1
Isu i taki a maka murimuri vona maea,"Tara bakovi i tahoka hateka mahala ia i tahoka matakari vona i made,i valai ranga e huriki ri takia maea ra matakari vomu i vaka lobo tavula a maka maki vomu.
Pali i galea matakari vona i takia maea,'Iau a longo ranga nuverei ni rata virihi ioe vona?O habi tala lobo ara maki o rata vona ara mahala iau a habi vomu go matakari, na ra ioe koma go made manga tabu ioe a matakari. '
3
" A matakari i kolia i tamaea,'Ara ga ratea,na tahuna i vaka loboa viri dagi vona na leho?Iau a uka ni tora ni kelia Malala, pali iau a maruhu ni nana maki.
4
Iau a palala ara maki iau ga ratea,na tahuna iau ni vaka lobo na leho ni matakari, pali ge bole dili iau e huriki na ruma ne ria.'
5
Muri a matakari i gale e huriki ri bola makoli ne viri dagi,pali nanea viri valai muga,'I riva makoli vomu ne viri dagi?'
6
"Ia i koli tamaea,'A 100 lita oel na oliv.'
"Ia i takia maea,'O bolea ra rau kea ni hera makoli vomu vona,o made puru malaviriri,o herea i ravulu lima.'
7
"Muri a matakari takia viri tara,'I riva ne vomu a makoli?'
"Ia i koli i tamaea,'A bek na vit i 100.'pali takia matakari maea,'Bolea rau kea ni hera makoli vomu,o herea ravulu polotolu. '
8
Na parava a viri dagi i longo a maki maki i rata a matakari vona,ia i kavurikea rana rana ra matakari hale na ra,ia i bole taba ni luhoi kamumu ge karea na tahuna ia i lobo na leho. E huriki ri luhoi ni ramaea narona malala ea ria ri palala ni matakana dala ni rata leho ne ria.Ria ri moro hateka ne huriki ri luhoi ni ramaea naro malimali
9
Iau a taki matou,virika moni mu bole na naro koma i malimali,mu habi ni kori e huriki ranga.Na parava mu rata maea,huriki bari ngaru mua pali tahuna i lobo a moni.Ria bari bole mua lakea na ruma ne ria pali bari mu made palupu ngane muri ma.
10
Erei i kara ni matakari a maki kiroko ia bari kara ri matakari a maki kupo.Pali a bakovi koma i kara ni matakari a maki kiroko ia koma I kara ni matakari a maki kupo.
11
Pali mua koma mu matakari kamumu a maka moni ni bole na naro hale,erei ge haba moni mua?
12
ioe koma o matakari kamumua moni ne huriki ranga,erei ge habia vomu a moni vomu?
13
Uka tara voravora ge kori a viri dagi ge rua,nara ia bari ngarua tara pali bari koi vona viri tara,o bari longo maia tara pali bari longo taroa viri tara.Mua koma mu kara ni ngarua e Deo pali mu ngaru a moni."
14
Ngane e huriki a Parisi, huriki ri ngaru hateka moni,ri longo ra hininga, ria ri nongo vakia.
15
Isu i taki ria maea,"Mua mu ngaru ni toni ni rata naro malimali na matane huriki a bakovi a ngatavine,pali e Deo i palala vona hatemu.Virika maki mu luhoi maea i kamumu na matane Deo ra virika maki nga i tavula vula.
16
hurika lo ani tane huriki a propet i tabuli tora vano na tahuna i bele e Jon.Vona ra parava ia i valai,a ngava na harikianga ne Deo ni taki tala,pali e huriki lobo ri toni ni dili vona.
17
A hunu a malala bari velu pali bari uka rata bokona ngavane Deo ge velu.
18
Erei i hataroa e girihina pali parangi na viri tara ia i rata naro ni molenga,pali erei i parangi vona ra viri hataroa e girihina ia i rata naro ni molenga.
19
"Isu i ta i tamaea,"Hosi i tahoka tara bakovi i tahoka mahala i kupo,ia i rodo a maka varikia kamumu i peda.Pali na parava vakaroro ia i kani kamumu.
20
I tara matasia a rane Lasarus,parava vakaroro ia i made i mahita na ni dili na ruma vona ra bakovi i tahoka mahala i kupo,a kakaina lobo i ratapilea tutala,
21
ia i made vonga ni dava momona maki ni kani borupuru na dede na maki ni kani na bakovi i tahoka mahala i kupo hateka. Pali a maka ligo ri valai ri dame a maka tutala na kakaina.
22
I valai na parava i mate ra matasia ea i valai a maka engel ri bolea i lakea i made turana Abraham.Pali a bakovi i tahoka mahala i kupo hateka ia tara i mate ni tanu,
23
pali a spirit vona i puru na tanga ne huriki ri mate pali bolea ni madihi i dagi hateka,tege mata rike ia i masia Abraham i made basi hateka pali e Lasarua i made tabukoi vona.
24
Pali tangi tala i tamaea,'Tata o Abraham,o dodo iau pali o rudua e Lasarus,ge bolea kukuna limana ge padidoko dilia na naru ge rua na tablegu,na ra i gutu hateka hininga a made vona.'
25
"Pali e Abraham i kolia i tamaea,'Koma,o luhoi taboea na parava ioe o tahoka maki kamumu, pali e Lasarua i made matasia.Pali ngane ia i made kamumu hateka koia,pali ioe o made na hiningi boro bola ni madihi.
26
Muri vona ra hininga.E Deo i rua golu dagi na kurukurune matou turane mateu,pali erei e huriki ri ngaru ni pagi polo koia ni lakena bari keme ge karea,pali uka ne matou ge pagi polo valai koia ne mateu. '
27
"Pali a bakovi i tahoka hateka mahala i kupo i takia i tamaea,'Iau a nana ioe turana ni dodo,Tata o Abraham,o rudua e Lasarus ge lakea na ruma e tata
28
Iau a tahoka e tarigu to ala lima ge taki tou vona hininga iau a made vona,i madihi hateka ,'
29
" Pali e Abraham i kolia i tamaea,'Ria ri tahoka e Moses pali a maka propet;rigi longo maia ria.'
30
"Ia i kolia e Abraham i tamaea,'I uka,Tata o Abraham,ge tara ge hamule mai ria na tahuna ia i mate pali,ria bari pulo a vilone ria.'
31
"Pali e Abraham i kolia i tamaea,'Pali ria koma ri longo toto a maka nitane Moses turana propet,ge navai rigi longo totoa nitana viri i mate pali."