¹ Muri ne Isu i taki ra hininga, ia i mata rike na hunu pali tamaea,"O Tata,a haua i valai,o vakabagetua e Tumu pali maea e Tumu bari vakabagetu ioe ² manga kunana ioe i habia vona ni tora ge matakari lobo e huriki mavonga ia bari habia ni mahuri makaroro ne huriki lobo erei mua mu habia ne vona. ³ Ra makea a ni mahuri vakaroro:Maea ria ri palala mua,ia kikeri e Deo muholi,pali ia erei ne mua i rudua e Isu Kristo. ⁴ Iau a vakabagetu ioe na malala.Iau a vaka loba leho ioe o habia nau ga ratea. ⁵ Ngane,O Tata,o vakabagetu Iau na dahamu turana bagetuanga maea Iau a tahoka turamu muga na malala i bele. ⁶ Iau bara vakabele kavea ramu ne huriki a bakovi a ngatavine erei ioe o habi ne nau vona ra malala.Ria ne vomu,pali ioe o habi ne nau,pali ria ri matakaria ngavamu. ⁷ Ngane ri lohoka maea virika maki lobo ioe o habi nau i valai ne vomu, ⁸ pali Iau a habi ne ria a virika ngava lobo ioe o habi nau.Ria ri bole pali ri luhoi muholi maea Iau a valai ne vomu,pali ria ri luhoi tora maea ioe o rudu Iau. ⁹ Iau a vasileki ne ria,Iau koma vasileki na malala pali ne huriki erei ioe o habi ne nau,na ra ria ne vomu. ¹⁰ Virika maki nau lobo ne vomu pali ne vomu ia ne nau,pali Iau ni vakabagetu vona. ¹¹ Iau koma na malala tabu,pali re huriki a bakovi a ngatavine ria vona ra malala,pali Iau a valai ne mua.O Tata o kiripiripi, matakari ria na ramu maea ioe o habia nau maea ria bari taku,manga kunana teu te taku. ¹² Tahuna Iau a turane ria,Iau a matakari ria na ramu,na vuhuna ioe o habi nau.Iau a kapikari ria,pali uka tara ne ria nigi ratapile,e Tune Deo kunana ni rata pile,i maea ge bele kava a ngavane Deo. ¹³ Ngane Iau a valai ne mua,pali Iau a taki 4a hininga na malala i maea ria rigi bolea ne vivi nau ge bele kava ne ria. ¹⁴ Iau a habia ne ria ni tamu,pali a malala i koi i rata hale ria nara ria koma ne vona ra malala,manga kunana Iau koma ne vona ra malala iea. ¹⁵ Iau koma nana ne vomu go bole tala ria vona ra malala iea,uka ioe go matakari ria na bakovi hale. ¹⁶ Ria koma ne vona ra malala iea,manga kunanan Iau koma na malala. ¹⁷ Bole tata ria na ni ta muholi.A ni tamu i muholi. ¹⁸ Manga kunana ioe o rudu Iau a valai na malala. ¹⁹ Ne ria kunana Iau a bole talau,i maea ria mule rigi bole tala ria na ni ta muholi. ²⁰ Iau a vasileki kunana vona ra hininga, pali ne huriki ranga erei i luhoi tora ne nau na ngavane ria ²¹ i maea ria rigi taku kunana,manga kunana ioe,Tata,ia ne nau,pali Iau ne vomu.ru ria rigi turane teu mavonga a malala ge luhoi tora maea ioe o rudu Iau. ²² A bagetuanga o habia nau,Iau a habi ne ria,i maea ria rigi taku kunana,manga kunana teu te taku: ²³ Iau ne ria,pali ioe ne nau maea ria rigi made na ni luhoi i taku,pali a malala ge palala maea ioe o rudu Iau,pali i maea ioe o ngaru ria manga kunana ioe o ngaru Iau. ²⁴ O Tata,Iau a ngaru re huriki ioe o habi nau rigi made turagu na hiningi Iau a made vona,pali rigi mataia bagetuanga nau,ra bagetuanga ioe o habia ne nau nara ioe o ngaru Iau muga na maki lobo i bele vona ra malala iea. ²⁵ Tata o malimali,a malala koma i palala ne vomu,pali Iau a palala ne vomu;pali ra hininga i palala maea ioe o rudu Iau. ²⁶ Iau a ratea ramu ri palala vona,pali Iau bara ratea ri palala vomu i maea a ni ngaru ioe o tahoka ne nau ia tara ne ria,pali Iau ne ria."