¹ "Muholi,muholi hateka,Iau a taki mua,erei ia koma i dili na nure na sipsip,pali polo na dala tara,ra bakovi iea ia panaho. ² Erei i dili na nure ia matakari na sipsip. ³ A matakari na nure bari talea vona.A sipsip i longoa lohona,pali i gale na rane ria sipsip pali bole tala ria. ⁴ Na tahuna ia i bole tala ria,ia i muga ria,pali a maka sipsip ri muri vona,na ra ria ri longo kilalea lohona. ⁵ Ria koma rigi muri na viri koma ri palala vona mavonga bari polo gege vona,na ra ria koma ri palala vona lohona." ⁶ Isu i takia ne ria tara ni ta vakakika,pali ria koma ri palala vona ara maka maki nga i taki ne ria. ⁷ Muri e Isu i taki ria tabu,"Muholi,muholi hateka,Iau a taki mua,Iau a nure na sipsip. ⁸ Huriki lobo erei ri valai muga nau ria panaho,a sipsip koma ge longo mai ria. ⁹ Iau a nure.Tara viri dili ne nau,ia bari mahuri;ia bari dili i pori pali bari mataia maki kamumu. ¹⁰ A panaho i valai ni panaho ni bimate ni ratapile.Iau a valai ge ne mua mugu bolea ni mahuri vakaroro. ¹¹ Iau a matakari kamumu na maka sipsip.A matakari kamumu na maka sipsip i rupurua ni mahuri vona na maka sipsip. ¹² A voravora ia koma matakari na sipsip pali ia koma i tahoka sipsip.Ia i mataia a wulp i valai i valili a maka sipsip i ha ia,pali kani ria pali ri vano basi. ¹³ Ia i ha nara ia voravora kunana koma i rata kamumu a sipsip. ¹⁴ Iau a matakari kamumu na maka sipsip,pali Iau a palala vona ne nau,pali ne nai ri palala nau. ¹⁵ E Tata i palala ne nau,pali Iau a palala ne Tata,pali Iau a rupurua ni mahuri nau na maka sipsip. ¹⁶ Iau a tahoka ranga sipsip koma turana ra maka sipsip nga.Ria ranga ga bole valai ria,pali ria ranga rigi longoa lohogu rigi made na hiningi i taku pali ge taku a matakari na sipsip. ¹⁷ Na ra e Tata i ngaru hateka Iau:Iau a rupurua ni mahuri naumavonga muri ma Iau bara bole tabua. ¹⁸ Uka rata viri ge bole vorokia ne nau,pali Iau a rupuru Iau.Iau a tahoka ni tora ni rupurua,pali Iau a tahoka ni tora ni bole rike tabua.Iau a bola ngava ne Tata." ¹⁹ A maka Juda koma ri tamudi taku ne ria nara vona ra maka ngava nga. ²⁰ Kupo ne ria ri tamaea,"Ia i tahoka dimon pali mangamanga.Navai mu longo maia?" ²¹ Ranga ri tamaea,"Ra virika ngava nga koma ne vona bakovi i vakukua dimon.Ra dimon i kara ni ratea kepa ge mata?" ²² A parava na vaponga nigi gamai o Jerusalem. ²³ A parava a vinta, e Isu i laho dili na tempel murine Solomon. ²⁴ A maka Juda ri pesi haluia ri takia maea,"Ge ola navai ioe go nugu tata mia koma migi palala vona tara maki?Gi ioe Kristo, o ta kava mia." ²⁵ Isu i koli ria ,"Iau a taki mua,pali mua koma mu luhoi tora.A maka leho Iau a rata na ra e Tata,ra hininga i tata ne nau. ²⁶ Pali mua koma mu luhoi tora nara mua koma mua sipsip nau. ²⁷ A sipsip nau i longoa lohogu pali ramai Iau. ²⁸ Iau a habia ne ria ni mahuri vakaroro;ria koma rigi mate,pali uka tara viri ge bole tala ria na limagu. ²⁹ E Tata,erei i habi ria ne nau,i dagi na maki ranga,pali uka tara viri ge bole ria tala na limane Tata. ³⁰ Iau turane Tata miri taku." ³¹ A maka Juda ri bole rika kedo tabu rigi padia vona. ³² Isu i koli ria maea,"Iau a vakasiri mua leho kamumu i kupo i valai ne Tata. Ne vona ra maka leho nga mua mu padau?" ³³ A maka Juda ri kolia,"Mia koma mi padoe ne vona ra maka leho kamumu,i uka ne vona ra ni ta padikede,nara ioe,a bakovi, o rata ioe ge ioe e Deo." ³⁴ Isu i koli ria maea,"Koma ni here na lo mua,'Iau a tamaea,"Mua maka deo?" ³⁵ Ge ia ge gale ria a maka deo,ne ria a ngavane Deo i valai(pali a ngavane Deo koma nigi putupuru), ³⁶ Re mua mu takia ³⁷ Ge Iau koma rata leho e Tata,mu nahani luhoi tora ne nau. ³⁸ Pali ge Iau a rata leho,tahuna mua koma mu luhoi tora ne nau,mua mu luhoi tora vona maka leho mavonga mua bari mu palala mu luhoi maea e Tata i made pololilo ne nau pali Iau pololilo vona." ³⁹ Ria ri ngaru ni nugu tatea tabu,pali ia i hataro ria. ⁴⁰ Ia i lakea o Jodan na tanga e Jon i baptais vona,pali ia i made vonga. ⁴¹ Kupo a maka bakovi a ngatavine ri valai vona ri takia maea,"Jon koma i rata ranga mirakel, pali a kama maki i taki e Jon vona ra bakovi iea i muholi." ⁴² Kupo a maka bakovi a ngatavine ri luhoi tora ne vona vonga.