¹ Ngane muga na vaponga na Pasova.Isu i palala maea a haua vona i valai bari pea malala pali bari lakea ne Tamana.Tahoka ni ngaru vona erei i made vona ra malala iea,ia i ngaru ria vano na ni lobona parava. ² Ngane e satan i bolea pali i ria na hatene Judas Iskariot e tune Saimon,ge nanarivi vona e Isu. ³ Ia i palala maea e Tamana i habi na limana maki lobo pali maea ia i valai ne Deo pali bari hamule ne Deo. ⁴ Ia i pesirike na malunga rigi kani i kalitalea varikia polovavo.I bolea ni ravu i lavalava vona. ⁵ Muri i guru dilia na boul ranga naru i vakatubu ni loi a vahana maka murimuri vona pali ravu vona ra ni ravu ia i lavalava vona. ⁶ Ia i valai ne Saimon Pita,pali e Pita i takia maea,"Viri Dagi ri ioe go vahiloloa vahagu?" ⁷ Isu i kolia i tamaea,"Ara maki Iau a ratea ngane ioe koma o luhoka vona,muri ioe bari o luhoka vona." ⁸ Pita i taki maea,"Ioe koma go loia vahagu."Isu i kolia ,"Ge Iau koma ga loia vahamu,ioe koma go made turagu." ⁹ Saimon Pita i takia maea,"Viri Dagi,nahani loi kunanea vahagu,o loi a limagu a gigu." ¹⁰ Isu i taki maea,"Erei i hilolo pali ia nahani ge hilolo,a vahana kunana nigi vahilolo,pali ia i patapado;ioe o patapado,koma e huriki lobo." ¹¹ (Isu i palala vona erei a viri bari nanarovi vona;maea i navai i tamaea"Mua lobo koma mu matapado".) ¹² Mavonga na tahuna e Isu i vahilolo a vahane ria ia i bole tabua varikia vona ri rudoa i made puru tabu,ia i taki ria maea,"Mua mu palala vona ara maki a rate ne mua? ¹³ Mua mu galau a Vinara'o e Viri Dagi,'mua mu ta muhilo,nara i Iau kunana. ¹⁴ Ge Iau muri,E Viri Dagi o e Vinara,i vahilolo a vahane mua,mua ranga mu vahilolo a vahana viri tara. ¹⁵ Na ra Iau a vakasiri mua maea mua ranga mu rata manga Iau a rata. ¹⁶ Muholi,muholi hateka,Iau a taki mua,a voravora koma i dagi ma mugamuga vona;o a bolebole ngava i dagi na viri i rudua. ¹⁷ Ge mua mugu palala vona ra hininga,mua mu vivi ge mua mugu rata ra hininga. ¹⁸ Iau koma tata ne mua lobo;Iau a palala ne tou erei Iau a pasi tou pali ra hininga ge maea na ngavane Deo ge bele kava:Erei ia i kania bret nau ia i laga rikea kabina vahan i tepu Iau.' ¹⁹ Iau a taki ne mua ngane muga ge bele mavonga na tahuna ge bele,mua bari mu luhoi tora maea Iau kunana. ²⁰ Muholi,muholi hateka, Iau a taki mua,erei a viri bolea ra viri Iau a rudua ia i bole Iau,pali erei a viri bole Iau ia i boleaviri i rudu Iau." ²¹ Tahuna e Isu i taki ra hininga,a spirit vona koma i tabuli kamumu.Ia i taki talea i tamaea,"Muholi,muholi yateka,Iau a taki mua maea i tara ne mua bari nana rogi ne nau." ²² A maka murimuri vona ri vamatanono ne ria mule,ri luhoi lege ne rei ne ria i takia e Isu. ²³ Tara ne ria a murimuri vona,erei e Isu i ngaru hatekea,i made tabukoi ne Isu na dede ni kani i tamaea. ²⁴ Saimon Pita i taki ra hininga a murimuri i tamaea,"Nana ia erei ia i tata vona." ²⁵ Mavonga ia i made mule na dahane Isu pali takia maea,"O Viri Dagi,erei o e verea?" ²⁶ Muri e Isu i koli,"Ia a viri erei Iau bara lutua bret a habia vona."Mavonga na tahuna e Isu i lutua bret,i habia ne Judas tune Saimon Iskariot. ²⁷ Muri na bret,E Satan i dili ne Judas,pali e Isu i takia maea,"Ara ioe o ratea,o rata malaviriria." ²⁸ Ngane i uka tara viri erei ge made tabu na dede ni kani ge palala i navai ia i tamaea ne vona. ²⁹ Ranga ri luhoi maea, tahuna e Judas i bolea ra palo na moni,Isu i takia maea,"Kona ara maki teu te ngaru na vaponga,"o ara maki ia ge habi ne huriki ri uka maki. ³⁰ Muri ne Judas i bolea ra bret,malavirir kunana ia i vano.na rodo. ³¹ Na tahune e Judas i vano,Isu i tamaea,"Ngane e Tuna Bakovi ni vakabagetu,pali e Deo i vakabagetua. ³² Deo bari vakabagetua ia pololilo ne vona,pali ia bari malaviri kunana i vakabagetu ia. ³³ Koma kiroko,Iau a turane mua mu tahoka parava i kapo kunana.Mua bari mu matakanau,manga hiningi Iau a taki na maka Juda,'Inavi a hiningi Iau a lakea vona,mua koma mu kara nivalai vona.'Ngane Iau a taki tabu ra hininga ne mua. ³⁴ Iau a habia ne mua a ni tavakuku karaba,maea mua mugu ngarua viri tara;manga Iau a ngaru mua,mavonga mua ranga mu ngaru a viri tara. ³⁵ Vona ra hininga huriki lobo bari palala maea mua a murimuri nau,ge mua mugu ngaru a viri tara." ³⁶ Saimon Pita i taki maea,"Viri Dagi,ivai a hiningi go lakea vona?"Isu i koli i tamaea,"Ivai a hiningi Iau ga lakea vona,mua koma mu kara ni muri nau vona ngane,pali muri mua bari mu muri nau vona." ³⁷ Pita i taki maea,"Viri Dagi,i na vai Iau koma ga muri ne vomu ngane?Iau bara rupurua ni mahuri nau ne mua." ³⁸ Isu i koli,"Mu kara ni rupurua ni mahuri mua ne nau?Muholi,muholi hateka,Iau a taki mua,a kureko a toga koma ge tangi ma ioe bari o nana rovi nau boloko tolu."