¹ Iau a vain muholi,pali e Tata ia tahona hania. ² Ia i tolo tala maka rahana ne nau koma i vua,pali palakado a maka rahana i vua ge vua kamumu. ³ Mua mu patapado pali nara vona ra ngava Iau a taki mua vona. ⁴ Made pololilo ne nau,pali Iau ne vomu.Manga kunana a rahana i tabuli kikeri i kari ni vua na tahuna ia i madoko na kaina vain,manga kunana ioe,na tahuna ioe o madoko ne nau. ⁵ Iau a vain,mua a rahana,Erei i madoko ne nau pali Iau ne vona,ia bari vua hateka,ge uka Iau mua koma mugu ratea rata maki. I tara viri koma i madoko nau,ia bari ni voroki tala manga rahana ni rara,pali bari ni ru palupu ni voroki ria lakea na kanono,ri nono. ⁷ Gi mua mu madoko ne nau,pali a ngavagu i tabuli ne mua,mu nana vona ara maki mu ngarua,pali bari ni rata ne mua. ⁸ E Tata i bagetu vona ra hininga, maea mua mu vua i kupo pali mavonga i vakasiria maea mua a murimuri nau. ⁹ Manga e Tata i ngaru Iau,Iau tara a ngarua.Mu made pololilo na ni ngaru nau. ¹⁰ Ge mua mu matakari kamumua komanment nau,mua bari mu made pololilo na ni ngaru ne nau,manga Iau a matakari kamumua komanment pali a made pololilo na ni ngaru vona. ¹¹ Iau a taki ra hininga ne mua maea nani vivi ge tabuli pololilo ne mua mavonga ni vivi ne mua bari tabuli kamumu. ¹² A komanmant nau,i maea mua ngaru a viri tara manga Iau a ngaru mua. ¹³ Uka tara viri i tahoka ni ngaru i dagi vona ra hininga tara viri i rupurua ni mahuri vona na turana. ¹⁴ Mua a maka turagu ge mua mugu rata ra hininga manga Iau a vakuku mua. ¹⁵ Uka tabu Iau ga gale mua a voravora, na ra a voravora ia koma o palala vona ara maki a matakari vona i ratea. Iau a gale mua a turagu,na ra virika maki lobo ara Iau a longo ne Tata Iau bara vakapalala ne mua. ¹⁶ Mua koma mu pasi Iau,uka Iau a pasi mua pali a gamai mua maea mugu vano mugu vua,pali maea a voane mua ge tabuli.Ra i nga i maea ara maki mu nana ne Tata na ragu,ia bari habia ne mua. ¹⁷ Ra hininga Iau a vakuku mua vona,ia maea mua mu ngarua viri tara. ¹⁸ Ga malala ge koi mua,mu palala maea ia i koi nau muga ia i koi vomu. ¹⁹ Ge mua na malala,a malala bari ngaru mua manga mua ne vona.i I uka nara mua koma mua ne vona pali nara Iau a pasi mua pagi tala vona ra malala, mavonga a malala koma i ngaru mua ²⁰ Luhoi mulea ngavane Deo maeaIau a taki mua,'A voravora koma i dagi na matakari vona.'Gi Iau nigi rata hale,ria bari rata heli mua;ge ria rigi matakaria a nitagu,mavonga ria bari matakari mua. ²¹ Ria bari rata loba virihi mua ra hininga nara na ragu,nara ria k9ma ri palala vona erei i rudu Iau. ²² Ge Iau koma valai ga taki ria,ria koma rigi tahoka sin,uka pali ngane ria ri uka rigi taki ria rigi uka sin. ²³ Ia erei i koi nau ia tara i koi ne Tata. ²⁴ Ge Iaukoma ratae a leho maea i uka tara viri ge ratea ne mua,ria bari uka sin,pali ngane ria ri koi ne nau ne Tata. ²⁵ Ra hininga ge bele ge vakakavea ngavane Deo manga ni here na lo ne ria.'Ria ri koi nau i uka vuhuna.' ²⁶ Na tahuna i valai a viri ge bole kori ria erei Iau bara rudua i valai ne mua ne Tata,maea ra,Spirit na ni tamuholi,erei i pagi tala ne Tata ia bari taki talau. ²⁷ Mua ranga mu taki talau,nara mua mu turagu na ni vakatubu na parava.