¹ Isu i sike na lolo e Oliv. ² Na hetelanga ia i valai tabu na tempel, pali e huriki a bakovi a ngatavine ri valai;Isu i made puru pali vara ria. ³ Huriki a bakovi ni tatami a Parisi ri bolea tara ngatavine ni rata naro i molenga i valai.Ria ri bolea ri rua na kurukurune huriki a bakovi a ngatavine. ⁴ Muri ria ri takia maea,"Vinara,ra ngatavine iea ni lakavu na naro na molenga. ⁵ Pali na lo,Moses i taki mia maea migi padi na kedo re huriki ri rata naro meae;ara go takia vona ra ngatavine iea?" ⁶ Ria ri taki ra hininga ri ngaru ni tonia mavonga ria bari taki halea,pali e Isu i lolu puru na malala pali here na limana. ⁷ Tahuna ria ri nanea na maka ni nana,Isu i pesi rike i taki ria,"Erei ne mua koma i rata sin,ia ge padi mugea na kedo ra ngatavine iea. " ⁸ Muri tabu e Isu i lolu puru na malalal pali here na limana. ⁹ Na tahuna ria ri longo ra hininga,ria ri vano takutaku,vakatubu ne huriki a viri dagi.Pali ri pea e Isu ia kikeri,turana ra ngatavine iea. ¹⁰ Isu i takia i tamaea,"Ngatavine, ri loko valai e huriki ri rata hale ioe?I tahoka tara i koia ge rata hale ioe?" ¹¹ Ngatavine i kolia e Isu i tamaea,"Uka tara,O Viri Dagi."Pali e Isu i takia maea"Iau koma ga rata hale ioe.O vano pali nahani sin tabu." ¹² Muri tabu e Isu i ta turane ria,i tamaea,"Iau a ni para na malala;erei i ramai Iau ia koma ge laho na uvo pali ia bari tahoka ni para na ni mahuri vona." ¹³ Pali e huriki a Parisi ri takia maea,"Ri ioe o tata mule vomu;ara maki o taki koma i muholi." ¹⁴ E Isu i koli i taki ria maea,"Mavonga i Iau a tata mule ne nau,ara maki Iau a taki i muholi.Iau a palala vona hiningi Iau a valai vona pali a hiningi bara lakea vona,pali mua koma mu palala vona hiningi Iau a valai vona pali a hiningi Iau bara lakea vona. ¹⁵ Mua mu luhoikado ramaia narona bakovi;Iau koma luhoikadoa tara bakovi. ¹⁶ Mavonga i Iau ga luhoikado a bakovi, ni luhoikado nau bari muholi na ra kimi Iau kikeri,Iau turane tata erei i rudu Iau. ¹⁷ Pali,ni here na lo maea a bakovi i ala rua ru taki a ngava i muholi. 8 Iau a taki mula ngava ne nau,pali e Tata erei i rudu Iau ga vaka siri mule Iau." ¹⁹ Ria ri takia maea,"Ia vai e Tamamu?"Pali e Isu i koli i tamaea,"Mua mu palala nau mua mu palala ne Tata;Mavonga mua mu palala nau,mua ranga mu palala ne Tata." ²⁰ Isu i taki ra maka ngava nga pololilo na murina ni habi na tempel, pali uka tara viri ge nugu tatea ara koma i bele ma parava vona ²¹ Muri tabu i taki ria maea,"Iau bara vano;bari mu matakanau pali bari mu mate na sin mua.Ivai a hiningi Iau a lakea vona,mua koma mugu valai." ²² Pali a maka Juda ri tamaea," Ge bimate mulea?Ra hininga ia i taki,'Ivai a hiningi Iau a lakea vona mua koma mugu valai'?" ²³ Isu i taki ria maea,"Mua bakovi polotano;Iau a valai polomeli.Mua bakovi vona ra malala iea;Iau koma bakovi vona ra malala iea. ²⁴ Mavonga, Iau a taki mua maea mua bari mu mate na sin mua.Tahuna mua koma mu luhoi tora ne nau maea i Iau,m7a bari mu mate na sin mua." ²⁵ Ria ri takia maea,"Ioe erei?"Isui koli i taki ria maea,"Ara maki Iau a taki mua hosi. ²⁶ I kupo a maki Iau taga ta vona pali ni luhoikado mua vona.Mavonga,erei i rudu Iau i muholi;pali a virika maki Iau a longo vona,re virika maki nga a taka malala vona." ²⁷ Ria koma ri palala vona maea ia i takia ria vona e Tamana. ²⁸ Isu i tamaea,"Na tahuna mua mu kavurikea e Tuna Bakovi, muri mua bari mu palala maea Iau,pali maea Iau koma rata maki na ni tora nau.Manga e Tata i vara Iau,Iau a taki re hininga. ²⁹ Erei i rudu Iau ia i turagu,pali koma i pea Iau, na ra Iau vakaroro a rata maki ia i vivi vona." ³⁰ Tahuna e Isu i taki ra hininga,kupo e huriki ri luhoi tora vona. ³¹ Isu i taki a maka Juda erei ri luhoi tora vona maea,"Tahuna mua mu made pololilo na ngava,muri muholi mua disaipel nau; ³² pali mua bari mua palala vona ni ta muholi,pali a ni ta muholi bari vaka made kamumu mua." ³³ Pali ria ri kolia ri tamaea,"Mia e tubune Abraham pali koma mi vora na viri tara ma;navai o tamaea,'Mua bari mu made kamumu'?" ³⁴ Isu i koli ria maea,Muholi,muholi hateka,Iau a taki mua,huriki lobo ri rata sin ia i vora na sin. ³⁵ A voravora koma i made tata na ruma na parava vakaroro;Pali a koma i made tata na ruma vakaroro. ³⁶ Mavonga,e Tuna ge vaka made kamumu mua,muholi mua bari mu made kamumu. ³⁷ Iau a palala maia mua mu valai na tubuna e Abraham;mu matakanau mugu bimate Iau na ra a ngavagu i uka murina pololilo ne mua. ³⁸ Iau a taki ara Iau a matai turana e Tata,pali mua ranga mu rata ara maki mu matai ne tamane mua" ³⁹ Ria ri koli ri tamaea,"E tamane mia e Abraham."Isu i taki ria maea,"Ge mua e tune Abraham,mua bari mu rata leho e Abraham. ⁴⁰ Pali,ngane mu matakanau ni bimatau,a bakovi i taki mua na ni ta muholi maea Iau a longoa ne Deo.Abraham koma i rata ra hininga. ⁴¹ mua mu rata leho ne tamane mua."Ria ri takia maea,"Mia koma mi bele na naro na molenga;Mia mi tahoka e Tamane mia i taku:E Deo." ⁴² Isu i taki ria maea,"Ge Deo ge ia e Tamane mua,mua bari mu ngarua, nara Iau a valai ne Deo pali Iau koia;nara Iau koma valai na ni luhoi nau,ia i rudu Iau. ⁴³ I navai koma mu palala vona ngava nau. ⁴⁴ Mua e tune tamane mua,a hanitu,pali mu ngaru ni ramaia ni ngaru e tamane mua.Ia i bimate a viri hosi pali koma i pesi na ni ta muholi nara i uka ni ta muholi pololilo vona.Na tahuna ia i ta ia i taka ngava i tatami kunana ia i ta i ramaia narona nara ia bakovi ni tatami pali ia tamana ni tatami. ⁴⁵ Pali,nara Iau a taka ngava i muholi,mua koma mu luhoi tora ne nau. ⁴⁶ Ne rei mua ge taki Iau maea muholi Iau a sin? Pali Iau a ta muholi,I navai koma mu luhoi tora ne nau? ⁴⁷ Erei ia ne Deo bari longoz ngavane Deo; mua koma mu longoa ne ria nara mua koma mua ne Deo." ⁴⁸ A maka Juda ri kolia pali ri takia maea,"Mia koma mi muholi ni tamaea ioe a Samaritan pali o tahoka dimon,Iau a luhoi dagi hatekea ea Tata,pali mua koma mu luhoi dagi Iau. ⁵⁰ Iau koma matakanea bagetunga nau;i tahoka tara viri i matakanea pali luhoikadoa. ⁵¹ Muholi,muholi hateka,Iau a taki mua,Ge tara ne mua i matakari kamumua ngavagu,ia koma ge mataia ni mate." ⁵² A maka Juda ri takia maea,"Ngane mi palala maea ioe o tahoka dimon.E Abraham turana maka propet ri mate; pali ioe o tamaea,'Ge tara ne mua i matakari kamumua ngavagu,ia koma ge hatakia ni mate,' ⁵³ Ioe koma o dagi ne tamamu e Abraham erei i mate,pali ioe? A maka propet ria ranga ri mate.Ioe erei ke?" ⁵⁴ Isu i koli,"Gi Iau a vakabagetuanga mule Iau,ra bagetuanga nau a maki tavula;e Tata kunana ia bari vaka bagetu Iau vona ra viri erei mua mu taki maea ia e Deo mua. ⁵⁵ Mua koma mu palala vona,pali Iau a palala vona,Ge Iau a tamaea,Iau koma palala vona,'Iau bara tatami,manga mua,Mavonga, Iau a palala vona pali a matakaria ngavana. ⁵⁶ E tamane mua e Abraham i vivi ni mataia parava nau;ia i mataia pali ia i vivi." ⁵⁷ A maka Juda ri takia maea,"Ioe koma o made ma na pida ge 50,pali o mataia e Abraham?" ⁵⁸ Isu i taki ria maea,"Muholi,Iau a taki mua,muga ne Abraham ge bele,Iau." ⁵⁹ Muri ri bole rike a maka kedo rigi padia vona,pali e Isu i kapiloho i pagi tala na tempel.