¹ "Hurika turagu make tata,mu ru a talingane mua mu longoa ngavagu iau taga takitala na maka tara a bakovi ri padi a ngava ne nau." ² Tahuna maka bakovi a ngatavine ri longo e Pol i tata ne ria na kavonanga na Hibru,ri mangulu ri made madoru.Lakea ia i taki maea ria, ³ "Iau a bakovi o Juda,e nana i podau na tanga dagi o Silisia,lakea iau a bole a ni vara na tanga dagi i polotano o Gamaleil.Lakea ri tovo iau ga ramai maka hamone tamane teu.Lakea iau a muri ne Deo manga mua lobo mu muri vona ngane. ⁴ Iau a rabalaki maka kristen,iau a nugutata maka bakovi a ngatavine lakea a ru ria na bava, ⁵ hetpris turana maka bakovi dagi bara ri takitala maea. Iau a bole a raukea ne ria bara ri lakea na maka turagu o Damaskas,Iau a nugutata maka tara ri ramai ra dala i valai o Jerusalem ni ratapile ria. ⁶ Lakea na tahuna iau a laho tabukoi iea o Damaskas,na belo i laviriri tara nipara dagi i puru valai na hunu i para halui iau. ⁷ Lakea iau a boru puru na malala iau a longoa tara bakovi i galau na hunu i ta,'Sol,Sol,i navai ioe o ratapile iau?' ⁸ Lakea a kolia ngavana a takia,'Ioe erei,Viridagi?lakea ia i takau,'Iau e Isu iea o Nasaret,ioe o leho ni ratapile iau.' ⁹ Maka bakovi ri made turagu ri masia ni para,pali kama ri longoa viri takau. ¹⁰ Lakea a kolia ngavana a takia,Viridagi?O ngarau ga rata ara,'Ioe o pesirike o lakea o Damaskas na hini nga tara bakovi bari taki ioe na maka maki boro rata. ¹¹ Pali kama kara ni mata tabu na rana ra ni para iea i dagi,i ratau a keri ni mata lakea maka bakovi ri vano turagu,ri nugua limagu ri turari iau a lakea o Damaskas. ¹² Na tabeke vonga i valai tara bakovi i matsi iau a rana e Ananias,ra bakovi iea i polotango ne Deo lakea i ramai lobo maka lo lakea i kamumu a rana na maka Juda ri made vona hini nga. ¹³ Ia i vala,i pesi tabukoi nau,i ta maea,'Turagu Sol,ioe boro mata tabu.'Na parava iea kunana iau a matapara a masia. ¹⁴ Pali ia i ta maea,'Deo na maka hamone teu i pasi ioe ni muri vona na ni ngaru vona,lakea ia i vakasiri ioe a bakovi malamala,ioe o longo maka ngavana na nutunga. ¹⁵ Mavonga ioe boro vakalongo na ara maki ioe o masia o longoa. ¹⁶ Pali ara o davea?Ioe o pesirike,o bole a baptasi,o gale na rana ia bari vahilolo voroki maka sin vomu.' ¹⁷ Muri iau bara hamule lakea o Jerusalem na parava tara bara vasileki na tempel a matai a maki manga iau a vurena. ¹⁸ Lakea e Viridagi i taki maea iau,'Ioe o laviriri o pea e Jerusalem o vano,na rana kama rigi luhoitora na ara maki iau a rata ne vomu.' ¹⁹ Pali iau a takia,'Viridagi,ria kunana ri pala maea iau a lakea na maka ruma ni vasileki a ubi ria a ru ria na bavi maka bakovi a ngatavine ri luhoitora vomu. ²⁰ Iau a made turane ria na parava a darane Steven i maguru,iau a matakari a maka varikia ne ria a tamudi taku turana maka bakovi erei ri rabalakia i mate,na tahuna ia i tata na maka bakovi a ngatavine. ²¹ Lakea e Viridagi i takau,o pesirike o 'vano,na rana iau a rudu ioe lakea na maka bakovi a ngatavine ranga."' ²² Maka bakovi a ngatavine ri rua ge takitala ngava,lakea ri gale ri tamaea,"Vakaloboa na malala ra bakovi iea ia kama i kamumu tabu ni made mahuri na malala iea." ²³ Ri gale lakea ri guru a habulo turana varikia ne ria i rike na hunu. ²⁴ Lakea kepten na maka nugu maheto bolea e Pol ri rua na nure na nugu maheto,lakea a kepten i taki maka nugu maheto rigi ubia na wip rigi nanea ge taki ria na ara vuhuna maka Juda ri ta dagi ri ta tora vona. ²⁵ Tahuna ri koloa a limana turana vahane Pol na mota e Pol i nana maka nugu maheto ri pesi tabukoi vona maea,"Lo i longo vona nigi ubi tara bakovi iea o Rom pali kama rigi luhoi kado a ngavana na kot?" ²⁶ Tahuna maka nugu maheto ri longoa ngava maea,ia i vano i takia kepten na nugu maheto maea,"Ioe o ngaru ni rata ara maki?Ra bakovi iea ia bakovi o Rom." ²⁷ Lakea a kepten na nugu maheto i nana maea,"Muholi ioe a bakovi iea o Rom e?"Lakea i longo e Pol "E." ²⁸ Pali a kepten na maka nugu maheto i ta maea,"Iau a konea na moni dagi ni bele manga bakovi iea o Rom."Pali e Pol i ta maea."Iau e nana i podau iau a bakovi iea o Rom." ²⁹ Pali maka nugu maheto ri ngaru ni nanea ri valai ri ri longo ra ngava iea ri pe ia ri vano pali.Na tahuna a kepten na maka nugu maheto ri longo maea e Pol ia bakovi iea o Rom ia i mangenge na rana ia i koloa e Pol na mota. ³⁰ Pali na parava tara tabu,kepten na maka nugu maheto ri ngaru ni lohoka vona ara vuhuna lakea maka Juda ri rata maka naro hale ne Pol.Lakea ia i gale maka hetpris turana maka kaunsel ri valai rigi vapopo.Pali ia i bole vilia e Pol rua na palane ria.