¹ Ngane e Isu i laho polo,i mataia tara bakovi i kepa na parava i podea e kinana. ² Huriki a murimuri vona ri nanea maea,"Vinara,erei i sin,ra bakovi iea o e kinana o e tamana,mavonga ia i poda i kepa?" ³ Isu i koli,"Ni kepa vona koma na sin vona o ne kinana o e tamana,ia i kepa ge vaka bele kavea maea e Deo i leho. ⁴ Hita sigi leho na leho na viri erei i rudu Iau na haro.A rodo i valai na tahuna i uka viri ge rata leho. ⁵ Na tahuna Iau na malala,Iau a ni para na malala." ⁶ Muri ne Isu i taki ra hininga, ia i kalupe na malala,i tohi turana kalupena i bele a kokota,pali bolea kokota i ravua na matana. ⁷ Ia i takia maea,"O vano,o hilolo na lobmu o Siloam"(ni pula "Vano").Mavonga i vano ra bakovi iea, i hilolo,pali mata para. ⁸ Muri e huriki a tanga turana pali e huriki erei ri mataia hosi manga ia matasia a nonginogi maki ri tamaea,"Ra bakovi iea ia kunana ra viri mamade i nononga maki?" ⁹ Ranga ri tamaea,"Ia kunana."Ranga ri tamaea,"Uka,pali manga ia."Pali ia i tamaea,"Iau kunana." ¹⁰ Ria ri takia maea,"Pali navai a matamu i matapara?" ¹¹ Ia i koli,"A bakovi erei ni gale Isu i ratea kokota pali ravua na matagu pali takau maea,'Vano o lakea o Siloam o hilolo.'Mavonga Iau a vano a hilolo,a matapara." ¹² Ria ri takia maea,"Ia vai?"Ia i koli,"Iau koma palala." ¹³ Ri bolea ra bakovi iea hosi kepa ri lakea na maka Parisi. ¹⁴ Na parava na Sabat ra hininga e Isu i ravua na matagu a kokota a matapara. ¹⁵ Muri ri nana tabua maka Parisi o matapara navai.Ia i taki ria tamaea,"Ia i rua na matagu a kokota,A hilolo,pali ngane a mata." ¹⁶ Ranga na kama Parisi ri tamaea,"Ra bakovi iea koma i valai ne Deo nara ia koma i togoa Sabat."Ranga i tamaea,"Navai a bakovi erei i rata sin ge rata ra maka kilakila nga?"Mavonga i tahoka tahoka ni vapresi mule ne ria. ¹⁷ Mavonga ri nana tabua ra bakovi i kepa,"Ara maki o takia vona,tahuna ia i ratea matamu o matapara?"Ra kepa iea i tamaea,"Ia propet." ¹⁸ A maka Juda koma to luhoi tora ne vona maea ia i kepa pali matapara ri gale e kinana e tamana ra bakovi iea i matapara. ¹⁹ Ria ri nana rua,"E tune marua erei muru takia maea i poda turana ni kepa? I navai i matapara?" ²⁰ Mavonga e kinana e tamana ru koli ru tamaea,"Maria miri palala maea e tune maria i poda i kepa. ²¹ I navai i matapara,maria koma miri palala,pali erei i ratea i matapara,maria koma miri palala.Muru nanaea,ia i dagi pali.Bari takia." ²² E kinana e tamanaru taki ra hininga, nara rua ru mangenge na maka Juda.A maka Juda ri vata pali ri tamaea ge tara viri ge takia ge ia e Kristo, ia bari ni voroki taka na roho ni vasileki. ²³ Nara vona ra hininga, e kinana e tamana ru tamaea,"Ia bakovi dagi,muru nanea." ²⁴ Mavonga ri nana tabua ra bakovi erei i kepa ri takia maea,"Habi ne Deo a bagetuanga.Mia mi palala maea ra bakovi iea i rata sin." ²⁵ Muri ra bakovi iea i koli,"Iau koma palala maea ge iea bakovi ni rata sin.Maki taku Iau a palala vona:Iau a kepa,pali ngane a mata." ²⁶ Muri ri takia maea,"Ara maki rayea vomu? I rata navia matamu?" ²⁷ Ia i koli,"Iau a taki mua pali,pali koma mu longo!I navai mu ngaru ni longo tabu?Mua koma mu ngaru ni bele manga murimuri vona,mu ngaru? ²⁸ Ri padikedea ri tamaea,"Iea a murimuri vona, mia murimuri e Moses. ²⁹ Mi palala maea e Deo o ta turane Moses,koma mi palala i valai vai ra verea." ³⁰ A bakovi i koli ria i tamaea,"A maki hale,maea mua koma mu palala vona hiningi i valai vona,pali ia i ratea matagu a mata. ³¹ Hita si palala maea e Deo koma ge longo a bakovi ni rata sin,pali tara viri i togoa pali ramaia ni ngaru vona,ia bari longo maia. ³² Na tahuna i bele ra malala koma ni longo maea tara viri i ratea matana bakovi i poda i kepai matapara. ³³ Ga ra bakovi iea koma i valai ne Deo,ia koma ge ratea rata maki," ³⁴ Ria ri kolia ri tamaea," Ri ioe ni poda o kuru turana sin,pali o vara mia?"Muri ri voroki talea. ³⁵ Isu i longo maea ia ni voroki tala na roho ni vasileki.Ia i matakanea pali takia,"Ri ioe o tuhoi tora ne Tuna Bakovi?" ³⁶ Ia i koli i tamaea," Ia erei,Viri Dagi,maea ge Iau ga luhoi torea,pali ia ra viri erei i ta turamu." ³⁸ Ia i tamaea,"Viri Dagi,Iau a luhoi tora,"pali i pasike puru vona. ³⁹ Isu i tamaea,"Iau a valai vona ra malala ni luhoikado maea huriki erei koma ri mata rigi mata pali e huriki erei ri mata rigi kepa." ⁴⁰ Ranga Parisi erei ri turana ri longo ra hininga pali ri nanea,"Re mia ranga mi kepa?" ⁴¹ Isu i taki ria,"ge mua mugu kepa,mua bari mu uka sin,pali ngane mu tamaea,'Mu mata,'mavonga a sin mua i tabana."