¹ Ngane e Pailot i bole e Isu i lagua. ² A nugu maka maheto ri vaia barakau i manga kraun.Ri rua na gina pali ri vakarodoa na varikia papel. ³ Ri valai vona ri tamaea,"Made ola,King na maka Juda!"pali ri lagua. ⁴ Ngane e Pailot i poru tabu pali taki ria maea,"Mu masia,Iau a bole talea ne mua maea mua mugu palala maea Iau a mataia maea ia i uka tara maki ge ratea ge hale." ⁵ pali e Isu i pagi tala,i rodoa ra kraun ni rata na barakau a varikia pepol. Pailot i taki ria maea,"Mu masia,bakovi ra ea!" ⁶ Na tahuna maka mugamuga na maka Prist a opisa ri mataia e Isu,ria ri gale tala ri tamaea"O rukea na kai tavala,O rukea na kai tavala!"Pailot i taki ria maea,"Mu bolea mu rukea na kai tavala,na ra Iau koma matavisia vona tara maki ge hale ge ratea." ⁷ A makaJuda ri nanea,"Mia mi tahoka lo pali vona ra lo ia ge mate nara ia i bibi mule vona maea ia e Tune Deo." ⁸ Tahuna e Pailot i longo ra hininga,ia i mangege haleliu, ⁹ pali 8a i dili tabu na murina gavman ni vata turana maka bakovi pali takia e Isu,"Ivai a hiningi o valai vona?"Pali e Isu koma i kolia. ¹⁰ Ngane e Pailot i takia e Isu maea,"Ioe koma go ta turagu?Ioe koma o palala maea Iau a tahoka ni tora ni vakapagi taloe,pali a ni tora ni ru rike ioe na kai tavala?" ¹¹ Isu i kolia maea,"Ioe o uka tara ni toralanga ne nau uka na ara maki kunana ni habi ne vomu i valai polomeli.Mavonga,ia erei habi Iau ne vomu ia i tahoka sin i dagi hateka." ¹² Vona ra ni koli iea,e Pailot i toni ni vakapagi talea,pali a maka Juda ri gale tala,ri tamaea,"Ge ioe o vakapagi talea ra bakovi iea,ioe koma i ioe a turane Sisa.Huriki lobo erei i bibo mule vona manga ia king ri ta hale ne Sisa." ¹³ Na tahuna e Pailot i longa ra ngava iea,ia i bole talea e Isu i vakamadea na sia ni luhoikado na hiningi ni gale "A Pavment,"pali na kavunanga na Aramaik, A Gabat." ¹⁴ Ngane a parava ni papepuru na Pasova,na 6kilok.E Pailot i taki a maka Juda,Mu masia,a king mua ra iea!" ¹⁵ Ria ri gale ri tamaea,"O vano turana,o vano turana;ru rikeana kai tavala!" Pailot i taki ria maea,Re Iau ga ru rikea na kai tavala ra king mua?" A mugamuga na prist i koli maea,"Mia mi uka king pali e Sisa kunana." ¹⁶ Pali e Pailot ngane i habia ne ria e Isu rigi ru rikea na kai tavala. ¹⁷ Pali ria ri bolea e Isu,i pagi tala,i kalohoa kai tavala vona,i lakea vona hiningi nimgale"A Murina Gigei," na kavunanga na Aramaik ni gale Golgota." ¹⁸ Ria ri ru rikea na kai tavala e Isu vonga,pali turana bakovi i ala rua,na koropida rua e Isu. ¹⁹ E Pailot i herea tara ngava pali rua na kai tavala.Ia ni here maea:ISU A BAKOVI O NASARET, A KING NA MAKA JUDA. ²⁰ Kupo ne huriki a Juda ri gia ra ngava iea nara ra hiningi e Isu ni ru rike na kai tavala i tabukoi na siti.A ngava ni here na kavunanga na Aramaik,a Latin,pali na Grik. ²¹ Pali a mugamuga na prist na maka Juda i takia e Pailot,"Koma go here maea,'A King na maka Juda,'ge maea,'Ra bakovi iea i tamaea,"Iau a King na maka Juda."" ²² E Pailot i kolia maea,"Ara maki Iau a herea Iau a herea." ²³ Na tahuna maka nugu maheto ri ru rikea na ki tavala e Isu,ria ri bolea varikia vona,ri videa na patapena i va,ri takutaku vona;pali a marapena.Ngane ra marapena varikia ni rahinna, na varikia i taku. ²⁴ Pali muri ria ri taki a maka turana maea,"Tege nahani rapea ,pali tege rehi vona tegi masia erei ge bolea."Ra hininga,ge bele kava manga buk e Deo i taki,"Ria ri verua ne ria varikia nau pali ri rehi vona varikia nau."Ra hininga ara i ratea a maka nugu maheto. ²⁵ Ia i pesi muri ne Isu'na kai tavala e kinana i vonga,a turane kinana,Meri e girihine Klopas,pali Meri Makdala. ²⁶ Na tauhana e Isu i masia e kinana pali a disaipel erei ia i ngaru hatekea i pesi tabukoi,ia i takia e kinana,"Ngatavine, masia,ia e tumu!" ²⁷ Pali muri i takia disaipel, masia,ia e kinamu!"Vana ra haua ia ra disaipel iea i bole lakea na ruma vona. ²⁸ Muri vona ra hininga, palala maea hurika maki lobo i ngane i lobo pali manga kunana buk e Deo i taki bari bele bolo,Isu i tamaea,"Iau a marohu," ²⁹ I tara kontena na vain i magaruru ni ru vonga,mavonga ri bolea spans i vonu vona vain i ri toto rikea na ngavana. ³⁰ Na tahuna e Isu i ninua ra vain i magaruru,ia i tamaea,"I lobo ngane."Ia i tutu purua gina pali habi rikea spirit vona. ³¹ A maka Juda,nara ia parava ni pape puru,pali mavonga a kakaine Isu koma ge tabuli mavonga na kai tavala na parava na Sabat(na ra a Sabat ia maki dagi ne ria),Pailot i taki nigi biputu a hahane tou. ³² Pali a maka nugu maheto ri valai ri biputua vahana viri tabuli na dahane Isu muri a viri na gaga tara. ³³ Na tahuna ri valai ne Isu,ri matia maea ia i mate pali,mavonga koma ribiputua vahana. ³⁴ Mavonga,i tara na maka nugu maheto i madia kamage Isu na maheto,pali malaviri kunana a dara a naru i tua tala. ³⁵ Ra viri erei i mataia ra hininga ia i taki talea,pali a maki ia i taki i muholi.Ia i palala maea ara ia i taki i moholi i maea mua ranga mugu luhoi tora. ³⁶ Na ra i bele ra hininga ge vaka bele kavea ngava na buk e Deo,"bari uka tara tuhana ge maputu." ³⁷ Mavonga tabu,tara ngava tara na buk e Deo i tamaea,"Ria bari mata lakea vona erei ria ri madia." ³⁸ Muri vona ra hininga, Josep a bakovi o Arimatia,ia tara murimuri e Isu(pali ia i mangege na maka Juda),i nanea e Pailot ge ia ge paru purua podane Isu.Pali e Pailot i longo vona.Mavonga e Josep i valai i bolea podane Isu. ³⁹ E Nikodimus ia tara i valai,ia erei muga i valai ne Isu na rodo.Ia i bole a oel i mangi sipa,i manga 100 lita. ⁴⁰ Mavonga to bolea podane Isu to kai tatea na varikia ramia narone ria Juda tahuna ria ri tana poda. ⁴¹ Vona ra hiningi ni vaka tau e Isu na kai tavala i tahoka hania;pali vona ra hania ea i tahoka tara tum ni tara karaba i uka ma tara bakovi ni ru dili vona ma. ⁴² Nara ia parava ni pape puru na maka Juda pali nara a tum i tabuli tabukoi,ria ri ru dilia vonga e Isu.