¹ "Na hani rua hatene mua ge viliha.mu luhoi tora ne Deo,mua ranga luhoi tora ne nau. ² Pololilo na ruma e Tata i kupo a rum.Ge mua koma mugu palala,Iau bara taki mua,na ra Iau bara vano a rata purua tanga ne mua. ³ Ge Iau ga vano ga rata purua tanga mua,Iau bara valai tabu pali bara bole mua,maea ivai a hiningi Iau vona mua ranga bari mua vonga. ⁴ Mua mu palala vona dala ni lakea vona hiningi Iau a lakea vona." ⁵ Tomas i takia e Isu,"Viri Dagi,mia koma mi palala ivai a hiningi go lakea vona,migi palala navai vona dala?" ⁶ Isu i takia,"Iau a dala,ta muholi,pali a ni mahuri;uka tara viri ge valai ne Tata uka ne nau kunana. ⁷ Ge mua mugu palala nau,mua ranga bari mua palala ne Tata.Pali ngane i lokovonga mua mu palala vona pali mu mataia." ⁸ Pilip i takia e Isu,"Viri Dagi,o vakasiria ne mia e Tata,pali maea bari kara ne mia." ⁹ Isu i takia,"Iau i tabaka pali a hiningi a made turane mua pali koma mu palala ne nau ma,Pilip?Erei a viri i mata Iau ia i mataia e Tata.I navai o tamavonga,'O vakasiria ne mia e Tata?' ¹⁰ Ri mua koma mu luhoi tora maea Iau pololilo ne Tata pali e Tata pololilo ne nau?A ngava Iau a taki ne mua Iau koma taki na ni tora nau,uka e Tata i made pololilo ne nau i ratea a leho vona. ¹¹ Mu luhoi tora ne nau maea Iau a made pololilo ne Tata,pali e Tata i made pololilo ne nau,o uka mu luhoi tora nara leho ne ria. ¹² Muholi,muholi hateka ,Iau a taki mua,ia erei i luhoi tora ne nau bari ratea leho Iau a ratea.pali bari ratea leho i dagi vona hininga nara Iau bara lakea ne Tata. ¹³ Ara maki mu nana na ragu,Iau bara ratea pali e Tata bari bagetu ne Tuna. ¹⁴ Ge mua mugu nanau na maki tara na ragu,Iau bara ratea. ¹⁵ Ge mua mugu ngarau,mua bari mu matakaria komanment nau, ¹⁶ pali Iau bara vasileki na Tata,pali bari habia ne mua tara viri bari kori mua ia bari turane mua liu ¹⁷ a Spirit ni ta muholi.A malala koma i kara ni bolea nara ia koma i mataia o i palala vona.Pali mua mu palala vona,na ra ia i made turane mua pali bari turane mua. ¹⁸ Iau koma ga pe mua kikeri. ¹⁹ pali koma ge tabaka a malalal koma ge matai Iau,pali mua bari mu matai Iau.Nara Iau a made,mua ranga bari mu made. ²⁰ Vona ra parava ia mua bari mu palala maea Iau a made pololilo ne Tata,pali mua pololilo ne nau,pali Iau pololilo ne mua. ²¹ Ia erei i tahoka a komanment nau pali matakaria ia ra viri erei i ngarau,pali erei i ngarau ia bari ngarua e Tata,pali Iau bara ngarua a vakasirau ne vona." ²² Judas( koma e Iskariot)i takia e Isu,"Viri Dagi,i navai maea ioe go vakasiri ioe ne mia pali koma go vakasiri ioe na malala?" ²³ Isu i koli i tamaea,"Ge tara viri ge ngarau,ia bari matakaria ngavagu.E Tata bari ngarua,ia bari valai ne vona pali mia bari mi ratea tanga turana. ²⁴ Ia erei koma i ngarau ia koma i matakaria ngavagu.A ngava mua mu longoa koma i valai ne nau uka i valai ne Tata erei i rudu Iau. ²⁵ Iau a taki ra hininga ne mua,tahuna Iau a made turane mua. ²⁶ Mavonga, a bole kori a Hanu Kiripiripi erei e Tata bari rudu na ragu ia bari tovo mua na maki lobo pali bari vakadoko mule mua vona ara maki Iau a taki mua vona. ²⁷ Iau a pe mua turana ni tamudi puru;A habia ne mua ni tamudi puru ne nau.Iau koma habia manga malala ia i habia.Mu nahani hate viliha,pali mu nahani mangenge. ²⁸ Mua mu longo maea Iau a taki mua,'Iau a vavano,pali bara hamule valai ne mua.'Ge mua mugu ngarau,mua bari mu vivi nara Iau a lakea ne Tata,na ra e Tata i dagi ne nau. ²⁹ Ngane Iau a taki mua muga ia ge bele mavonga,na tahuna ge bele,mua bari mu luhoi tora. ³⁰ Iau koma ga takupo turane mua,na ra maka matakari na malala ri valai.Ia i uka ni tora i dagi ne nau, ³¹ pali ge bele maea a malala ge palala maea Iau a ngarua e Tata,Iau a rata manga e Tata i vakuku Iau.Te vano ta sike pali te vano vona hininga. "