¹ Muri na hini nga i tahoka tara parava dagi na lotu na maka Juda i bele iea o Jerusalem. ² Na hini nga pololilo o Jerusalem i tahoka tara lomu,i tabuli na ni hebi dagi na Sipsip.Na ni tana maka Hibru ni gale e Betseda,na hini nga i tahoka verenda kiroko i lima i tahoka a ni hebi i tabuli. ³ I tahoka ni gi na maka bakovi a ngatavine erei ri giloa, kepa,turana maka vaha hale i kupo maka bakovi a ngatavine kama ri kara ni laho ri mahita na kiri na gilanga ⁵ Lakea i tahoka tara bakovi i made vona hini nga erei i tahoka gilanga i vano na pida i 38-pela. ⁶ Na tahuna i masia e Isu ia i mata kilala maea ra bakovi i mahita tabaka vona hini nga,Lakea e Isu i nana maea ia,"Ioe o ngaru ni mahuri?" ⁷ Lakea bakovi i giloa i koli maea,"Bakovidagi,i uka tara bakovi ge kara ni ru dili iau vona lomu na parava a naru i rere rike valai.Tahuna iau a toni ni lokovonga,tara i muga iau." ⁸ Lakea e Isu i takia,"Pesirike,o bolea moke vomu o laho." ⁹ Lakea i malaviriri kunana i mahuri ra bakovi iea,i bolea moke vona i laho.Ra tahuna iea a para na Sabat. ¹⁰ Lakea maka hetman na maka Juda ri takia,Ra makea parava na Sabat,nahani bolea moke vomu go laho i tambu." ¹¹ Lakea i koli a ngava i ta,"Bakovi i vaka mahuri iau i takau,'Ga bolea moke nau ga laho." ¹² Lakea ri nana tabua,"Erei ra bakovi iea i takoe,'Go bolea kiri vomu go laho?" ¹³ Pali ra bakovi erei ni vaka mahuri ia kama i pala vona Isu ia erei,na rana i kupo maka bakovi a ngatavine ri vonu hateka,na tanga iea lakea e Isu i pea tou i vango ¹⁴ Pali i muri,i masia e Isu pololilo na tempel lakea i takia,"Longo ioe o mahuri pali! O nahani rata tabu a sin,mege bele vomu a maki hale liu hateka." ¹⁵ Lakea muri ra bakovi iea i vano i taki maka hetman na maka Juda maea Isu kunana i vaka mahuria iau. ¹⁶ Ngane na maka naro nga kunana maka hetman na maka Juda ri rata halea e Isu,na rana ia i rata maka hini nga na parava na Sabat. ¹⁷ Lakea e Isu i taki ria,"Tata i tabana ni leho,lakea,Iau,tara bara leho." ¹⁸ Na maka maki kunana nga maka Juda ri matakana dala ni rabalakia na rana kama i longo taro a parava na Sabat kunana,uka ia i galea e Deo ta e Tamana,Ia kunana i ratea i palupu manga kunana e Deo. ¹⁹ Lakea e Isu i koli maea ngavane ria,"Muholi hateka,koma kama ge rata tavulea na ni ngaru vona tara maki,pali i uka,ia i matai ara i ratea e Tamana,koma tara bari rata. ²⁰ Na rana e Tamana i ngarua koma masia i vakasiri lobo vona maka maki ia kunana bari rata,lakea ia bari vakasiri ia na maka maki dagi biri polotaro maka maki nga bara mu turutu mua. ²¹ Manga e Tata i kara ni vaka mahuri hurika bakovi ri mate bari haba ni mahuri ne ria,manga kunana koma tara bari haba ni mahuri na maka bakovi ia i ngaru. ²² Tata kama i kara ni luhoi kado tara bakovi,uka ia i habia ne Tuna a naro ni luhoikado ²³ Pali huriki lobo bara ri habia na koma ranga i dagi i manga kunana ri habia ne tamana.Pali erei kama i habia ne tuna ranga ge dagi e tamana tara kama ni habi vona ranga ge dagi ia i rudua i puru valai. ²⁴ Muholi hateka bakovi erei i longoa ngavagu i luhoitora na bakovi erei i rudau a puru valai,ia bari bolea ni mahuri vakaroro vakaroro ia bara i polotaroa kot, e Deo turana ni mate lakea bari bole a ni mahuri. ²⁵ Muholi hateka,a parava i leho ni valai,lakea i valai pali,maka bakovi ri mate bara ri longoa ngavagu iau e Tune Deo.Erei ri longoa bara ri made mahuri. ²⁶ Tata i tahoka ni mahuri pololilo mule ne vona kunana,lakea i habia ra ni mahuri iea e Tuna tara bari tahoka ni mahuri palupu pololilo mule ne vona kunana, ²⁷ Lakea e tamana i habia vona pede ni rata leho na naro ni luhoikado maka bakovi a ngatavine i lakea ne tuna na rana ra koma iea ia Tuna Bakovi. ²⁸ Ioe nahani turutu hale vona hini nga,i tahoka hini i valai erei maka bakovi a ngatavine ri mate ri tabuli pololilo na matmat bara ri longoa lohona ²⁹ Bara ri pagitala na matmat:Maka bakovi ri rata naro kamumu bara ri mahuri mule,bara ri pesi na kot e Deo. ³⁰ Iau kama ga ratea na ni ngaru nau tara maki,na tahuna iau a longo,iau a luhoikado i malimali.Na rana,kama matai a ni ngaru nau kunana,iau a matai a ni ngaru na bakovi i rudau a valai. ³¹ Pali ri iau ga takitala testimoni nau kunana kama ge muholi. ³² Pali i tahoka tara bakovi made erei i lohoka nau,i vaka longo iau,i muholi. ³³ Ri rudu ioe o lakea ne Jon,ia i takitala ioe na ngava muholi. ³⁴ Pali kama bole na bakovi ra maka ngava nga.Iau a taki maea mua bara mu bole a ni mahuri. ³⁵ Jon i manga lam ni ngami ge haba ni para mua mu vivi papote kunana vona ra ni para iea. ³⁶ Pali ranga i redea e Jon,ia i takitala iau ngane,ra maka leho nga re Tata i habi nau ni rata ni vaka lobo.Ra maka leho nga iau a kara ni rata ni ta tala kamumu na maka bakovi a ngatavine maea,I rudau e Tata a puru valai. ³⁷ Tata erei i rudau ia i takitala iau.Pali ioe kama o longoa lohona lakea kama o masia matana na parava tara. ³⁸ Nitana kama i tabuli pololilo ne vomu,pali kama o luhoitora vona bakovi erei i rudu vilia. ³⁹ Mua mu luhoi ni vorokana maka ni tane Deo ni bole a ni mahuri vakaroro vakaroro pali ra maka ngava nga i takitala iau, ⁴⁰ lakea kama mu ngaru ni valai ne nau ni bolea ni mahuri i tabuli vakaroro. ⁴¹ Iau kama ngaru a bakovi ge ratea ragu ge dagi, ⁴² Pali iau a pala maea mu uka ni ngaru ne Deo ge pololilo ne mua kunana. ⁴³ Iau a valai na rane tata nahani mugu bole iau.Pali ra bakovi tara ge valai mule na ranga kunana, mugu kara ni bolea. ⁴⁴ Mugu luhoitora navai,mua maka bakovi i dagi bala rane mua na viri ranga,pali mua kama mu ngaru ni matakana ramu ge dagi pololilo ne Deo i taku kunana? ⁴⁵ Mu nahani luhoi maea iau ga kotim mua na matane Tata.I tahoka tara bakovi i made bari kotim ioe ne Moses.Erei o luhoi ge kori ioe. ⁴⁶ Pali re mua mu luhoitora ne Moses,pali lakea iau tara bara mu luhoitora na ngavagu.Na rana ia i luhoi iau i here maka ngava ne nau. ⁴⁷ Pali ri ioe kama o luhoitora na maka ngava ia i herea,ge navai ioe go luhoitora na maka ngavagu?"