¹ A harikinga na hunu i manga sirula i ala ravulu erei ri bole a lam ne ria ri vano ri davea bakovi ge parani ne ria. ² Pali i lima i uka ni luhoi kamumu i lima ri tahoka ni luholi kamumu. ³ Ra sirula to uka ni luhoi kamumu tou to bole kunana lam ne tou,pali kama to bole ranga oil nege tou. ⁴ Pali ra sirula to tahoka niluhoi kamumu to bole a lam ne tou turana bot na oil turane tou. ⁵ Pali a parava na bakovi ni parani kama i bele laviriri,hurika ngatavine ri matatulu ri mahita. ⁶ Pali na kururodo,tara ni gale i tamaea,masia a bakovi ni parani i valai,vano mu vakorokoro na dala. ⁷ Re hurika sirulari ri turutu ri pelekadoa lam ne ria. ⁸ Hurika sirula ri uka ni luhoi kamumu ri taki e hurika sirula ri tahoka ni luhoi kamumu,mu habi mateu ranga oil. ⁹ Pali ra sirula to tahoka ni luhoi kamumu to koli maea,'ngane mete uka oil ge kara ne mate pali ne matou,matou moto vano moto kona ne matou.' ¹⁰ Na tahuna tou to vano ni kona oil,bakovi ni parangi i valai!pali e huriki a bakovi a ngatavine ri davea ri vano turana lakea na vaponga ni parangi,pali nihebi ni tukari. ¹¹ "Muri ra sirula nga i lima koma to made turana bakovi i valai i tamaea, Viri dagi,Viri dagi,o talea mateu a nihebi.' ¹² Pali ia i koli tou i tamea,'Muholi hateka Iau a taki matou,Iau koma palala' ¹³ Mavonga,mu kapi kamumu,mua koma mu palala vona parava o a haua. ¹⁴ Ia i manga parava tara a bakovi ingaru ni lakea na tanga dagi.Ia i gale e huriki a voravora vona ri valai vona i habi ne ria maki kamumu vona. ¹⁵ Tara voravora i habia vona tava na siliva moni i lima,pali a viri tara i habia vona tava na siliva moni i rua,pali a viri tara i habia vona tava na siliva moni i taku.Tou to bole maea i kara tou ni leho vona,pali ia i vano ilakea na tanga basi. ¹⁶ Mavonga ra bakovi i bola tava nasiliva moni i lima,ia i vano i ratea bisnis vona i vaka bele tabua tava nasiliva moni i lima. ¹⁷ Palupu kunana manga bakovi i bola tava na siliva moni rua,Ia i vano i ratea bisnis vona pali vaka bele tabua tava na siliva moni i rua. ¹⁸ Pali ra voravora i bola tava na siliva moni i taku,Ia i vano i kelia malala i rahiloloa ra tava na moni. ¹⁹ I tabaka pali,a matakari ne tou a voravora i hamule valai pali palakado a ngavana moni i tabuli ne tou. ²⁰ Ra voravora i bola tava na siliva moni i lima ,ia i valai turana tabu a tava na siliva moni i lima.Ia i tamaea,Viri dagi,Ieo o habi nau a tava na siliva moni i lima .Masia Iau a tara leho vona a rulanga tabua vona tava i lima. ²¹ Pali a matakari i kolia i tamaea,kamumu hateka,Ioe a voravora kamumu nau,Ieo o mata kari kamumu a maki kiroko mavonga Iau bara ru ioe o matakari a maki kupo.Valai i vivi turagu.' ²² A voravora i bola tava na siliva moni i rua,ia tara i valai i tamaea,'Viri dagi,Ioe i o habi nau a tava na siliva moni i rua.Masia,Iau a ru langa tabu a tava na siliva moni i rua a bole valai. ²³ "A mata kari i kolia i tamaea,Ioe o mata kari kamumu a maki kiroko,Mavonga bara ru ioe o mata kari maki kupo.Valai o vivi turagu.' ²⁴ "Mavonga ra voravora i bola tava na siliva na moni i taku,ia tara i valai i tamaea,Viri dagi,Iau a palala vomu,ioe a bakovi ni korosi.Ioe o palala ni rupalupu a maki ni kani ioe koma o varo,pali ioe o lipu tala maki ni kani,ioe koma o varo a vutuna. ²⁵ Iau a mangenge hateka,mavonga Iau a rahiloloa ra tava na siliva moni i taku na malala.Masia a moni vomu ea.' ²⁶ "A matakari i kolia i tameae,'Ioe koma o leho kamumu o lesi hateka,ioe o palala maea,Iau a palala ni ru palupu a maki ni kani,Iau koma varo ,pali a lipu tala maki ni kani Iau koma vara vutuna. ²⁷ Mavonga ioe o kara ni habi ne huriki ri leho na benk a moni nau,pali na parava Iau ga hamule bara lakea a bole talea na benk pali bari turana ranga moni bari ni rulanga vona. ²⁸ Mavonga moto bolea ra tava na siliva moni i taku moto habia na voravora i erea i bola tava na siliva moni i ravulu. ²⁹ Bakovi i tahoka maki kupo,Iau bara rulanga tabu vona ranga,pali a bakovi i uka maki ge kupo,Iau bara bole voroki vona,pali bara habi na bakovi i tahoka maki kupo. ³⁰ Voroki talea ra voravora hale na tanga i uvo,ia bari tangi i kania ngina,' ³¹ "Na parava e Tune Bakovi dagi bari valai turana harikinga a engel vona,muri ia bari made na ni para i tora hateka na sia king vona. ³² Muga ne vona ge valai,huriki lobo a bakovi a ngatavine ri made na tanga dagi bari valai ri vapopo na matana,pali ia bari luhoi kado takutaku e huriki manga mata kari na sipsip i kalapida sipsip na meme. ³³ Ia bari ru a sipsip na limana kanena,pali a meme na limana maorina. ³⁴ Pali muri,a King bari taki ria e huriki ri made na limana kanena,'Mu valai,e Tata i dodo mua.Pali ia i rupurua pali a harikianga vona ne mua mugo made vona ra malala. ³⁵ Iau a vitolo mua mu vakani iau;Iau a mate ni marohu,mua mu vaka ninau;Iau a laho na tanga basi;mua mu bole iau lekea na ruma. ³⁶ Iau a uka varikia;mua mu haba varikia nau;Iau a giloa;mua mu gosi iau,pali a made na bavi;mua mu gosi iau.' ³⁷ "E huriki a bakovi a ngatavine ni rata naro malimali bari tameae,'Viri dagi,nara parava mia mi tata ioe o vitolo,pali mi vakanoe?o marohu,pali mi haba naru vomu? ³⁸ Pali iva a hiningi mi mata ioe o valai na tanga tebi pali mi boleioelakea na ruma? ³⁹ Pali na ra parava mi mata ioe o giloa o made na bavi pali mi valai mi gosoe?' ⁴⁰ Muri e King bari koli ria maea,'Muholi hateka,Iau a taki mua,ara maki mua mu rata virihi ne huriki e tarigu,ia mu rata virihi ne nau.' ⁴¹ Muri ia bari taki e huriki ri made na limana maurina maea,'Mu pagitala na matagu,mua bari mu lakea na kanono dagi i uka ni matena,ni rata ge ne vone satan turana engel vona. ⁴² Nara tahuna Iau a vitolo,koma mu vakanau,A maroho pali koma mu vaka ninau, ⁴³ Iau a bakovi na tanga tebi ,pali koma mu haba ruma nau,A uka varikia,pali koma mu haba varikia nau,A giloa a made na bavi, koma mu gosi iau. ⁴⁴ "Ria bari ri nanea ri tamaea,'Viri dagi,nara parava ioe o vitolo pali mia mi mata ioe,o maroho,o valai na tanga basi,o uka varikia,pali o giloa o made na bavi,pali mia koma mi mata kari ioe?' ⁴⁵ "Ia bari koli ria maea,'Muholi hateka,Iau a taki mua,ra virika naro nga mu rata virihi ne huriki ri uka rane ria,mua koma mu rata virihi ne nau.' ⁴⁶ Mua bari mu lakea vona kanono i uka ni matena,pali ne huriki ni rata naro malimali,barilakea vona tanga ni made mahuri vakaroro."