¹ Muri i taki tara ni ta vakakika ne tou ge navai tou togo vasileki pali nahani togo koi, ² I tamaea,"Na tanga dagi tara i tahoka tara bakovi ni luhoi kado ia koma i mangenge ne Deo pali koma i toga viri ³ Pali i tara ngatavine i mate girihina vona ra tanga dagi ea,ia na parava lobo ia i valai ni masia ra bakovi ni luhoi kado pali takia ,maea,'kori iau a pile nau i ngaru ni tara pile iau.' ⁴ I tabaka pali ia koma i ngaru ni koria,pali muri ia i luhoi maea, 'Iau koma mangenge ne Deo o luhoi hateka bakovi, ⁵ pali ra ngatavine ea i mate girihina i habia nau tara ni madihi,pali bara koria na kot vona,pali ge na nahani hamule valai ni haba ni madihi ne nau." ⁶ Muri e Isu i tamaea,"Mu longo kamumu ara maki ra bakovi ni luhoi kado kimi kamumu. ⁷ I navai e Deo koma i kara ni rata malimalia kot ne huriki a bakovi a ngatavine ri luhoi torea,o uka? ⁸ Iau a taki matou,Deo i malaviriri ni kora viri.Pali na tahuna ne Tuna Bakovi i valai,ia bari matai e huriki a bakovi a ngatavine ri luhoi torea ne vona o uka?" ⁹ E Isu i takia tara ni ta vakakika ne huriki ri loho mule ne ria pali ri loho puru ne huriki ranga, ¹⁰ " Bakovi i ala rua ru lakea na roho ni vasileki rugu vasileki a Parisi tara a bakovi ni bola takis tara. ¹¹ A Parisi i pesi rike i vasileki mule ne vona maea,'Deo,Iau koma manga e huriki ranga, a panaho,huriki ni rata naro hale,e huriki ni rata naro na molenga o ga manga ra bakovi ni bola takis ea. ¹² Iau a pe a maki ni kani bloko rua na parava lobo.Iau a haba tent ne vona maka maki Iau a tahoka. ' ¹³ Pali a bakovi ni bola takis ia i pesi basi,koma i mata rike na hunu,i ubia gorona, i tamaea,'Deo,o dodo iau,iau a bakovi ni rata naro hale.' ¹⁴ Isu i taki ria maea,Deo i ratea ra bakovi ni bola takis i bele malimali,pali hamule na ruma vona,pali a bakovi tara i uka.Na ra,huriki a bakovi ri ngaru ni ru rike ria,Deo bari rupuru ria,pali erei i rupurua Deo bari ru rikea." ¹⁵ Huriki a bakovi a ngatavine ri bole valai make tune ria ge gamaia e Isu,na tahuna i matai a maka murimuri vona,you to tahate ria. ¹⁶ Pali e Isu i gale tou to valai vona,i tamaea,"Mu taki a maka koma kiroko rigi valai nau,nahani matakari ria.Na ra a harikianga ne Deo i ne vona ra huriki hulu maea. ¹⁷ Muholi hateka Iau a taki matou,erei i bolea harikianga ne Deo manga re huriki a koma kiroko nga,ia koma ge dili na harikianga ne Deo." ¹⁸ Tara mugamuga i nanea e Isu,maea,"Vinara kamumu,ara maki ga rata ga bole ni mahuri vakaroro?" ¹⁹ Isu i takia maea,"I navai o galau maea Vinara kamumu?uka tara viri ge kamumu,e Deo kunana. ²⁰ Mua mu palala na lo ia i tamaea nahani rata naro ni molenga,nahani bimate a viri,nahani panaho,nahani tatami,o ngaru e tamamu turane kinamu." ²¹ A mugamuga I tamaea,"Na tahuna Iau a kiroko Iau a ramai kamumu ra hurika lo nga." ²² Na tahuna e Isu i longa ra hininga, i takia i tamaea,"Tara maki mu tabana vona.Mu habi vakuloi na mahala maki mua mu bole mu vaveru turane hurika matasia,pali ioe bari o tahoka mahala na hunu pali mu valai,muri may." ²³ Na tahuna ri longo maea huriki a mugamuga,ia koma i vivi nara i tahoka mahala i kupo. ²⁴ Muri e Isu,i mataia ra mugamuga ea i dodoa pali tamaea,"I madihi hateka ne huriki ri tahoka mahala i kupo ni dili na harikianga ne Deo! ²⁵ Pali i maluvi na kamel ni dili na dupina nil ni rahi,pali na bakovi tahoka hateka mahala ia koma i karea ni dili na harikianga ne Deo." ²⁶ Huriki ri longa ra ngava ea,ri nanea e Isu maea,"Pali ge Mavonga erei ge karea ni bolea ra ni mahuri vakaroro?" ²⁷ Pali e Isu i koli ria i tamaea,"Hurika maki koma i karea bakovi ni rata e Deo i kara ni rata." ²⁸ Pali e Pita i tamaea,"Mavonga, mia mi hataro a maki mia pali mi muri vomu." ²⁹ Muri e Isu i koli ria maea,"Muholi hateka Iau a taki mua maea i uka tara viri ge pea ruma vona,e girihina, a make tarina,o e tamana e kinana,o e tuna,na vuhuna i ngaru hatekea harikianga ne De, ³⁰ na ra koma giri bole a maka maki vona ra malala, o muri ma na ni made mahuri malaku,." ³¹ Isu i bole a maka murimuri vona to ala ravulu polona i ru i taki tou maea,"Moto longo,teu bari te loko Jerusalem,pali a maka maki ne here a maka propet ne Tuna Bakovi ia bari bele lobo. ³² Nara ia bari ni habi na limane huriki a bakovi na tara tara,pali bari ni padikede,ri rata pilea,pali ri kalupea tahoa. ³³ Muri ne vona ni ubi,ria ri bimatea, pali muri na parava i tolu bari hadongo mule." ³⁴ Ria koma ri palal vona vuhuna ngava ea ra ngava ea i kapiloho ne ria,pali koma ri palala vona ara maki si takia. ³⁵ I valai na parava,e Isu bari loko Jeriko,i tara kepa i made na rerena dala, ³⁶ pali longo e huriki ri ala kupo ri polo vona,ia i nana ara maki i bele. ³⁷ Pali ri kolia ri takia maea e Isu o Nasaret i polo. ³⁸ Na tahuna i longo maea ia i tangi tala i gale,i tamaea, "Isu,Tune Davit,o dodo iau." ³⁹ Pali lakea e huriki ri laho polo ri tahatea ge mangulu.pali ia i gale dagi,"Tune Davit,o dodo iau." ⁴⁰ Pali e Isu i pesi i taki ria rigi bole lakea vona ra bakovi ea. Na tahuna ni bole valai tabukoi ne Isu,Isu i nanea maea, ⁴¹ "Ara o ngarua nau ga ratea vomu?" ia i koli i tamaea,Viri Dagi, Iau a ngaru ni mata para tabu." ⁴² Isu i takia i tamae,"O mata para.A ni luhoi tora vona i rata ioe o mata tabu." ⁴³ Mavilangau i mata tabu pali muri vona,i kavurikea e Deo. huriki lobo,ri matai ra hininga, ri kavurikea e Deo.