¹ Ngane tara bakovi rana e Lasarus ia i giloa.Ia bakovi o betani,a tanga kiroko e Meri turana e Mata. ² Ia re Meri i gura oel na pakane Isu pali ravua na vuna,erei e korobane rua i giloa. ³ A maki tarina nga ru ruda ngava vona e Isu,ru tamaea,"Viri Dagi,masia,a viri erei ieo o ngaru hateka i giloa." ⁴ Tahuna e Isu i longa ra hininga, ia i tamaea,"Ra gilanga iea koma ge mate vona,ia ne vone Deo nigi vakabagetu vona mavonga e Tune Deo bari ni vakabagetu vona ra hininga. " ⁵ E Isu i ngaru hateka e Mata turane tarina pali e Lasarus. ⁶ Mavonga natahuna i longo maea e Lasarus i giloa,Isu i made tabu na parava i rua vona ra tanga ia vona. ⁷ Muri,ia i taki a maka murimuri vona,"Teu bari te lakea tabu o Judia." ⁸ A virika murimuri vona ri takia maea,"O Vinara,Ri ngane e hurika a Juda ri toni ni padi ioe na kedo,pali ioe o ngaru ni hamule tabu?" ⁹ Isu i koli,"Ra haro i tahoka 12 haua ni para na parava?Ge tara viri i laho na haro,ia koma ge boru,nara ia i mataia ni para na malala. ¹⁰ Mavonga, ge ia ge laho na rodo,ia bari boru nara ni para koma i tabuli turana." ¹¹ Ia i taki ra hininga, pali muri vona ra hininga, ia i taki ria maea,"Turane teu e Lasarus i mahita,mavonga Iau bara vano ga vangoa rikea na ni mahita." ¹² Mavonga e huriki a murimuri vona ri takia maea,"Viri Dagi,ge ia ge mahita,ia bari hamule." ¹³ Ngane e Isu i taki ria vona ni matena,pali ria ri luhoi maea ia i takia ni mate liu. ¹⁴ Muri e Isu i taki ria malimali,"Lasarus i mate. ¹⁵ Iau a vivi,pali ne mua,i maea Iau koma made vonga maea mua bari mu luhoi tora.Teu bari te vano te lakea vona." ¹⁶ Tomas,erei ia ni gale Didimus,taki a maka turana,"Teu ranga te vano te mate turana e Isu." ¹⁷ Na tahuna e Isu i valai,i matai maea e Lasarus ni ru pali na tum a parava i a i polo pali. ¹⁸ Bethany i tabukoi o Jerusalem, manga 15 kilomita basi. ¹⁹ Kupo a maka Juda ri valai ne Mata e Meri,ni lemu mule rua vona e korobane rua e Lasarus. ²⁰ Muri e Mata,tahuna ia i longo maea e Isu i valai,ia i vano ge vakorokoro turana, pali e Meri i made na ruma ia. ²¹ Muri e Mata i takia e Isu,"Viri Dagi,gi ioe koia,e korobagu koma ge mate. ²² Mavonga ngane,Iau a palala maea ara ioe o nanea ne Deo,ia bari habia ne vomu." ²³ Isu i takia,"E korobamu bari mahuri mule tabu." ²⁴ Mata i takia maea,"Iau a palala maea ia bari mahuri mule tabu na ni mahuri mule na ni lobo na parava." ²⁵ Isu i takia maea,"Iau a ni mahuri mule pali ni mahuri;erei ia i luhoi tora ne nau,tahuna ia ge mate,ia bari mahuri; ²⁶ pali erei i mahuri i luhoi tora ne nau ia koma ge mate.Ioe o luhoi tora vona ra hininga?" ²⁷ Ia i takia e Isu ,"Pali,Viri Dagi,Iau a luhoi tora maea ioe e Kristo, e Tune Deo,erei i valai vona ra malala." ²⁸ Tahuna e Isu i taki ra hininga, ia i vano i galea kapiloha e turana e Meri.Ia i tamaea,"E Vinara i valai pali i valai ne vomu." ²⁹ Na tahuna i longo maea ra hininga,ia i pesi rike malaviri pali lakea vona. ³⁰ Isu koma i valai tabukoi ma na tanga ia i tabana na hiningi i vakorokoro turana e Mata. ³¹ tahuna a maka Juda,erei ri made turana na ruma pali erei ri lemu mule ia,ri mataia i pesi rike malaviri pali pori polovavo,ria ri muri vona,ri luhoi maea ge lakea na tum ge tangi vona. ³² Na tahuna e Meri i valai vona ra tanga e Isu ia vona i mataia,ia i borupuru na vahana pali takia maea,"Viri Dagi,gi ioe vonga,e korobagu ia koma ge mate." ³³ Na tahuna e Isu i mataia i tangi, turana maka Juda ri valai turana ria ranga ri tangi,ia i hatakia pololilo na spirit vona pali a tamudina koma i tabuli kamumu; ³⁴ ia i tamaea,"Ivai a hiningi mu vakamahitea vona?"Ria ri takia maea,"Viri Dagi,o valai o mataia." ³⁵ Isu i tangi. ³⁶ Muri a maka Juda ri tamaea,"Mataia ra ni ngaru vona ne Lasarus!" ³⁷ Pali ranga ne ria ri tamaea,"Koma ia ra bakovi, erei i ratea ra matana bakovi i kepa i mata para, pali rata tabua ra bakovi ira koma i mate?" ³⁸ Muri e Isu,i hatakia pololilo vona,i vano i lakea na tum.A babe ra makea,pali a kedo ni tukari vona. ³⁹ Isu i tamaea,"Mu kule talea kedo."E Mata korobane Lasarus,ra bakovi erei i mate,i takia e Isu,"Viri Dagi,ra kakaina bari hale pali,na vuna a parava i 4 i polo pali." ⁴⁰ Isu i takia i tamaea,"Ri Iau koma taki mua maea,ge mua mu luhoi tora,mua bari mu mataia bagetunga e Deo?" ⁴¹ Ria ri kali talea kedo.Isu i mata rike pali tamaea,"Tata,Iau a ta kamumu ne vomu maea ioe o longo Iau. ⁴² Iau a palala maea ioe vakaroro ioe o longo Iau,pali nara vona ra maka bakovi a ngatavine ri pesi halui Iau mavonga Iau a taki ra hininga, ria rigi luhoi tora maea ioe o rudu Iau." ⁴³ Muri ne vona i taki ra hininga, ia i gale dagi,"Lasarus,o pagi tala!" ⁴⁴ A bakovi i mate i laho tala;a pakana a limana ni kai tata na varikia,a gina tara ni hai tata na varikia.Isu i taki ria maea,"Mu pagea ge vano." ⁴⁵ Huriki a Juda erei ri valai ne Mata ri mataia ara maki i ratea e Isu,ri luhoi tora vona. ⁴⁶ pali ranga ne ria ri vano ri lakea na maka Parisi ri taki ria vona ara maki i rata e Isu. ⁴⁷ A maka mugamuga na Prist a Parisi ri kalipopo a maka kansel ri taki ria maea,"Ara tege ratea?Ra bakovi i rata a maka mirakel i kupo. ⁴⁸ Teu koma tege rata vona ranga maki,huriki lobo bari luhoi tora vona;A Romen gaman bari valai bole lobo a maka tanga ne teu a raison ne teu." ⁴⁹ Mavonga, tara bakovi ne ria,e Kaiapas,erei ia mugamuga na maka Prist vona ra tahuna ia,taki ria maea,"Mua koma mu palala vona tara maki. ⁵⁰ Mua koma mu matai maea i kamumu ne mua maea tara bakovi i mate ne huriki a bakovi a ngatavine ge uka maea ra naison bari lobo." ⁵¹ Ngane ra hiningi i taki koma ne vona kunana.Mavonga,ia mugamuga na kama Prist vona ra tahuna ia,ia i taki talea maea e Isu bari mate vona na naison iea; ⁵² pali koma na naison kunana,pali ne huriki e tune Deo ri made viliha rigi vakalipopo na hiningi ge taku. ⁵³ Vona ra parava iea i lokovonga ria ri vata na ngava ge navai a ni matene Isu. ⁵⁴ Koma i tabaka e Isu i laho kamumu turana maka Juda,pali ia i vano i lakea vona tara kantri tabuli tabukoi na tanga tavula pololilo na taun ni gale e Epraim.Vonga i made turana maka murimuri vona. ⁵⁵ Ngane a Pasova na maka Juda i valai tabukoi,pali kupo e huriki ri sike o Jerusalem vona ra kantri muga na Pasova rigi palakado ria. ⁵⁶ Ria ri matakane e Isu,pali ri vata ne ria ri pesi pololilo na tempel, "Mua mu luhoi navai?Maea ia koma ge valai na vaponga?" ⁵⁷ Ngane a maka mugamuga na maka Prist a Parisi ri taki maea ge tara viri i palala vona hiningi i made vona e Isu,ia ge vakalongo pali bari ni nugu tata.