¹ Isu i taki a maka murimuri vona maea,"virika maki bari vaka boru a bakovi a ngatavine na sin i bele,pali a dodo hateka ra bakovi i vaka bele ra virika maki nga! ² I kamumu nigi topi na lohona virika kedo nigi tari bubu na dari mege uka ge rata tabu e huriki ri popote rigi boru na sin. ³ Mata kari mule matou.Pali tarimu ge rata sin,ioe o tahatea,pali is ge nana ni dodo ne Deo na maka sin vona,o pagea sin vona. ⁴ pali ia ge rata naro hale vomu bloko polo rua na parava i taku,pali hamule mai ioe bloko polo rua ni ,nana i tamaea, 'Iau a nanaoe go pagea sin nau,'pali ioe o pagea sin vona!" ⁵ Huriki a aposel ri takia e Isu,"O rata ni luhoi tora mateu ge koru rike." ⁶ Pali e Isu I kolia I tamae,"Pali mua mugu luhoi tora maka vutuna kai a masted mua mu karea ni takia kai,o Malipu rike o lakea na dari,'pali bari ramai a hiningi mu taki. ⁷ Erei ne matou,i tahoka voravora i leho na hania pali matakari a sipsip,ge takia na tahuna ia i hamule na hania o ni matakari na sipsip maea,'Valai malaviriri o made puru o kani? ⁸ Ia koma ni gi taki Mavonga i uka,'Bani taki maea rata puru a maki ni kani nau ga kani,o kolotata kamumua varikia vomu o rata taro a maki nau na tahuna Iau a lobo ni kani ni ninu.Muri ngane ioe bari o kani?' ⁹ Ia koma i ta kamumu vona voravora na ra i rata maka maki ia i taki vona ge rata? ¹⁰ Manga kunana mua,na tahuna mu rata lobo a maka maki taki mua e Deo ni rata,Mua mu tamaea,'Mateu a voravora tavula ne Deo.Pali mi ramaia kunanea ara i takia nigi rata." ¹¹ Isu i laho lakea o Jerusalem,ia na palana tanga i rua e Samaria e Galili. ¹² Na tahuna e Isu i laho dili vona tara tanga,a ngatavine to ala ravulu to valai vona to tahoka gilanga a tutala.tou to pesi basi ne Isu ¹³ pali to gale dagi,to Tamara,"Isu,Viri Dagi,o dodo mateu." ¹⁴ Tahuna Isu i matai tou,ia i tamaea,"Moto vano moto vakasiri matou na maka mugamuga. "Na tahuna tou to vano i lobo tavula maka tutala na kakaine tou. ¹⁵ Pali tara ne tou i matai maea i lobo a tutala na kakaina, ia i hamule,turana ni kalolo i kavurikea e Deo. ¹⁶ Ia i boru puru na pakane Isu,pali ta kamumu ne vona.Ia ngatavine o Samaria. ¹⁷ Muri e Isu i tamaea,"Iau a luhoi maea i ala ravulu a viri to tahoka tutala?I loko vai i ala polo va? ¹⁸ Ra viri ranga koma togo valai ni ta kamumu ne Deo,Pali valai ra ngatavine na tara tebi?" ¹⁹ Ia i takia i tamaea,"Pesi rike,o vano.Ani luhoia tora vomu i rata ioe o mahuri." ²⁰ Na parava e huriki a Parisi ri ta turane Isu ri nanea maea na ra parava ge bele a harikianga e Deo.Pali e Isu i koli ria i tamaea,"A harikianga ne Deo koma ge bele turana kilakila ge masia e huriki na matane ria. ²¹ Pali ria rigi tamaea masia harikianga ne Deo i koia o lake,a harikianga ne Deo i tabuli pololilo ne matou." ²² Lakea i taki a maka murimuri vona.maea,"Na parava tara bari bele bari mu ngaru ni mataia a Tuna Bakovi, pali koma mugu mataia. ²³ Pali bari ni taki mua maea,Masia, ia lake!o masia,ia i tabuli koia!'Pali mu nahani ramai ria, ²⁴ mu masia maravila i para hidi viliha polomeli na hunu,bari manga kunana e Tuna Bakovi bari valai,pali e huriki lobo bari masia. ²⁵ Muga ia bari bole tara ni madihi,e huriki bari koi vona. ²⁶ Manga kunana na parava ne Noa,ia tara bari bele manga na parava ne Tuna Bakovi. ²⁷ Ria ri kani ri ninu,ri parangi ri habi ria ni parangi vano na parava e Noa i dili na ark pali vala a marungu lolo i vaka lobo ria. ²⁸ Manga kunana, i bele na parava ne Lot ria ri kani ri ninu,ri vakona maki,ri leho na hani pali ri haia ruma. ²⁹ Pali na parava e Lot i hataroa e Sodom,i puru a kanono a kedo salfa na hunu i rata pile ria ³⁰ Na naro i palupu bari bele na parava ne Tune Bakovi bari bele kava. ³¹ Vona ra parava ia mu nahani rua ra bakovi i made polo meli na mapana ruma ge puru ge bole a maka maki vona na ruma,pali nahani rua erei i lakea na hania ge hamule na ruma. ³² Luhoia girihina Lot. ³³ Erei ngaru ni mata kana maki kupo i ngaru ge tahoka ia bari velu, pali erei i habia ni mahuri vona ne nau ia bari bele mulea ni mahuri vona. Iau a taki matou,na rodo bari ala rua bakovi ru mahita na kiri i taku.pali tara bari ni bole, pali tara bari mahita. ³⁵ Bari ala rua ngatavine ru leho tara bari ni bole pali tara bari leho." ^{36 37} Ri nanea maea,"Viri Dagi,ra huriki a maki nga ge bele vai?" I koli ria i tamaea,"Na hini vai i tabuli vona kakaina bakovi i mate pali,vona ra hininga huriki a matasia ri luhoi ni vapopo vona."