¹ Muri ne Isu i taki ra ngava nga,ia i pagitala turana maka murimuri vona na gaga tara na golu e Kidron,vonga i tahoka tara hania pololilo tahuna ia turana maka murimuri vona ri dili . ² Ngane e Judas,erei bari nana rovi ne Isu,ia tara i palala vona ra hininga, na ra e Isu i ngaru ni lakea vonga turana maka murimuri vona. ³ Pali e Judas,i mugea tara kabuna nugu maheto turana ranga opisa na mugamuga na Prist a Parisi, ri lokovonga turana maka maki ri nami ri para vona, a tos, a maki ni vaubi. ⁴ Pali e Isu,erei ia i palala na maki lobo maea bari ri bele vona,i pagitala muga i nana ria,"Erei mu matakanea?" ⁵ Ria ri kolia,"Isu o Nasaret."Isu i taki ria maea,"Iau."O Judas,erei o nana rovi vona,ia tara i pesi turana maka nugu maheto. ⁶ Na tahuna i taki ria maea,"Iau,"ria ri karuku mule ri borupuru na malala. ⁷ Pali ia i nana tabu ria,"Erei mu matakanea?"Ria ri tamaea tabu,"Isu o Nasaret." ⁸ Isu i koli,"Iau a taki mua i Iau.pali mavonga ge mua mugu matakanau,mu rua ra hininga ge polo." ⁹ Ra hininga ge bele ge vakatorea ngave Deo ia i taki:"Vona ra hininga erei ioe o habia nau,Iau koma vakavelua tara." ¹⁰ Pali e Saimon Pita,erei ia i tahoka vito,i lalutalea i valikudua talingana kanena vona voravora na mugamuga na Prist.A voravora iea a rana e Malchus. ¹¹ Isu i takia e Pita,"Ru mulea vito na murina.Ri Iau koma ga ninu vona kap i habia nau e Tata?" ¹² Mavonga a maka kabuna nugu maheto a kepten, a maka opisa na maka Juda,ri nugutatea e Isu ri kolotatea. ¹³ Ri bole muga lakea ne Anas,ia kana bakovi e Kaiapas,erei a mugamuga na Prist vona ra parava ia. ¹⁴ Ngane e Kaiapas ia ra viri erei i haba ngava na maka Juda maea i kamumu na bakovi i ala taku ge mate na maka bakovi a ngatavine lobo. ¹⁵ Saimon Pita i muri ne Isu,pali ranga murimuri vona.Ngane ra murimuri ia i palala vona mugamuga na Prist ia i dili turane Isu pololilo na murina mugamuga na Prist; ¹⁶ e Pita i pesi polovavo na ni dili.Pali ranga murimuri,erei i palala ne ria a mugamuga na Prist, ri pagi tala ri takia tara ngatavine erei i mamata na ni dili,pali i bole dilia e Pita. ¹⁷ Pali a voravora ngatavine, a matakari na ni dili,i takia e Pita,"Kimi ioe tara a murimuri vona ra bakovi iea?"Ia i tamaea,"Kimi Iau." ¹⁸ Ngane a voravora turana opisa ri pesi vonga,ri tunua tara kanono,na ra i piu a hiningi, pali ri vakarongo ria.E Pita tara i turane ria,i pesi vonga i hua ¹⁹ A mugamuga na Prist i nanea e Isu vona maka murimuri vona pali a maka vinara vona. ²⁰ Isu i koli maea,"Iau a ta kava na malala.Iau a vara bala na roho ni vasileki pali na tempel i vai a maka Juda lobo ri valai palupu.Iau koma talapiloho vona tara ngava. ²¹ I navai o nana Iau?O nana erei e huriki ri longo Iau vona ara maki Iau a taki.Masia,re huriki a bakovi a ngatavine ri palala vona ara maki Iau a taki." ²² Na tahuna e Isu i taki ra hininga, tara opisa i pesi vonga i ubia e Isu pali tamaea," I maea ri ioe go kola mugamuga na Prist?" ²³ Isui kolia maea,"Ge Iau ga ta hale,a takitalea maki hale,pali ge muholi,i navai ioe o ubi Iau?" ²⁴ Pali e Anas i ruduz ni kolotata ni bole lakea ne Kaiapas a mugamuga na Prist. ²⁵ Ngane e Saimon Pita i pesi i huhua.A maka bakovi a ngatavine ri takia maea,"kimi ioe tara turana ra maka murimuri vona?"Ia i lavuni i tamaea,"Kimi Iau." ²⁶ Tara voravora na mugamuga na Prist, erei a tara vona ra bakovi erei i valikudua e Pita talingana,i tamaea,"Iau koma matai ioe na hania o turana?" ²⁷ Pali e Pita i lavuni tabu;pali malaviri kunana a kureko i tangi. ²⁸ Pali ria ri tuli tala ne Kaiapas ia lakea na murina gavman i vata turana maka bakovi a ngatavine. Na hetelanga pokopoko,koma ri lakea ma na murina gavman ni vata turana maka bakovi a ngatavine pali maea riakoma rigi rata helea pali bari kani taro na Pasova. ²⁹ Pali e Pailot i pagi tala ne ria i tamaea,"Ara maki hale mua mu habia vona ra bakovi iea ?" ³⁰ Ria ri koli ri takea maea,"Ge ia ra bakovi iea koma ge ia bakovi ni rata naro hale,mia koma migi habi lakea ne vomu." ³¹ Pali e Pailot i taki ria maea,"Mu bolea,pali mu luhoi kadoa ramaia lo mua."A maka Juda ri takia maea,"Koma i tabuli na lo ne mia migi rua na ni mate tara bakovi." ³² Ria ri taki ra hininga i maea a ngavane Isu bari vakatorea na ra ia i taki ni vakasiria ni mate bari bele vona. ³³ Pali e Pailot i dili tabu na murina gavman ni vata turana maka bakovi a ngatavine pali galea e Isu i takia maea,"I ioe a King na maka Juda?" ³⁴ Isu i kolia,"Ra hininga ioe o taki,o i taki vomu tara viri ne nau?" ³⁵ E Pailot i kolia,"Kimi Iau a Juda,i Iau? A maka bakovi a ngatavine vomu pali a maka mugamuga na Prist ri habi ioe valai nau.Ara maki o ratea?" ³⁶ Isu i kolia,"A harikianga nau koma ne vona ra malala iea.Ga harikianga nau ga maki na malala,a maka voravora nau bari vaubi mavonga Iau koma nigi habi lakea na maka Juda.Pali ngane a harikianga nau ia koma ne vona hininga. " ³⁷ Pailot i takia maea,"I ioe a king pali?"Isu i kolia,"Ioe o taki Iau maea Iau a king.Vona ra hiningi kunana Iau a poda,pali vona kunana ra hiningi Iau a valai vona ra malala iea,pali maea Iau bara bole koria ni ta muholi.Huriki lobo erei ne vona ni ta muholi longoa lohogu." ³⁸ Pailot i takia maea,"Ara maki a ni ta muholi?"Tahuna i taki ra hininga, ia i pori tabu na maka Juda pali taki ria,"IU koma matavisia rata maki hale ge ratea ra bakovi iea. ³⁹ Pali mua mu tahoka naro maea Iau bara rudu talea tara bakovi ne mua na Pasova.Mavonga mu ngarau ga rudu talea ne mua a King na maka Juda?" ⁴⁰ Ria ri ta dagi ri tamaea,"Koma ra bakovi iea, e Barabas."Ngane e Barabas ni vakapagi tala.