¹ Tahuna e Isu i lohoka maea maka Farisi ri longoa ngava i kupo maka bakovi i rata ri bele manga murimuri lakea ia i baptaisim maka bakovi i kupo i rede a ni gi na maka murimuri ne Jon( ² Pali e Isu kama i baptaisim maka bakovi,maka murimuri vona ria viri ri baptaisim ria.) ³ Ia i pea e distrik Judia i lakea o distrik Galili. ⁴ Ia i laho lakea na palane Samaria. ⁵ Ia i bele na tanga dagi iea o Samaria,ri galea e Sikar,Ia i tabuli tabukoi na malala e Jekop i habia ne tuna e Josep. ⁶ Hul wara ne Jekop i tabuli vona hini nga.Isu i laho valai i uka ni tora lakea i made tabukoi vona ra hul wara iea.I lakea maea na 12 kilok belo. ⁷ Tara ngatavine iea o Samaria i valai ni kiru a naru,lakea e Isu i taki maea ia,"Habi nau ranga naru ga ninu." ⁸ Maka murimuri vona ri lakea pali na tanga dagi ni kona maki ni kani. ⁹ Ngatavine iea o Samaria i taki maea e Isu,"Navai ioe a bakovi,o Juda, o nana iau, a ngatavine o Samaria,ni haba naru vomu go ninu?" ¹⁰ Lakea e Isu i koli mulea ngavana,"Pali ri ioe o lohoka na presen e Deo, lakea go lohoka vona ra bakovi erei i takoe,'habia nau a naru ga ninu,'Ioe go kara ni nanea ge habia vomu a naru i tahoka ni mahuri." ¹¹ Ngatavine i koli mulea ngavana,"Bakovidagi,ioe o uka baket ra naru iea i polotano hateka.Ioe go bolea vai ra naru i tahoka ni mahuri? ¹² Ioe o luhoi navai o dagi,o redea,e tamane mia e Jekop,ia i habia mia ra hul wara ia turane huriki e tuna maka bulmakau ranga mia lobo mi ninu vona ra naru iea?" ¹³ Isu i koli mulea ngavana,"Maka bakovi erei ri ninu vona ra hul wara iea bara ri marohu tabu, ¹⁴ Pali erei i ninu na naru iea iau ga habia vona kama ge marohu tabu.Pali a naru ga habia,ia biri bele manga hul wara pololilo vona,ra naru iea biri bele vakaroro bari haba ni mahuri i tabuli kamumu vakaroro." ¹⁵ Ra ngatavine iea i takia,"Viridagi,ioe o habia nau ra naru iau kama ga marohu tabu kama ga hamule tabu ni kiru koea." ¹⁶ Isu i takia ra ngatavine,"Vano, o galea e girihimu,o hamule valai koea." ¹⁷ Ngatavine i kolia ngavana,"Iau a uka e girihigu."Isu i koli mulea ngavana i ta maea,"Ioe o ta muholi maea ioe o uka e girihimu,' ¹⁸ ioe o parani na bakovi i ala lima,a bakovi o parani vona ngane kama e girihimu.Ioe o ta muholi." ¹⁹ Ngatavine i takia,"Viridagi,ngane iau a pala vomu ioe tara profet. ²⁰ Make tamane mia ri kara ni lotu meli na lolo,pali mua mu ta maea,Jerusalem a tanga na maka bakovi a ngatavine rigi rata ni lotu vona erei i ta malimali." ²¹ Isu i takia,"Ngatavine,ioe o luhoitora iau,parava bari bele kama mugu lotu ne Tata na lolo iea o Jerusalem . ²² Mua mu lotu na maki kama mu pala vona.Mia mi lotu na maki mi pala vona,na rana leho ni bole mule maka bakovi a ngatavine i valai na maka Juda ²³ I maea,a parava bari valai i bele pali,maka bakovi a ngatavine ri ngaru ni lotu muholi bara ri lotu ne Tata na Hanu Kiripiripi na naro ge muholi,Tata i matakana maka bakovi a ngatavine maea rigi lotu vona. ²⁴ Deo ia Spirit bakovi a ngatavine i ngaru ni lotu vona rigi lotu na Spirit na naro ge muholi." ²⁵ Lakea ngatavine i takia,"Iau a lohoka Mesaia bari valai(ni gale e Kristo).Parava ia bari valai,ia bari taki mia vona maki lobo." ²⁶ Isu i takia ra ngatavine iea,"Iau kunana ngane ra verea ta turamu." ²⁷ Na parava iea maka murimuri vona ri hamule.Ri luhoi lege na rana navai i ta turana ngatavine,pali i uka tara ge nanea,"Ara o ngarua?"O"Navai o ta turana?" ²⁸ Lakea ra ngatavine iea i pea a baket na naru vona,i hamule lakea na tanga dagi,lakea i taki maka bakovi a ngatavine, ²⁹ "Valai,mu masia tara bakovi i takau vona maka maki iau a rata.Ra bakovi iea ge Kristo kunana?" ³⁰ Ri pea tanga dagi ri valai vona. ³¹ Na parava iea,maka murimuri vona ri,takia,"Vinara,o kani." ³² Pali ia i taki maea ria,"Iau a tahoka maki ni kani kama mu pala vona." ³³ Lakea maka murimuri ri ta mule ne ria ri ta maea,"Ge valai tara bakovi i habi a maki ni kani vona?" ³⁴ Lakea e Isu i taki maea ria,"Maki ni kani nau ni muri na ni ngaru ne erei i rudu iau a valai ni vaka loboa leho vona. ³⁵ Mu nahani ta,'I tahoka keva i va i tabana a parava na maki ni kani bari rara?'Iau a taki maea mua,mu mata rike bara mu masia hania,i rara pali a maki ni kani! ³⁶ Erei a bakovi i leho ni bole a maki ni kani ia i bole a mapana ni ru kadolu a maki ni kani ni mahuri ni made kamumu vakaroro,pali erei a bakovi i varo turana bakovi erei bole a maki ni kani rua bara ru vivi palupu. ³⁷ Lakea i muholi hateka ra ngava iea,'Tara bari varo tara biri bole a maki ni kani. ³⁸ Iau a rudu mua ni bole a maki ni kani na hania na hania kama mu leho vonga.Huriki ranga ri leho mu vano mua mu bole a maki ni kani ri lehoa." ³⁹ Kupo maka tara na tanga dagi iea o Samaria ri luhoitora vona ra maka ngavana ra ngatavine,"Ia i takitala lobo maka maki iau a rata." ⁴⁰ Pali na tahuna maka Samaria ri valai vona,ri nanea ge made turane ria na parava ge rua tabu. ⁴¹ Kupo hateka maka tara ri longoa ngavana ri luhoitora vona. ⁴² Ri taki maea ra ngatavine iea,"Mia kama mi longoa ngavamu migi luhoitora uka mia mi longo ngavana mi lohoka,ra bakovi iea kunana bari bole mule maka bakovi a ngatavine na malala." ⁴³ Muri na parava i rua,ia i pea hini nga i lakea o Galili. ⁴⁴ Pali e Isu kunana ia i takitala maea a profet i uka ranga mule na tanga vona. ⁴⁵ Parava ia valai iea o Galili maka tara o Galili ri vivi vona i valai.Na rana ria ranga ri lakea na lotu dagi iea o Jerusalem ri matai maka maki ia i rata vonga na parava iea. ⁴⁶ Isu i bele tabu na tanga dagi e Kana iea o Galili,na tabeke nga ia i puloa naru i bele manga wain.Tara ofisa na king e tuna koma bakovi i tahoka gilanga na tanga dagi iea o Kapenium. ⁴⁷ Ra bakovi iea i longo maea e Isu i pea pali e Juda lakea i valai o Galili,ia i lakea ne Isu i nanea ge valai ge vaka mahuria e kuna i papote ge mate. ⁴⁸ Lakea e Isu i takia,"Ri ioe kama go matai maka mirakel,kama go luhoitora," ⁴⁹ Ofisa na king i takia,"Bakovidagi,puru valai o masia e tugu mege mate." ⁵⁰ Isu i takia"Vango,tumu ia bari mahuri."Ia i luhoitora vona ngava i ratea e Isu,lakea i vango. ⁵¹ Tahuna ia i lalaho puru,maka voravora vona ri valai ri vakorokoro ri taki maea ia,Tumu i mahuri. ⁵² Lakea i nana ria na ara parava ra koma iea i mahuri?Lakea ri koli maea ngava,"Ravi na wan kilok ra gilanga iea i pea." ⁵³ Tamana i lohoka maea na aua iea kunana e Isu i ta maea,"Tumu bari mahuri,"Lakea ia i luhoitora ne Isu a tara vona ranga ri luhoitora. ⁵⁴ Ra makea a mirakel i rua i ratea na parava ia i pea e Juda i lakea o Galili.