¹ Pol i matanono gau na maka menba na kansol lakea i taki ria,"Hurika turagu,iau a made gau na matane Deo turana ni luhoi kamumu i valai i bele mona." ² Lakea hetpris e Ananias i taki maka bakovi ri pesi tabukoi vona rigi bia sivana. ³ Lakea e Pol i takia,"Ioe a pen keakea polomeli na nure,Deo bari bia sivamu,ioe o luhoi maea to ramai lo o longo bala ngava,pali lakea i navai ioe o luhoi maea iau a koi na lo masia, o taki ni ubi tavula iau?" ⁴ Erei ri pesi tabukoi ri ta maea,"Navai o ta hale maea na hetpris e Deo?" ⁵ Lakea e Pol i ta,"Maka turagu,iau kama pala maea ge ia hetpris.Na buk e Deo i ta maea,ioe nahani ta hale vona tara mugamuga na maka bakovi a ngatavine vomu." ⁶ Tahuna e Pol i maea ranga kansel ria a Sadusi ranga a Parisi,ri ta dagi ri taki ria maka kansel,"Hurika turagu,iau a tahoka ni luhoi dagi maea na maka bakovi ri mate pali bara ri mahuri tabu lakea iau a pesi na kot." ⁷ Tahuna ia i ratea ra ngava iea,ni tavagege i bele na palane hurika Farisi turana Sadusi ra ni vapopo ne ria ri vapida ri bele tabeke rua. ⁸ Na rana maka Sadusi ri ta a bakovi mate kama ge mahuri tabu i uka,lakea a ensel turana maka spirit ranga ri uka,pali maka Farisi ri ta maea ria ri made. ⁹ Lakea a ni ngere dagi na ni ta pula i bele na maka bakovi ni lohoka na lo na tara na maka Farisi ri pesirike ri ta dagi maea,"Mia kama mi masia vona tara potu ra bakovi iea.Mege tara spirit o tara ensel ge takia?" Tahuna a ni mugana opisa na maka nugu maheto i longoa ra ni ngere dagi na ni tavagege i bele,ia i mangenge maea maga ri ubia e Pol rigi ratapilea,pali ia i rudu maka nugu maheto rigi bolea e Pol na palane hurika kansol a memba rigi bole dilia na nure i tora. ¹¹ Na rodo tara tabu e Viridagi i pesi tabukoi ne Pol i takia,"Nahani mangenge, na rana ioe o takitala ragu iea o Jerusalem,lakea ioe boro bele manga ni vakasiri nau iea o Rom." ¹² Na hetelanga tara,maka Juda ri vapopo ri rata ni ta gamai ne ria maea,kama rigi kani rigi ninu tara maki i kara ria rigi rabalakia e Pol. ¹³ I ravulu va maka bakovi ri ratea ra ni ta gamai dagi iea. ¹⁴ Ria ri lakea na maka hetpris turana hetman ri taki ria,"Mia mi rumule mia puru na ni tatora,maea kama migi kani i kara mia bara mi rabalakia e Pol i mate. ¹⁵ Mavonga mua maka kansol mu vano mu takia ni mugana opisa ge habi purua ne mua bara mua mu luhoikadoa kot vona.Mia bara mi dava kunana ia i valai koea bara mi rabalakia." ¹⁶ Pali e tune korobane Pol i longo maea ria ri tatami ni dava,lakea ia i dili na nure i tora i takia e Pol. ¹⁷ Pali e Pol i galea tara nugu maheto i takia,"Bolea ra koma bakovi iea ge lakea na mugana opisa,ia i tahoka ranga ngava ge takia." ¹⁸ Lakea a nugu maheto i valai i bolea koma bakovi i bole lakea na mugana opisa na maka nugu maheto i ta,"Ra bakovi na bavi e Pol i galau a valai vona i takau maea ga tulivilia vomu ra koma bakovi iea.Ia i tahoka ranga ngava ni taki ioe vona. ¹⁹ Ni mugana opisa i nugua limana i bole lakea na gaga i nanea."Takau vona ngava ioe o ngaru ni takau vona?" ²⁰ Lakea a koma bakovi i ta maea,"Maka Juda ri ta palupu pali rigi nanoe ni bole purua kuduvi na maka kansel,rigi matai tala kamumua ra kot vona. ²¹ Pali nahani longoa ngavane ria,na rana i tahoka bakovi i ala ravulu va bara ri kapiloho ri davea.Ri ratea tara ni tagamai mule ne ria maea kama rigi kara ni kani rigi rabalaki taroa e Pol.Ri dava kunana ioe go longo ne ria." ²² Ni mugana opisa i longo pali muri vona i pagitala ra koma bakovi iea i vano,ia i habia vona ni ta matakari ne vona maea,"Nahani takia tara bakovi vona maka ngava o takau vona." ²³ Lakea i gale valai a opisa i ala rua i taki maea rua,"Ru a nugu maheto ge 200 rigi lakea o Sisaria ranga o bole tabu a nugu maheto ge ala ravulu polorua rigi made langa na hos pali a maka 200 nugu maheto na maka nugu maheto rigi vaubi na maheto.Mua bara mu vano na 9 kilok na rodo." ²⁴ Ia i taki ria rigi rua tara kania ne vone Pol ge made vona.Ne ria rigi matakari ia nigi taparaki kamumu na gavana ne Feliks. ²⁵ Lakea ia i here maea tara raukea: ²⁶ "Iau e Klaudias Lisias a haro kamumu i lakea na mugana gavana,Feliks. ²⁷ Maka Juda ri ngaru ni nugutatea ra bakovi rigi rabalakia ge mate.Iau turana maka nugu maheto nau mi bele mi koria.Iau a matai maea ia a tahotanga ia a bakovi iea o Rom. ²⁸ Iau a ngaru ni pala maea navai ni padi a ngava vona,masia iau a bole lakea na nugu maheto ne ria. ²⁹ Iau a matai maea ri padi a ngava na ni nana na lo ne ria,pali ra maka ngava nga ri padia vona i uka vuhuna kamumu ni ru ia na bavi ri takia ge mate. ³⁰ Iau a longo maea ri tahoka ni luhoi hale ni rabalaki ra bakovi iea,lakea iau a rudu valai laviriria ne vomu,go taki maka bakovi ri pada ngava vonga rigi bele na matamu rigi kotimia vomu.Selo." ³¹ Maka nugu maheto ri muri na ngavana mugana opisa na rodo ri bolea e Pol i puru lakea Antipatris. ³² Na hetelanga tara maka nugu maheto ri rudua e Pol turana maka nugu maheto ranga maka nugu maheto ri kara ni made na hos.Lakea ria kunana ri hamule na nure ne ria i tora.Maka nugu maheto ri kara ni made na hos ri vano turane Pol. ³⁴ Tahuna a gavana i herea pali a raukea,ia i nanea e Pol ioe ne erei a provine.e Pol i ta maea iau a bakovi iea o Silisia, ³⁵ lakea a gavana i taki maea ia,"Hurika bakovi erei ri kotim ioe rigi valai taro ga luhoi kadoa kot ne mua lobo."Lakea i taki ria rigi matakaria e Pol na ruma dagi ne king Herot.