¹ Isu i pagitala na tempel i laho lakea na dala.Hurika murmuri vona ri valai ri vakasiria maka ruma na tempel. ² Pali e Isu i kolimule a ngavane ria i tamaea,"Mua kama mu matai virika maki nga?Muholi hateka iau a taki mua,i uka tara kedo ge tabuli langa na viri tara kama ge makeve ge boru." ³ Tahuna e Isu i made meli na lolo e Oliv,hurika murimuri vona ri kapiloho ri muri vona lakea ri takia,"Taki mia,ara kilakila ge bele na parava ge lobo?Lakea ara kilakila ge bele ni vakasiri mia maea ni hamulemu a harena malala iea. ⁴ Isu i koli mule i taki ria,"Mu matadoko kamumu,nahani ge tami mua e hurika bakovi rigi bole lakea mua na dala hale. ⁵ Na rana kupo bara ri valai na ragu.Bara ri tamaea,'Iau e Kristo,'lakea biri bole hurika bakovi a ngtavine ri kupo bara ri lakea na dala ni velu. ⁶ Mua bara mu longo a vabinga turana nuverei na vabinga dagi.Pali mua nahani luhoi lege lae,na rana virika maka nga biri bele.Pali a harena malala kimi bele ma. ⁷ Virika kantri bara ri vakabele a maka vabina na kantri ranga.Virika kingdom bara ri vakabele vabina na kingdom ranga.Biri tahoka ni vitolo dagi a malala tara biri vuruke ne virika tanga ranga. ⁸ Pali ra maka maki nga i manga ni vakatubu na ni madihi na ngatavine ge poda koma ⁹ Muri bara ni bole ioe lakea na ni mava dagi bara ni rabalaki mua.Virika kantri bara ri rata hale ri lilitala mua a vuhuna na ragu kunana. ¹⁰ Lakea biri kupo e hurika bakovi a ngatavine bara ri boru a ni luhoitora,bara ri habi a viri tara ne huriki ranga biri lakea na tara erei ia i ngaru ni rata hale ria e hurika tara ranga. ¹¹ I kupo e hurika profet tatami bara ri pesirike bara ri bole hurika bakovi a ngatavine bara ri ramai a dala ni velu. ¹² Na ara naro hale ge bele kupo hateka,biri rata e hurika bakovi a ngatavine ri boru na ni luhoitora ne ria. ¹³ Pali erei a bakovi i pesi tora i vano na harena parava,Deo biri bole mulea. Ra velenga kamumu na harikianga e hurika bakovi a ngatavine ri luhoi tora rigi takitalea na tabekena malala lobo manga ni bolekori na maka kantri.Lakea i muri kunana vona biri lobo a malala. ¹⁵ Pali na tahuna ioe o masia a naro ge hale liu turana virika naro hale ge habi a ni hale,hini i takitala e profet Daniel hosi,tahuna ia i pesi na malala i kiripiripi"(Rua erei a bakovi ge gia ia ge lohoka kamumu), ¹⁶ Ru erei a tara ri made o Judia rigi nunu laviriri lakea na lolo, ¹⁷ ru erei a tara ria polomeli na mapana ruma nahani rigi hamule puru ni bole pori ranga maki na ruma ne ria, ¹⁸ erei i made na hania nahani ge hamule ge bole a saket vona. ¹⁹ Pali ni dodo ne hurika ngatavine ri singou ne huriki ri haba ruru na maka koma kiroko na maka parava nga! ²⁰ O vasileki maea na parava vomu ni vano nahani ge bele na parava na malaninga o na parava na Sabat. ²¹ Na rana biri tahoka parava dagi na ni mava ni madihi,virika ni mava nga kama i bele na ni vakatubuna malala i valai i bele ngane,uka,kimi ge bele tabu muri ma. ²² Pali re Deo kama ge palakudua ra ni gi vona ra parava iea ge kapo,i uka tara bakovi ge made mahuri.Pali ne hurika tara erei e Deo i pasi ria pali,Deo biri palakudua ra ni gi iea ia biri kori ria. ²³ Pali muri,ranga tara rigi takoe,'Masia,Kristo i made koea!'o e Kristo i made lake!'Ioe nahani luhoi tora ria, ²⁴ Na rana huriki e Kristo tatami turana profet tatami bara ri valai ri rata virika kilakila dagi turana maka mirakel,bara ni bole hurika bakovi a ngatavine ri lakea na dala hale,turane hurika tara erei e Deo i pasi ria pali. ²⁵ Masia,iau a taki mua pali vona ra tahuna iea. ²⁶ Lakea,rigi takoe,'Masia,Kristo i made na tanga tavula,'nahani pagitala lakea na tanga tavula.O,Masia ia pololilo na rum,'mu nahani luhoi torea ra ngava iea. ²⁷ Palupu manga kunana ni maravilana haro i rike i para i vano na haro i puru,palupu manga kunana ni valai na Tuna Bakovi. ²⁸ Na tabekena tanga tara kania i mate i tabuli vonga,na hini nga virika loha dagi bara ri valai lobo vonga. ²⁹ Laviriri kunana muri vona ra parava na ni mava turana ni madihi,haro biri bele i uvo,keve kama ge habia ni para vona,virika hada bara ri mapasi valai na hunu,pali virika harikinga na hunu ranga bara ri vakulu. ³⁰ Lakea muri vona a kilakila na Tuna Bakovi bari bele na hunu,lakea e huriki lobo na malala bara ri tangi dodo.Ria bara ri masia a Tuna Bakovi biri valai polomeli na bubu na hunu turana nipara turana bagetua. ³¹ Ia biri rudu maka ensel vona turana biugel i tangi dagi,bara ri vakorokoro hurika bakovi a ngatavine i pasi ria pali e Deo na tabeke lobo na malala na tabeke tara na hunu i lakea na tabeke tara. ³² Mua mu bole a ni tovo na kai a fik.Tahuna a rahana kai a fik i rike karaba lakea i lubu tala,mua bara mu lohoka maea a parava na haro i valai tabukoi ngane. ³³ Pali na tahuna re mua mu matai lobo re virika maki nga,mua mu lohoka maea a Tuna Bakovi biri valai tabukoi,na ni hebi na nure. ³⁴ Muholi hateka iau a taki mua,hurika bakovi a ngatavine vona tahuna iea kama rigi mate ma maka maki nga bari bele. ³⁵ Hunu a malala bari lobo,pali a ni tagu kama ge lobo. ³⁶ Pali ra parava iea aua i uka viri ge lohoka vona,hurika ensel na hunu ranag kama ri lohoka,lakea e Tuna Bakovi tara kimi lohoka,Deo Tata ia kunana i lohoka. ³⁷ Palupu kunana manga parava ne Noah,palupu manga na parava na Tuna Bakovi ia bari valai ni bole hurika bakovi a ngatavine vona. ³⁸ Biri palupu manga kunana virika parava na marungu lolo i tua i kaftagua malala pali kama i valai ma,hurika bakovi a ngatavine bara ri kani ri ninu ri pole,bara ri parani lakea ri habi mule ria na ni parani biri vano e Noah i dili na sip, ³⁹ Pali ria kama ri lohoka vona tara maki i vano na marungu lolo i kaftagua malala i bole ria ri vano.Ia biri palupu manga ni hamule na Tuna Bakovi. ⁴⁰ Pali a bakovi i rua bara rua na hania,tara biri vano pali tara biri i made mule. ⁴¹ Ngatavine i rua bara ru pulopulo a wit,tara biri vano pali tara biri made mule. ⁴² Lakea mua mu made gau,na rana kama mu lohoka vona na ara parava e ViriDagi ne mua bari valai. ⁴³ Pali o matakilalea hini nga,pali ra taua na ruma ia ge lohoka na ara parava na rodo ge valai a bakovi ni panaho,ia ge gau ge made nahani ge dili e hurika panaho rigi pukea ruma rigi dili. ⁴⁴ Mavonga ioe tara o gao,na rana a Tuna Bakovi biri valai na parava ioe o luhoi maea ia keme ge vakai. ⁴⁵ Lakea erei ra voravora ia bakovi ni lohoka lakea ia bakovi ni longo a ngava ni ramai,ra taua vona i pasia ni matakari a ruma vona,na rana ra voravora ia biri habi a maki ni kani na parava na maka maki ni kani. ⁴⁶ Tamudi kamumu na voravora na parava a taua vona biri hamule valai,ia biri masia i rata lobo re virika maki nga. ⁴⁷ Muholi hateka iau a taki mua,manga taua vona ia biri pasia ni matakari virika maki ia i tahoka. ⁴⁸ Pali ri tara voravora hale i ta pololilo na tamudina maea,'Taua nau keme ge valai laviriri,' ⁴⁹ lakea a voravora i ubi ranga turana,lakea i kani i ninu i pole turane hurika bakovi ni pole; ⁵⁰ pali muri a taua na voravora biri valai na parava ra voravora iea ia kimi i luhoia,na tara aua ia kimi lohoka vona. ⁵¹ Taua vona biri palea a kakaina i kiroko liu biri rata manga naro ri kara ni rata ne hurika bakovi ni ngava rua,lakea na tanga iea bara ri kani a nine ria bara ri tangi hale liu.