¹ Muri na parava i lima,e Ananias i viri dagi na prist,a maka mugamuga turana ngava polo ne Tetulus ri loko vonga.Ri padi tavula ngava ne Pol pali ri bole lakea na mate gavana. ² Na tahuna e Pol i pesi na matane gavana,e Tatulus i gegea apli takia e gavana maea,"Na ra ne vomu kunana o gavana mia mi made kamumu,nara ioe o bola maki kamumu i dili na kantri; ³ E viri dagi e Feliks na vuhuna ra hininga mia mi ta kamumu vomu pali mi ngaru a maka maki ioe o rata. ⁴ Iau a koi ni haba ni mava ne vomu tabu,pali Iau a taki ioe go longo mai a ngavane mateu turana ni tamudi puru. ⁵ Mateu mete mata kilalea ra bakovi ea ia i habia ne huriki a Juda ni mava,ri vaubi,ri longo taro a ngava na hini lobo o Juda.Ia ra bakovi i muga ne huriki a Nasaret. ⁶ Pali ia i ngaru ni rata pilea tempel,mavonga mi nugu tatea. ⁷ Tahuna mua mu nanea na maka ni nana e Pol,mua ranga bari mu palala vona ara vuhuna i pesi na kot." ⁹ Pali ranga Juda ria vonga ria ranga ri padia na ngava e Pol,r vaka torea ra ngava ni padi ne Pol maia i muholi. ¹⁰ E gavana i takia e Pol ge ta,e Pol i tamaea,"Iau a palala maia ne huriki a pida i valai hosi pali ioe o made manga jas vona ra kantri ea,mavonga Iau a vivi ni tata mule Iau. ¹¹ Ioe bari o mata kilala maea koma i polo ma parava i ravulu a polona i rua ne Iau bara sike o Jerusalem ni vasileki. ¹² Tahuna ri mata Iau na tempel,Iau koma vagege turane viri tara,pali koma pada tamudine huriki na ngava,o pololilo na roho ni vasileki, o polo pololilo na citi. ¹³ Ria koma ri tahoka viri ge matai ria rigi padi iau na ngava rigi ru iauna kot. ¹⁴ Pali Iau a taki ioe maea,i muholi iau a vasileki ne Deo e tamane hita.Iau a ramai lobo a maka lo pali a ni here i taki a maka profet. ¹⁵ Iau a tahoka ni luhoi tora i dagi ne Deo manga ra bakovi ea,bari tahoka ni mahuri mule na ni mate ne huriki lobo a bakovi i rata naro kamumu pali e huriki ri rata naro hale. ¹⁶ Pali Iau a toni tora ni tahoka ni luhoi kamumu na atane Deo turane huriki a bakovi a ¹⁷ Muri na pida i kupo pali Iau a valai ni haba moni na kantri nau manga maki kamumu. ¹⁸ Na tahuna Iau a rata ra hininga, ranga bakovi o Juda ri valai o Esia ri matai iau na tempel na parava iau a rata naro ni palakado polilo na tempel,pali iau koma turane huriki ri haba ni mava. ¹⁹ Mavonga ra huriki a bakovi ngane rigi pesi na matamu rigi takia ngava ri ru iau vona na kot,ge ria rigi tahoka ngava. ²⁰ O uka,re hurika bakovi nga rigi taki ara maki ri matai ne nau natahuna Iau a pesi na matane huriki a kansel ne huriki a Juda, ²¹ Ge uka i tahuka ngava i taku Iau a taki tale na tahuna Iau a pesi turane ria,'I vona ra ni mahuri mule ne huriki ri mate ia ra ngava ni vaka pesi Iau vona na kot." ²² Muri e Fliks,ia ni taki kamumu vona ra dala ea,mavonga i takia maka Juda ri dava.E Feliks i tamaea,"Na tahuna e komada i puru valai o Jerusalem, Iau bara ratea dalana kot vomu."23Muri i taki a maka nugu maheto rigi matakaria e Pol,pali ia i takia ne Pol maea i uka lo ge takari vona pali a maka tara vona ri ngaru ni masia rigi valai rigi masia rigi koria na maka maki ia i ngaru. ²⁴ Muri na parava ranga i polo,E Feliks i valai turana e girihina e Darusila,ia ngatavine o Juda,ia i ruda ngava ne Pol pali e Pol i valai i taki talea ngava ne Feliks vona ni luhoi tora ne Isu Kristo. ²⁵ Pali na tahuna e Pol taki talea ngava ni naro malimali pali a naro ni rupurua ni ngaru na kakaina, pali a kot e Deo,e Feliks i mangenge hateka pali takia e Pol maea,"O vano ngane,pali muri ma,Iau bara ruda ngava vomu." ²⁶ Vona na parava ia i luhoi maea ge haba moni vona e Pol,mavonga i gale vilia e Pol i ta turana. ²⁷ Pali muri na pida i rua i polo,e Posius Festus i bolea muria e Feliks ia gavana,e Feliks i nagru ni bola a tamudine huriki a Juda,mavonga i ria e Pol i made polo tano ne huriki ri mata karia.