¹ Ngane ni vakatubu na parava na vik,tahuna i tabana ni uvo a hiningi,Meri Makdala i valai na tum pali mataia kedo ni vakatere tala na tum. ² Ia i nunu valai ne Saimon Pita turana ranga murimuri vona erei i ngaru ria,pali taki ria maea,"Viri Dagi ni bole tala na tum,pali mia koma mi palala ivai a hiningi ni ru vona." ³ E Pita turana ranga murimuri to vano,ria ri lakea na tum. ⁴ Ria lobo ri nunu palupululu,pali tara murimuri i nunu muga ne Pita i bele muga na tum. ⁵ Ia i pesi polovavo,i mataia varikia i tabuli,pali ia koma i dili. ⁶ Saimon Pita i bele muri vona pali nunu dili na tum.Ia i mataia varikia i tabuli ⁷ a varikia i tabuli na gina.Ia koma i tabuli turana varika ranga ia ni pilu pali ni ru kikeri. ⁸ Pali ranga murimuri,a viri bele muga na tum,ia tara i dili,pali mataia ia i luhoi tora. ⁹ Vona ra parava ia ria koma ri palala vona nitane Deo maea ia bari pesi rike na ni mate. ¹⁰ Mavonga ria ri hamule na tanga. ¹¹ Pali e Meri i tabana ni pesi polovavo na tum i tatangi.Tahuna ia i tatangi,ia i pesi na ni dili na tum. ¹² Ia i matai a ensel i rua ru rodo a varikia keakea ru made,tara na gina pali tara na vahana na hiningi ni vakamahite Isu vona. ¹³ Rua ru takia maea,"Ngatavine,i navai o tatangi?"Ia i taki rua maea,"Nara ni bole tala a Viri Dagi nau,pali koma palala ivai a hiningi ni ru vona." ¹⁴ Tahuna ia i taki ra hininga, ia i puloa apli mataia e Isu i pesi vonga,pali ia koma i palala maea ia e Isu, ¹⁵ Isu i takia maea,"Ngatavine, i navai o tangi hateka?Erei o mata kanea?"Ia i luhoi maea ga viri ge matakara hania,pali takia maea,"Bakovi, ge ioe o bole talea,o takau vona hiningi o rua vona,pali ga bole talea." ¹⁶ Isu i takia maea,"Meri."Ia i puloa,pali takia na kavunanga na Aramaik,"Raboni"(i ta maea"Vinara"). ¹⁷ Isu i takia maea,"Nahani taugu nau,na ra Iau koma sike ma ne Tata,pali o vano o lakea na maka turagu o taki ria maea Iau a lakea ne Tata pali e Tamane mua,pali e Deo nau ia e Deo mua." ¹⁸ Meri Makdala i valai i taki a maka murimuri vona,"Iau a mataia e Viri Dagi,"pali ia i taki ra hininga. ¹⁹ Na malungana ra parava ia na ni vakatubu na parava na vik,a ni hebi ni tukari na ra a maka murimuri vona ri mangenge na maka Juda,Isu i valai i pesi na melemele ne ria,"Mu tamudi puru." ²⁰ Muri vona i taki ra hininga, ia i vakasiria limana pali a kamagana.A maka murimuri vona ri vivi tahuna ria ri mataia Viri Dagi. ²¹ Muri tabu e Isu i taki ria," Mu tam7di puru.Tahuna e Tata i rudu Iau,mavonga Iau bara rudu mua." ²² Tahuna i taki e Isu ra hininga, ia i bango lakea ne ria pali taki ria maea,"mu bolea e Hanu Kiripiripi. ²³ Erei a viri i rata sin mu lakabongia, na ra ria ni lakabongi a sin ne ria;erei a viri i rata sin pali mu nugutatea, ria ni nugutata a sin ne ria." ²⁴ Tomas,rata ne tou ala 12 ni gale e Didimus,ia koma i turane ria tahuna e Isu i bele ne ria. ²⁵ Muri ranga murimuri to takia maea,"Mia mi mataia e Viri Dagi."Ia i taki ria maea,"Tahuna Iau ga mataia limana a murina nil,pali ga sikidilia na murina nil a kukugu,ga nugua kamagana,Iau koma ga lihoi tora." ²⁶ Muri na parava i polo tolu a maka murimuri vona ri dili tabu,pali e Tomas i turane ria.Isu i valai na tahuna a ni hebi ni tukari,pali ia i pesi turane ria,pali tamaea,"Mu tamudi puru." ²⁷ Pali takia e Tomas,O toto tala vilia limamu o mataia limagu.O nugu Iau na limamu pali o sikidilia na kamagagu.O nahani koma go luhoi tora,o luhoi tora." ²⁸ Tomas i koli i tamaea,"Viri Dagi nau o Deo nau." ²⁹ Isu imtakia maea,"Nara ioe o matai Iau,o luhoi tora.Vivi ne huriki erei koma ri matai,pali ria ri luhoi tora." ³⁰ Ngane e Isu i rata maka mirakel i kupo na matana maka murimuri vona,a maka mirakel koma ni here na buk e Deo, ³¹ pali a viri ji here na buk e Deo nege mua mugu luhoi tora maea e Isu ia e Kristo, e Tune Deo,pali mavonga i maea luhoi tora,mua bari mu bolea ni mahuri na rana.