² Saimon Pita turane Tomas ni gale e Didimus,e Nataniel o Kana iea o Galili,e tune Sebedi,pali turana murimuri e Isu i ala rua. ³ Saimon Pita i taki ria maea,"Iau ga pori na dari ga matakana manu."Ria ri takia maea,"Mia,ranga,migi valai turamu."Ria ri vona ri rike na aga,pali koma to bolea tara maki vona ra rodo ia. ⁴ Ngane,tahuna i palala pali a hiningi, Isu i pesi na bike,pali a maka murimuri gona koma to palalal maea ia e Isu. ⁵ Pali e Iau i taki ria maea,"Koma bakovi, mu tahoka maki ni kani?"Ria ri kolia maea,"Uka." ⁶ Ia i taki ria maea, "Mua voroki lakea na gagana aga a kanena a vuko ne mua,pali bari mu lakavu ranga."mavonga ria ri lalua vuko pali ri keri ni voro nara i kupo hateka manu. ⁷ Pali a murimuri vona erei e Isu ngarua e i takia e Pita,"Ia e Viri Dagi."Na tahuna e Saimon Pita i longo maea iz e Viri Dagi,ia imkoloa varikia vona( na vuna ia koma imrudoa),pali page puru na dari. ⁸ Tara murimuri vona i valai na aga ( ria koma ri basi na malala,manga 2oo kilomita magitala),pali ria ri lalua vuko i vonu vona manu. ⁹ Tahuna to puru na malala,ria ri masia katona kanono turana manu polomeli vona turana bret. ¹⁰ Isu i taki ria maea,"Mu habi ranga manu mua mu lakavu." ¹¹ Saimon Pita i bolea vuko i voroki purua na malala,i vonu vona manu dagi,i 153 ra manu nga,i kupo hateka, pali a vuko koma i marape ¹² Isu i taki ria maea,"Mu valai mu kani a maki ni kani na hetelanga."Uka tara ne hurika a murimuri vona ge toni ni nanea,"Ioe erei?"Ria ri palala maea ia e Viri Dagi. ¹³ Isu i valai,i bolea bret,i habi ne ria,pali a manu ranga. ¹⁴ Ra hininga i boloko tolu pali maea e Isu i vakasiria ne hurika murimuri vona muri ne vona i pesi rike na ni mate. ¹⁵ Muri ne ria ri kani,Isu i takia e Saimon Pita,"Saimon tune Jon,ioe o ngarau hatekau vona ra hininga?"Pita i takia maea, "Pali o Viri Dagi,ioe o palala maea Iau a ngaru ioe."Isu i takia maea,"O vakani a sipsip nau." ¹⁶ Ia i taki boloko rua tabua,"Saimon tune Jon,ieo o ngarau?"Pita i takia,"Pali o Viri Dagi,ioe o palala maea Iau a ngaru ioe." Isu i takia maea,"O matakari a sipsip nau." ¹⁷ Ia i taki tabua i boloko tolu ngane,"Saimon tune Jon,ioe o ngarau?"Pita i bele vona ni dodo nara e Isu i nanea boloko talu ngane,"Ioe o ngarau?"Ia i takia maea,"Viri Dagi,ioe o palala vona maki lobo,ioe o palala maea Iau a ngaru ioe."Isu i takia maea,"O vakani a sipsip nau. ¹⁸ Muholi,muholi hateka Iau a taki mua,tahuna mua mu koma bakovi,mua mu roda varikia mu laho na hiningi mua mu ngaru ni lakea vona,pali na tahuna mua mu gare,mua bari mu toto tala milane mua,pali bara viri tara i vakarodoe na varikia pali bari ni boko lakea na hiningi ioe koma o ngaru ni lakea vona." ¹⁹ Ngane e Isu i taki ra hininga ne vona ge vakasiria ara ni mate e Pita ge vakabagetua e Deo.Muri ia i taki ra hininga, ia i takia e Pita,"Muri nau." ²⁰ Pita i puloa pali mataia a murimuri vona erei e Isu i ngaru ni muri ne ria,ra viri erei i doha rike ne Isu na parava ria ri kani na malunga palo erei i tamaea,"Viri Dagi,erei ra viri ge rata hale ioe?" ²¹ Pita i mataia pali takia e Isu,"Viri Dagi,ara maki ge ratea ra bakovi iea?" ²² Isu i takia maea,"Ge Iau a ngarua ge made vano na tahuna Iau ga valai,ara maki ioe o takia?Muri nau." ²³ Mavonga ra hininga i taki e Isu i tabuli turane tou a maka voravora vona,maea ra murimuri vona iea koma ge mate.Pali e Isu koma i takia e Pita maea a murimuri ranga koma rigi mate, uka,"Ge Iau a ngarua ge made vano na tahuna Iau ga valai,ara makea ne vomu?" ²⁴ Ia ra murimuri erei i taki talea ra hininga, pali erei i herea ra hininga, pali si palala maea ia i ta muholi. ²⁵ I tahoka ranga maki kupo irata e Isu.aGe takutaku nigi here puru,Ri Iau maea a malala tara koma ge karea ra buk nigi here.