¹ Polo pali a parava i 6 muga na Pasova,Isu i valai o Betani,na hiningi made vona e Lasarus,erei i vaka mahuri mulea e Isu na ni mate. ² Mavonga ria ri kani palupu turana na malunga vonga,pali e Mata i kuku ne ria,e Lasarus tara i turane re huriki erei ri made na dede ni kani turane e Isu. ³ E Meri i bolea a oel i mangi sipa,i gururua na vahane Isu,pali ravua na vuna.Ra ruma i i mangi sipa vona ra oel iea. ⁴ E Jida Iskariot,tara murimuri vona,ra viri bari rata naro hale vona,i ta, ⁵ "I navai ra oel iea koma nigi habi nigi kona na moni dagi pali nigi habi ne huriki ri uka maki?" ⁶ Ngane ia i taki ra hininga, koma nara ia i ngaru e huriki ri uka maki,nara ia panaho.Ia i tahoka hole na moni pali bari panaho na maki tabuli pololilo vona. ⁷ Isu i tamaea," Rua ge ru ara maki ia i tahoka vona ra parava ga Iau nigi tanu. ⁸ Mua bari mu made vakaroro turana e huriki ri uka maki.Pali mua koma mugu made turagu vakaroro." ⁹ Ngane a kabuna Juda ri longo maea e Isu ia vonga, pali ria ri valai,koma ne Isu kikeri, ria rigi mataia e Lasarus,erei i vaka mahuria e Isu na ni mate. ¹⁰ A mugamuga na maka Prist ta tora ne ria lobo maea ria rigi rua na ni mate e Lasarus; ¹¹ Nara ne vona kunana maea kupo na maka Juda ri vano pali ri luhoi tora ne Isu. ¹² Na parava muri a kabuna bakovi a ngatavine ri valai na vaponga.Tahuna ria ri longo maea e Isu i valai o Jerusalem, ¹³ Ria ri bole a maka rou ri vano rigi vakorokoro turana ria ri gale,"Hosana!Vivi na viri ia erei i valai na rane Viri Dagi,A King o Israel." ¹⁴ Isu i matavisia tara dongki karaba i made langa vona;manga hiningi ni here, ¹⁵ Mu nahani mangenge mua koma ngatavine o zaion;mataia,a King mua i valai,made langa na Dongki." ¹⁶ Huriki a murimuri vona koma ri lohoka vona ra hininga ni vakatubu;pali na tahuna e Isu ni kavurike ngane,ria ri luhoi mule maea r hininga ni here na buk e Deo maea ia pali ria bari rata ra hininga ne vona. ¹⁷ Ngane huriki a kabuna bakovi a ngatavine ri taki talea maea ria ri turana na tahuna ia i gale talea na tum e Lasarus pali vakahadongo mule na ni mate. ¹⁸ Vona ra hininga e huriki a kabuna bakovi a ngatavine ri vano rigi mataia,nara ria ri longo maea ia i rata maka ra virika mirakel. ¹⁹ A maka Parisi ri vata mule ne ria,"Mataia,mua koma mugu kara ni ratea tara maki;masia,e huriki lobo na malala ri muri vona." ²⁰ Ranga bakovi o Grik ri turana e erei ri sike ni vasileki na vaponga. ²¹ Tou to lake ne Pilip,erei a bakovi o Betsaida paloilo ne Galili,to nanea,to tamaea,"Bakovi dagi,mateu mete ngaru ni mataia e Isu." ²² E Pilip i vano i mataia e Endru;Pali rua ru vano, no mataia e Isu ru takia. ²³ Isu i koli rua maea,"A haua i valai ne Tuna Bakovi nigi kavurike. ²⁴ Muholi,muholi hateka,Iau a taki mua,ge manga vutunana vit i boru puru na malala i mate,i tabuli kerikeri vona; pali ia ge mate,ia bari vua kanena i kupo. ²⁵ Erei i ngaru hatekea ni mahuri vona ia bari pea;erei koma i ngaru ni mahuri vona ia bari mahuri vakaroro. ²⁶ I tara viri i leho ne nau,rua ge muri nau;pali ivai a hiningi Iau vona ia tara bari ia voravora nau vonga.I tara viri i bole Iau e Tata bari rata kamumua. ²⁷ Ngane a ni luhoi nau koma i tabuli kamumu pali Iau ga ta navai?'O Tata,O kori Iau vona ra haua iea?Ne vona ra hin3Iau a valai vona ra haua iea. ²⁸ O Tata,kavurike ramu."Muri a ni gale i valwi na hunu pali tamaea,"Iau a kavurikea pali Iau bara kavurikea tabua." ²⁹ Pali e huriki a kabuna bakovi a ngatavine ri pesi vonga ri longoa ra hininga i taki ta hiningi i kururu.Pali ranga ri tamaea,"A Ensel i ta turana." ³⁰ Isu i koli ria tamaea,"Ni galeiea komai valai ne nau,i vali ne mua. ³¹ Ngane a a parava ni luhoikado na malala i valai:Ngane a e huriki a mugamuga na malala bari ni voroki tala. ³² Tahuna Iau ni bole rikevonara malala iea,Iau bara bole lobo e huriki a bakovi a ngatavine ri valai nau." ³³ Ia i taki ra hininga i vakasiria maea ge mate navai. ³⁴ A kabuna bakovi a ngatavine ri kolia maea,"Mia mi longo na lo maea e Kristo bari made vakaroro.I navai o tamavonga,'A Tuna Bakovi ia bari ni bole sike?'Erei e Tuna Bakovi?" ³⁵ Isu muri taki ria,"A ni para bari tabana ni made turane matau na parava i popote.Mu laho na tahuna mua mu tahoka ni para,maea a uvo koma ge kavatagu mua.Erei i laho na uvo ia koma i palala ivai a hiningi i lakea vona. ³⁶ Tahuna mu tahoka ni para,mu luhoi tora na ni para mavonga mua bari mua tuna ni para."Isu imtaki ra hininga muri i vano i kapiloho ne ria. ³⁷ E Isu i rata a maka mirakel na matane ria, pali ria koma ri luhoi tora vona ³⁸ a ngava ne propet Aisaia bari bele,manga ia i taki:"Viri Dagi,erei i luhoi tora vona ngava mi taki,pali ne erei a limane Viri Dagi i bele kavakava vona?" ³⁹ Ne vona ra hininga kunana ria koma ri luhoi tora,e propet Aisaia i taki ra hininga, ⁴⁰ "Ia i rata matane ria i kepa,pali rata hatene ria i tora; mege mavonga rigi mata na matane ria pali rigi luhoka na hatene ria,rigi mapulo,pali Iau ga rata kamumu ria." ⁴¹ Aisaia i taki ra hininga nara ia i mataia bagetunga e Isu pali tata vona. ⁴² Koma ne vona ra hininga kupo ne huriki a mugamuga ri luhoi tora ne Isu;pali nara e huriki a Parisi, ria koma ri taki talea maea koma rigi nono na roho ni vasileki. ⁴³ Ria koma ri ngaru hateka ni ngaru i valai neDeo ria ri ngaru hateka e huriki rigi ngaru ria. ⁴⁴ Isu i ta dagi i tamaea,"A viri rata i luhoi tora ne nau,ia koma i luhoi tora ne nau kikeri uka turana ne vona erei i rudu Iau, ⁴⁵ pali a viri erei i matai Iau ia i matai ia viri erei i rudu Iau. ⁴⁶ Iau a valai manga Iau a ni para vona ra malala iea maea erei a viri i luhoi tora ne nau ia koma ge made na uvo. ⁴⁷ Ge tara viri i longoa ni tagu pali koma i ramaia, Iau koma ga luhoikado ia;nara Iau koma valai ni luhoikadoa malala,Iau a valai ni vakamahuria malala. ⁴⁸ Tara viri i koi nau pali koma i bolea nitagu,tahoka viri erei bari luhoikado ia.A ngava Iau a taki bari luhoikadoa na ni lobo na parava. ⁴⁹ Na ra Iau koma ta ne nau kikeri,e Tata erei i rudu Iau,erei ia i habia nau a ni tavakuku vona ara ga taki pali ara ga ta vona. ⁵⁰ Iau a palala maea ni tavakuku vona ia ni mahuri vakaroro, movonga i manga ara maki Iau a taki manga kunana e Tata i taki ne nau,mavonga Iau a taki."