¹ "Iau a taki ra hininga ne mua maea mua mugi nahanni boru tala. ² Ria bari varoki tala mua na raho ne vasileki.pali a haua i valai natahuna e huriki lobo erei i bimate mua bari luhoi maea ia i haba ni habi ne Deo. ³ Ria ri rata ra hininga nara ria koma ri luhoka ne Tata o ne nau. ⁴ Iau a taki ne mua ra hininga i maea tahuna a haua ne ria i valai, mua bari mu luhoi mule maea Iau a taki mua ne ria.Iau koma taki mua vona ra hininga muga na ni vakatubu,nara Iau a turane mua. ⁵ Pali ngane Iau bara hamule ne vona erei i rudu Iau,pali uka tara ne mua ge nanau,'Ivai a hiningi go lakea vona?' ⁶ Pali nara Iau a taki ra hininga ne mua,ni dodo i vonu na hatene mua. ⁷ Muholi Iau a taki mua,i kamumu ne mua maea Iau a vano.Ge Iau koma ga vano,a bole kori koma ge valai ne mua,pali ge Iau ga vano,Iau bara rudua i valai ne mua ⁸ Na tahuna ia i valai,a bole kori bari vakasiria malala maea a maki hale a sin,pali a naro malimali,pali a ni luhoikado ⁹ na sin,nara ria koma ri luhoi tora ne nau; ¹⁰ pali a ni naro malimali,nara Iau a lakea ne Tata,pali mua koma mugu matai Iau; ¹¹ pali a ni luhoikado, nara a maka mugamuga na malala ria ni luhoikado ria. ¹² Iau a tahoka maki kupo ni taki mua vona,pali mua koma mugu lohoka vona ngane. ¹³ Pali na tahuna ia,a Spirit ni ta muholi,i valai,ia bari kori mua na maki ni ta muholi,na ra ia koma ge tata ne vona kunana.Pali ia bari tamaea ara maki ia i longoa,ia bari taki mua vona ra virika maki maea ge valai. ¹⁴ Ia bari vakabagetu Iau,nara ia bari bolea na ara maki ne nau bari taki mua vona. ¹⁵ Virika maki lobo ne Tata a maki nau.Mavonga,Iau a taki maea a Spirit bari bolea ara maki ne nau pali ia bari taki mua vona. ¹⁶ Koma ge tabaka mua koma mugu matai Iau,pali muri tabu koma ge tabaka mua bari mu matai Iau." ¹⁷ Pali ranga murimuri vona ri vata ne ria,"Ara maki i takia ne teu,'Koma ge tabaka mua koma mugu matai Iau pali muri tabu koma ge tabaka mua bari mu matai Iau,'pali, 'nara Iau a lakea ne Tata?" ¹⁸ Mavonga ria ri tamaea, "Ara maki ia i takia,'Koma ge tabaka?"Teu koma te palala ara maki ia i takia." ¹⁹ Isu i matai maea ria ri ngaru ni nanea,pali ia i taki ria maea,"Ia ra ara maki mu vanana ne mua,ara maki Iau a tamaea vona maea,'Koma ge tabaka koma mugu matai Iau,pali muri tabu koma ge tabaka muga bari mu matai Iau?' ²⁰ Muholi,muholi hateka,Iau a taki mua,mua bari mu tangi mu tangi,pali a malala bari vivi.Mua bari mu matasia,pali ni matasia ne mua bari mapulo a ni vivi ne mua. ²¹ Tahuna a ngatavine i poda ia bari dodo nara a haua vona i valai,pali na tahuna ia i podea koma,ia koma ge luhoi tabua ni madihi nara na ni vivi vona maea a bakovi i bele pali na malala. ²² Mavonga mua mu tahoka ni dodo ngane,pali Iau bara matai mua tabu,pali a hatene mua bari vivi,pali bari uka tara viri ge bole talea ne mua ni vivi ne mua. ²³ Vona ra parava ia mua koma mugu nana Iau na maki tara.Muholi,muholi hateka Iau a taki mua,Ge mua mugu nana e Tata na maki tara na ragu,ia bari habia ne mua. ²⁴ Valai ngane mua koma mu nana vona tara maki na ragu.Nana bari o bolea,pali a ni vivi mua bari bele kava." ²⁵ "Iau a taki ra hininga ne mua na maka ngava nau,pali a haua i valai tahuna Iau koma ga ta tabu turane mua na maka ngava nau,pali mavonga Iau bara ta kamumu ne mua vona e Tata. ²⁶ Vona ra parava ia mu bari mu nana na ragu pali Iau koma taki mua maea Iau ga vasileki ne Tata ne mua, ²⁷ na ra e Tata ia i ngaru mua nara mua mu ngarau nara mua mu luhoi tora maea Iau a valai ne Tata. ²⁸ Iau a valai ne Tata,pali a valai vona ra malala.Muri tabu,Iau bara ataroa ra malala pali bara hamule ne Tata." ²⁹ Maka murimuri vona ri tamaea,"Masia,ngane ioe o ta kamumu pali koma o rata maka ngava. ³⁰ Ngane mia mi palala maea ioe o palala vona maki lobo,pali ioe koma o ngarua tara viri ge nana ioe na ni nana.Nara vona ra hininga, mia mi luhoi tora maea ioe 9 valai ne Deo." ³¹ Isu i koli ria maea,"Re mua mu luhoi tora ngane? ³² Masia,a haua i valai,pali,bele pali,tahuna mua bari mu made viliha,huriki lobo bari made na ruma ne ria,pali bari mu hataro Iau.Mavonga koma Iau kikeri nara e Tata i made turagu. ³³ Iau a taki mua vona ra hininga maea mua bari mu tahoka ni tamudi puru ne nau.Vona ra malala ia mua mu tahoka ni tamudi hale,mu pesi tora,Iau a bole mulea malala."