1 Muri na parava na Sabat,ni vaka tubu a parava,Maria Makdala turana e huriki e Maria ranga ri valai ni masia tum. 2 Vona ra parava ia,i tahoka tara vuruke,pali a engel e Deo i puru valai na hunu,i valai i vaka tere talea kedo,pali made langa vona. 3 Rea i para manga maravila,pali a varikia vona i kea manga ais. 4 Pali e huriki a nugu maheto ri mangege ri manga rigi mate. 5 Pali ra engel i ta kamumu vona ra ngatavine nga pali tamaea,"Mu nahani mangenge,Iau a palala maia mua mu mata kanea e Isu,Erei ni vaka tau na bolo. 6 Ia i uka hini koia, ia i hadongo,manga hiningi ia i taki.Valai mu masia hiningi ni ru e Viri dagi vona. 7 Mala viri mu vakalongo e huriki a murimuri vona, 'Ia i hadongo mule na ni mate.Masia,Ia i muga mua i lakea o Galili.Vonga bari mu mataia.'Masia, Iau a taki matou." 8 Huriki a ngatavine ri mala viri kunana ri pea tum ri nunu turana ni vivi,ri nunu rigi taki e huriki a murimuri vona. 9 Vonga ,E Isu i matai ria pali tamaea,"Haro matou!huriki angatavine ri valai,ri pasike puru na pakana ri kavurikea. 10 Muri e Isu i taki tou maeae,"Nahani mangege,Vano moto taki e huriki a turagu rigi lo Galili rigi matai Iau vonga." 11 Pali na tahuna viki tolu a ngatavine to vano,mavonga ranga nugu maheto ri lakea na tanga dagi ni vaka longa maka mugamuga na ara maki bele. 12 Pali na tahuna huriki a mugamuga a matakari ri vanana mule ne ria,ni habi na nugu maheto a moni dagi 13 pali ni taki ria maea,"Taki e huriki ranga maea, 'Isu i valai huriki voravora vona na rodo ri panahoa na tahuna ia i mahita.' 14 Ra ngava iea i bele na gavana,teu bari te ta turana pali ge nahani rata hale matou." 15 Hurika nugu maheto ri bole a moni ne ria pali ri ramae ara maki taki ne tou togo rata.ra ngava iea ge vano ge lakea lobo ne hurika Juda pali tabuli valai i mona. 16 Pali huriki a murimuri vona ri vano ri lakea o Galili,lakea na hurika lolo i taki tou vona e Isu. 17 Tahuna to mataia,tou to kavurikea,pali ranga i tamudi hale lae. 18 Isu i valai ne tou i taki tou i tamaea,'Hurika ni tora lobo ni habi pali ne matou go mugea lobo a maki na hunu a malala. 19 Mu vano mu lakea lobo vona malala mu rata e huriki ge ria murimuri nau.Vahilolo ria na rane Tamana e Tuna,pali e Hanu kiripiripi. 20 Tovo ria ni ramaea ngava o taki ria vona.Masia,Iau a made turane mua vakaroro,vano na ni lobo na parava."