¹ Muri na maka maki nga,Isu i lakea na tabekena lomu tara iea o Galili,a ranga tara a darine Tiberias. ² I kupo hateka maka bakovi a ngatavine ri muri vona na rana ri matai maka mirakel i rata e Isu i vaka mahuri maka bakovi ri giloa. ³ Isu i sike na lolo i made turana maka murimuri vona. ⁴ (Na parava dagi na Pasova,a parava na maki ni kani na maka Juda i valai tabukoi.) ⁵ Tahuna e Isu i matai maka tara dagi a bakovi a ngatavine ri leho ni valai,lakea i takia e Filip,"Tege kona vai a bret ge kani maka bakovi a ngatavine rigi kani?" ⁶ ( Isu i nanea e Filip ge tonia,pali ia i lohoka vona ara maki ia bari ratea.) ⁷ Lakea e Filip i koli maea ngavana,"Re teu tege kona bret na silva koins ge 200 i kara hita sigi habi takutaku na maka bakovi a ngatavine ri vapopo koea." ⁸ "Tara na maka murimuri,e, Andru,e turane Saimon Pita,i taki maea e Isu, ⁹ Tara koma koea i tahoka a bret i lima ni rata na bali turana manu i rua.I kupo hateka maka bakovi a ngatavine ri made ra maki ni kani nga ge kori navai hita? ¹⁰ Isu i ta,"Taki maka bakovi a ngatavine."I kupo maka kukuni vona hini nga.Lakea maka bakovi a ngatavine ri made,ni gi ne ria i bele maea 5,000. ¹¹ Isu i bole maka bret i ta kamumu ne Deo pali lakea ia i habi na maka bakovi a ngatavine ri made.Muri i bole a manu i rata manga hini i veru,ri tahoka i kupo ni kani. ¹² Tahuna ri kani ri maru pali,Isu i taki maka murimuri,"Ru kadolu maka kalavana bret,nahani ge tabuli tavula." ¹³ Mavonga ri ru palupu ri tahoni a kolopi i ravulu a polona i rua vona ra kalvana bret nag i lima i tabuli mule koma ni kani. ¹⁴ Muri,na tahuna huriki a bakovi a ngatavine ri matai ra hininga i rata,ria ri tamaia,"Muholi hateka ia propet erei i valai na malala." ¹⁵ Na tahuna e Isu i i palala maia ria ri valai ni nugu tatea ni vakukua ge bele manga king ne ria,ia i velu tabu i sike na lolo kerikeri. ¹⁶ Tahuna i malunga hiningi, huriki a murimuri vona ri puru na dari. ¹⁷ ri dili na aka,pali ri lakea o Keperneam.Vona ra parava ia a uvo,pali e Isu koma i puru valai ma ne tou. ¹⁸ Pali pori a vilu dagi,pali a dari i vaka tubu ni kule. ¹⁹ Tahuna to vore pali na 20 kilomita o na 30 kilomita,tou to masia e Isu i laho langa na dari pali valai tabukoi na aga,pali tou to mangenge. ²⁰ Mavonga e Isu i taki tou maea, "I Iau!Nahani mangenge. " ²¹ Muri tou to ngaru ni bole rikea na aga e Isu,pali koma i tabaka to bele na hiningi tou to go lakea vona. ²² Muri na parava tara, e huriki a kabuna bakovi a ngatavine ri pesi na gaga tara na dari ri matai maea i uka tara aga a aga kunana i taku,ra aga koma i rike vona e Isu e huriki a murimuri vona kunana ri rike vona ri vano. ²³ Pali mavonga,i tahoka ranga aga ri valai o Tiberias tabukoi vona ra hiningi ria ri kana bret muri ne Viri Dagi i ta kamumu vona ²⁴ Na tahuna e huriki a bakovi a ngatavine ri matai maea uka e Isu o a murimuri vona re hurika aga nga,ria ri rike na aga ri lakea o Keperneam ri mata kanea e Isu. ²⁵ Muri ne ria ri matavisia na gagana dari tara,ria ri nanea,"?Rabbi,na ra parava o valai koia?" ²⁶ Pali e Isu i koli ria,i tamaea"Muholi,muholi hateka mu mata kanau,koma na ara mua mu matai a maka mirakel Iau a rata,pali na ara mua mu kana bret pali mu maru. ²⁷ Na ni leho na maki ni kani bari lobo,pali mu leho na maki ni kani bari haba ni mahuri malaku ere bari habia vomu e Tuna Bakovi,na ra e Deo e Tamana i habia vona ni tora." ²⁸ Muri ri takia e Isu maea,"Ara migi ratea,pali mia migi rata leho ne Deo?" ²⁹ Isu i koli pali taki ria maea,"Lehone Deo i maea:Mu luhoi torea a viri erei i rudua e Deo i valai ne mua." ³⁰ Pali mavonga ria ri takia maea,"Ara kilakila ioe go ratea,migi mataia pali migi lihoi tora ne vomu?Ara go ratea? ³¹ Huriki a tamara ne mia ri kana mana na tanga tavula,manga hiningi ni here na buk,'Deo i haba bret na hunu ne ria ri kani". ³² Muri e Isu ikoli ria maea,"Muholi,muholi hateka,koma e Moses a viri i haba bret ne mua i valai na hunu,e tata i habi ne mua a bret muholi i valai na hunu. ³³ A bret e Deo i pea hunu i puru valai na ni habia ni mahuri ne huriki a bakovi a ngatavine na malala." ³⁴ pali ria ri takia ri tamaea,"Viri Dagi,o habia mateu ra bret ia vakaroro." ³⁵ Isu i taki ria i tamaea,"Iau a bret na ni mahuri;erei i valai ne nau koma ge vitolo,pali erei i luhoi tora ne nau ia koma ge marohu. ³⁶ Mavonga Iau a taki matou maea mua mu matai Iau,pali mua koma mu luhoi tora ne nau. ³⁷ Huriki a bakovi a ngatavine i habi e tata ne nau bari valai ne nau,pali erei i valai ne nau Iau koma ga tono tala ria. ³⁸ Iau a puru valai na hunu,koma na ni luhoi ne nau,pali na ni luhoi na viri erei i rudu Iau. ³⁹ Ra makea ni luhoi na viri erei i rudu Iau,ga nahani pea tara bakovi o a ngatavine vona ra viri ia i habi ne nau,pali bari vaka hadongo rike na ni lobo na parava. ⁴⁰ Ia ni luhoi ne Tata,mavonga e huriki lobo erei i mataia e Tuna pali luhoi tora ne vona ia bari bolea ni mahuri malaku pali bari vaka hadongo mulea na ni lobo na parava." ⁴¹ Muri e huriki a Juda ri vagege lae vona na ra maki i taki e Isu na ra ia i tamaea,"Iau a bret i puru valai na hunu." ⁴² Ria ri tamaea,"Re Isu e Tune Josep,erei e tamana e kinana si palala ne rua?pali i navai i takia maea,'Iau a puru valai na hunu?" ⁴³ Isu i koli i taki ria maea,"Mu vulai ni taviliha ne mua. ⁴⁴ I uka tara viri ga kara ni valai ne nau pali ge Tata erei i rudu Iau i bole vilia ne nau,pali Iau bara vaka hadongo mulea na ni lobo na parava. ⁴⁵ Manga hiningi i here a maka propet maea,'Deo bari tovo lobo e huriki a bakovi a ngatavine. 'Huriki a bakovi a ngatavine erei i longoa ni tane Tata bari valai ne nau. ⁴⁶ I uka tara viri ge mataia e Tata,pali erei kunana i valai ne Deo ia kunana i mataia e Tata. ⁴⁷ Muholi,muholi hateka,erei a viri i luhoi tora i i bolea ni mahuri malaku. ⁴⁸ Iau a bret ni mahuri malaku. ⁴⁹ Huriki a tamaramu ri kana mana na tanga tavula,pali riamdi mate. ⁵⁰ Ia ra bret i puru valai na hunu,pali ge kania bakovi ranga pali koma ge mate. ⁵¹ Iau a bret i mahuri i puru valai na hunu.Pali tara viri kani ranga bret,ia bari made vakaroro.A bret Iau bara habi ia kakaigu ne huriki a bakovi a ngatavine rigi mahuri vona ra malala." ⁵² Huriki a Juda ri tamudi hale mule ne ria pali ri vakatubu ni vagege,ri tamaea,"Ge navai ra bakovi iea ge habia ne teu a kakaina sigi kania?" ⁵³ Pali muri e Isu i taki ria maea,"Muholi,muholi hateka,pali ge mua mugu kania ra kakain re Tuna Bakovi pali mu ninua darana,mua bari mu bolea ni mahuri na kakaine mua. ⁵⁴ Erei i kania bobogu pali ninua daragu ia i bolea ni mahuri malaku,pali Iau bara vaka hadongo mulea na ni lobo na parava. ⁵⁵ Na ara a bobogu ia maki ni kani muholi,pali a daragu ia naru muholi. ⁵⁶ Erei i kania bobogu pali ninua daragu ia i made pololilo ne nau,pali Iau ne vona. ⁵⁷ Manga e Tata i made mahuri i rudu Iau,pali manga Iau a mahuri na ra vuna e Tata i made mahuri,mavonga ia erei kani Iau, ia bari made mahuri na ra vuna i Iau a mahuri. ⁵⁸ Ia ra bret i puru valai na hunu,ia koma bret i kani a maka tamara ri mate.Erei i kania ra bret ia bari mahuri malaku." ⁵⁹ Pali e Isu i taki ra hininga pololilo na roho ni vasileki na tahuna ia i vara o Kaperneam. ⁶⁰ Muri kupo a maka murimuri vona erei ri longo ri tamaea,"Koma i palala ra ni vara iea;erei ge ngarua?" ⁶¹ Isu,na ra ia i hataki mulea maea e huriki a murimuri vona ri vataki vona ra hininga, ia i taki ria maea,"Ra hininga taki i rata pilea tamudine mua? ⁶² Ge navai mua mugu masia e Tuna Bakovi ge hamule sike vona hini ia i made vona hosi? ⁶³ E hanu kiripiripi ia i habia ni mahuri;pali a kakaine hita i uka tara maki ge habia.A maka ngava Iau a taki a spirit,pali bari haba ni mahuri ne mua. ⁶⁴ Pali ranga ne mua koma ri luhoi tora ."Na ra Isu hosi ia i palala vona erei a viri bari luhoi torea pali erei bari rata halea. ⁶⁵ Ia i tamaea,"Ne vona kunana ra hininga Iau a taki matou maea i uka tara viri ge valai ne nau nara ia koma i takia e Tata ge valai nau." ⁶⁶ Na ra vona ra hininga, kupo ne huriki a murimuri vona ri hataroa pali koma ri laho turana. ⁶⁷ Muri e Isu i taki ra disaipel vona i 12 maea,"Mua ranga koma mu ngaru ni vano,e?" ⁶⁸ Pali e Saimon Pita i kolia i tamaea,"Viri Dagi,Ne rai mateu metege lakea vona?Ioe o tahoka ngava ni haba ni mahuri malaku, ⁶⁹ pali mia i luhoi tora pali mi palala maea Ioe kunana ra viri kiripiripi i valai ne Deo." ⁷⁰ Isu i taki tou maea,"Iau a pasi matou, ala 12,pali tara ne matou ia spirit hale?" ⁷¹ E Isu i takia e Judas tune Saimon Iskariot,ia tara na maka murimuri vona i ala 12,erei bari habia e Isu na limana pilea.