukoi." ⁴⁷ Na tahuna ia i tabana ni tata,e Judas tara murimuri vona, i valai,A kabune huriki a bakovi a ngatavine a mugamuga mata kariri valai.Ria ri valai turan vito a maki ni vaobi. ⁴⁸ Ngane a bakovi ni habe Isu na limane huriki a pile i rata kila,i tamaea,"A viri Iau a ngurua ia kunana.Mu nugu tatea." ⁴⁹ Mala viriri kunana i vaalai ne Iau i tamaea,Rodo kamumu,Vinara!pali ngurua. ⁵⁰ Isu i takia i tamaea,"Tura,o ratea maki ioe o valai ni ratea."Ri valai ri ubia e Isu ri nugu tatea. ⁵¹ Malaviriri kunana i tara ne huriki ri muri ne Isu i tototalea limana i lalua vito ne ria i palakudua talingana tara mugamuga. ⁵² Muri e Isu i takia maea,"Rumulea na murina vito vomu,erei huriki ri bola Vito ria bari bola ni madihi na vito. ⁵³ Mu luhoi navai Iau a kara ni galea e Tata, ge rudu a kabuna engel rigi valai nau? ⁵⁴ Mavonga ge bele muholi navai virika ngava, Mavonga ia ge bele?" ⁵⁵ Vona ra parava iea e Isu taki e huriki, "Re mua mu valai turana vito,a maki ni vaobi ni nugu tatau manga iau a panaho?Parava vakaroro Iau a made popolilo na roho e Deo a haba vinara,pali mua koma mu nugutatau. ⁵⁶ Mavonga ra hininga ge bele ramaia a ngava ne huriki a propet."Muri hurika murimuri vona ri hataro ri vano viliha. ⁵⁷ Erei e huriki ri nugu tatea e Isu ri bole lakea ne Kaiapas mugamuga, vona ra hini nga e huriki a bakovi ni lohoka na lo a matakari ria lobo vonga. ⁵⁸ E Pita i ramaia e Isu i dili na murina mugamuga. Ia i vano i made turana e huriki a nugu maheto ri ngaru ni masia ara maki ni gi rata virihi ne Isu. ⁵⁹ Ngane huriki a mugamuga turana matakari ri mata kana ranga ngava taminga nigi rata vona pali nigi rabalaki ia. ⁶⁰ Pali ria koma ri mata visia tara,Pali rua ru valai ru ta maea,"Ra bakovi iea i ta maea,Iau bara bi pukea ra roho ni vasileki ne Deo pali bara rata rike tabua muri na parava i tolu." ⁶² A mugamuga i pesi rike i takia i tamaea,"Pali ioe o palala vona rani nana iea?Ara maki nga pali ara maki ni tataki ne vomu?" ⁶³ Pali e Isu i pesi mangulu.A mugamuga i takia i tamaea,"Iau a taki ioe na rane Deo,vaka longo mia maea ioe Kristo,Tune Deo." ⁶⁴ Isu i kolia i tamaea,"Manga kunana hiningi ioe o taki.Pali Iau a taki mua,ngane muri ma bari mu mataia e Tuna Bakovi bari made na limana kanena turana ni tora i dagi hateka, pali bari valai turana bubu na hunu." ⁶⁵ Ra mugamuga i longoa ra hini nga i rapea varikia vona pali tamaea,"Ni ta tuhare ra makea!pali na ara tege mata kanalaia ngava vona?Masia,ngane te longo e virika ngava ni ta tuhare. ⁶⁶ Mu luhoi navai?"Ria ri koli ri tamaea,"I kamumu hateka ngane bari mate ngane." ⁶⁷ Muri ri kalupea na matana pali ri ubia,ri kukurasi laea na limane ria, ⁶⁸ pali ri tamaea," O ta kava matou,Ioe Kristo.Erei i kukurasi ioe?" ⁶⁹ Ngane e Pita made polovavo na roho pali pololilo na murina mugamuga, i valai vona tara ngatavine i tamaea,"Ioe tara ioe a turane Isu bakovi o Galili. " ⁷⁰ Pali ia i tamaea i uka "kama palala vona erei o takia." ⁷¹ Na tahuna i pagitala na ni pori na murina mugamuga,i valai tabu tara ngatavine a voravora vonga i masia i taki e huriki ri pesi vonga maea,"Ra bakovi iea tara a turane Isu a bakovi o Nasaret." ⁷² Mavonga tabu ia ta tora i ta gamai, maea Iau kama palala vona ra bakovi iea!", ⁷³ Tabaka popote i valai ra viri to pesi palupu to nanea to tamaea,"Muholi hateka ioe tara ioe a turana,nara a nitamu kunana i taki mateu maea ioe tara ioe a turana." ⁷⁴ Muri i tahalehale i harogrogi,"Iau koma palala vona ra bakovi iea, "pali malaviriri kunana a kureko i tangi. ⁷⁵ Pali e Pita i luhoia hini nga i taki vona e Isu maea,"Muga na kureko bari tangi ioe bari o ta lavuni ne nau boloko tolu."Pali ia i pori i tangi haleliu.