¹ Muri vona ra hininga Isu i laho pololilo o Galili,na ra ia i koi ni dili o Judia na ra e huriki a Juda ri mata kanea ni bimatea. ² Ngane a parava na vaponga na ruma ne huriki a Juda i valai tabukoi. ³ E huriki a Turana ri takia maea,"O hataroa ra tanga iea pali o lakea o Judia,mavonga e huriki a murimuri vomu ranga rigi mataia leho ioe o rata. ⁴ I uka tara viri i rata maki ge kapi lohoge ia ge ngaru ni bele kava.Ge ioe i rta ra hininga, vakasiri ioe na malala." ⁵ E huriki e turana ranga koma ri luhoi tora ne vona. ⁶ Mavonga e Isu i taki ria maea,"A parave ne nau koma i bele ma,pali mua a parava ne mua i tabuli vakaroro. ⁷ A malala koma ge koi mua,pali i koi nau na ra Iau a taki talea maea e virika leho vona i hanitu kunana. ⁸ Mu sike lakea na vaponga;Iau koma ga lakea vona ra vaponga iea na ra a parava nau koma vakaloboa ma." ⁹ Muri ne vona i taki ra hininga ne ria,ia i made o Galili. ¹⁰ Na parava e huriki a turana i sike na vaponga,muri ia tara i sike,pali koma i laho kava i laho kapiloho. ¹¹ E huriki a Juda ri mata kanea na murina vaponga pali ri tamaea,"Ia vai?" ¹² Pali kupo hateka maka ni nana mule ne ria maka kabuna bakovi a ngatavine ne vona.Ranga ri tamaea,"Ia bakovi kamumu."Pali ranga ri tamaea,"Uka,ia i vakalobo a maka gilanga ne huriki a bakovi a ngatavine. " ¹³ Pali uka tara viri ge ta kamumu turana na ra ri mangenge ne huriki a Juda. ¹⁴ Na tahuna a vaponga i tabukoi ge lobo,E Isu i sike na tempel pali vaka tubu ni vara. ¹⁵ Pali a maka Juda ri turutu,ri tamaea,"I navai ra bakovi iea i palala hateka?Ia koma i bola ni vara." ¹⁶ Pali e Isu i koli ria pali tamaea,"Ni vara ne nau koma ne nau,pali ne vona viri ia i rudu Iau. ¹⁷ Pali tahoka tara i ngaru ni ramaia ni luhoi vona,ia bari palala vona ni vara vona,maea i vali ne Deo, o Iau a ta mule ne nau. ¹⁸ Erei a viri i ta mule ne vona ia i matakana mulea bagetunga vona,pali erei a viri i matakanea bagetunga vona erei i rudua,ra bakovi iea i muholi,pali bari uka ni tatami pololilo vona. ¹⁹ E Moses koma i haba lo ne mua?Pali uka tara ne mua ge ramaia lo.I navai mu matakanau ni bimate Iau?" ²⁰ Pali e hurikia kabuna bakovi a ngatavine ri kolia maea,"Ioe o tahoka spirit hale. Erei i matakanoe ge bimatoe?" ²¹ Isu i koli i taki ria maea,"Iau koma leho,pali mua lobo mu turutu na ra ia . ²² E Moses i habia mua ni pala kuli(koma ne vona viri habia e Moses,pali ne huriki a hamone ria),pali na Sabat mua mu pala kulina bakovi. ²³ I navai tara bakovi ni pala kulina na Sabatmavonga a lo e Moses koma ni ramai,i navai mua tamudi hale turagu na ra Iau a ratea bakovi kamumu hateka na Sabat? ²⁴ Mu nahani luhoi a naro,pali mu luhoi kadoa ni naro malimali." ²⁵ Pali ranga ne ria ri valai o Jerusalem ri tamaea,"Koma ne vona viri ni matakana nigi bimate? ²⁶ Masia,ia i ta kamumu,pali ria ri uka ngava rigi takia vona.Koma ge mavonga maea e huriki a mugamuga ri palala maea ia e Kristo,ge ia? ²⁷ Pali mia mi palala vona hiningi i valai vona ra bakovi iea." ²⁸ Muri e Isui tangi tala pololilo na tempel, i vara i tamaea,"Mua lobo mu palala nau pali mu palala vona hiningi Iau a valai vona.Iau koma valai na ni luhoi nau,a virierei i rudu Iau i muholi,pali mua koma mu palala vona. ²⁹ Iau a palala vona na ra Iau a valai vona pali ia i rudu Iau." ³⁰ Ria ri toni ni lakavula,pali uka tara viri ge ruka limana vona na ra a parava vona koma i valai ma. ³¹ Pali kupo pololilo na kabuna bakovi a ngatavine ri luhoi tora ne vona,pali ri tamaea,"Na tahuna e Kristo ge valai,ia ge rata kilakila ge kupo vona ara maki i rata e verea?" ³² Huriki a Parisi ri longoa e huriki a bakovi a ngatavine ri ta kiroko ne ria vona ra hininga i taki e Isu,pali e huriki a mugamuga na Prist a Parisi ri rudu a maka opisa rigi lakavua. ³³ Isu muri i taki ria maea,"Iau a tabana ni turane mua na parava koma i kupo,pali muri Iau bara lakea ne vona viri i rudu Iau. ³⁴ Mua bari mu matakanau pali koma mugu matavisi Iau;I valai a hini a lakea vona,mua koma mu kara ni valai vona." ³⁵ Pali e huriki a Juda ri ta mule ne ria maea,"Ivai a hiningi ge lakea vona ra bakovi iea mavonga koma i kara ne hita sigi matavisia? Ia mege sike turana maka Grik ge vara ria vonga? ³⁶ Ara vuhuna ra ngava iea,' Mua bari mu matakanau pali koma mugu matai Iau; ivai a hiningi Iau a lakea vona,mua koma mu kara ni valai vona'?" ³⁷ Ngane na ni lobo, na parava dagi na vaponga,Isu i pesi i ta dagi,i tamaea,"I tara viri i marohu,rua ge valai nau ge ninu. ³⁸ erei i luhoi tora ne nau,manga hiningi i taki a buk e Deo,a naru ni mahuri bari tua na tamudina." ³⁹ Isu i tata ne Hanu kiripiripi,erei i luhoi tora ne Deo bari bolea;e Hunu kiripiripi koma i valai ma nara e Isu koma ni gamai ma. ⁴⁰ Ranga e hurika a bakovi a ngatavine, na tahuna ri longa ra virika ngava nga,i tamaea,"Muholi hateka ra bakovi iea ia propet. " ⁴¹ Pali ranga ri tamaea,"Ra bakovi ia e Kristo."Pali ranga ri tamaea e Kristo i valai o Galili? ⁴² A ngavane Deo koma i ta kava maea e Kristo ge bele na hamone Devit o Betlehem,a tanga i dagi vona e Devit ⁴³ Mavonga e huriki a bakovi a ngatavine ri luhoi lege lae pali ri vapida ne ria nara vona ra maka maki i rata e Isu. ⁴⁵ Muri a maka opisa ri hamule na maka mugamuga na prist a Parisi, erei i taki tou,"I navai koma mu bole vilia?" ⁴⁶ Pali a kama opisa ri koli,"I uka tara bakovi ge ta manga ia." ⁴⁷ Pali a maka Parisi ri koli ria ri tamaea,"Matou ranga moto boru pali na maka ngava tatami vona? ⁴⁸ I tahoka ranga mugamuga o ranga Parisi ri luhoi tora vona pali? ⁴⁹ Pali re huriki a bakovi a ngatavine nga koma ri palala na lo,ria ri made turana halenga." ⁵⁰ Nikodemas(Tara Parisi, erei i valai vona hosi)ia i taki tou, ⁵¹ "A lo ne teu i luhoi kado a bakovi muga bari longoa ngavana pali palala vona ara maki ia i ratea?" ⁵² Ria ri koli pali ri takia maea,"Ioe tara ioe a Galili? Mu matakane pali mu matai maea i uka tara propet ge valai o Galili," ⁵³ Muri e huriki a bakovi a ngatavine ri vano ri lakea na ruma ne ria.