¹ Muri na maka maki nga e Pol i pea e Atens ia i lakea o Korin. ² Na tabeke nga ia i vakorokoro turana tara bakovi iea o Juda a rana e Akuila,a hamone Pontus,erei i pea e Itali turane girihina e Prisila,na rana e Klaudius i taki e hurika tara o Juda rigi pea e Rom.Pol i vano ni matai ria, ³ na rana ia i ratea leho i palupu manga ria ri ratea,ia i made turane ria ri rata leho ni rahi a sel. ⁴ Lakea e Pol i leho ni tata pololilo na roho ni vasileki na maka Sabat,i rata ni luhoi ne ria ri lohoka na maka tara na Juda turana Grik. ⁵ Pali na tahuna e Sailas turane Timoti ru pea e Masedonia lakea ru puru valai,Spirit ne Viridagi i ta tora ne Pol lakea i vakalongo ne hurika tara o Juda maea e Isu ia e Kristo. ⁶ Tahuna e hurika tara o Juda kama ri tamudi taku ri harugia,Pol i pasitala maka lulu na varikia vona na matane ria lakea i ta maea,"Rua darane mua ge madoko mule na gine mua;Ngane,iau a uka tara potu.vakatubu mona iau bara lakea ne hurika tara ranga." ⁷ Pali muri i pea i lakea na ruma ne Taitus Jastus,bakovi erei i vasileki ne Deo.Ruma vona i tabuli tabukoi na ruma ni vasileki. ⁸ Krispus,bakovi erei i muga na ruma ni vasileki ia i luhoitora ne Viridagi turane hurika bakovi a ngatavine erei ri made na ruma vona.Kupo maka bakovi a ngatavine iea o Korin ri luhoitora na ngavane Pol ri bole a baptais. ⁹ Viridagi i takia na rodo e Pol ia i vurena maea,"Nahani mangenge, i kupo maka bakovi a ngatavine vona ra tanga dagi iea. ¹⁰ Iau a made turamu,i uka tara viri ge ratapile ioe,na rana iau a tahoka maka bakovi a ngatavine vona ra tanga dagi iea." ¹¹ Pol i made vona hini nga i vano na pida i taku turana keva i polotara,ni tovo e hurika bakovi a ngatavine na ni tane Deo. ¹² Pali na tahuna e Galio i bele manga mugamuga ne Akaia,maka tara o Juda ri tapula ne Pol ri bole vilia na murina kot. ¹³ Lakea ri ta maea,"Ra bakovi iea i voko maka bakovi a ngatavine ni longotaro maka lo turana ni vasileki ne Deo na dala tara." ¹⁴ Lakea e Pol i ngaru ni tata,Galio i taki maka tara o Juda maea,"Mua a tara o Juda,muholi hateka pali re ia kama maki kamumu o a naro ni longo tarona lo,i kamumu hateka ioe boro pelekado turagu. ¹⁵ Pali ra maka ni nana nga ne ria turana maka rana a lo,ne mua kunana bara mu pelekado.Iau a koi ni bele manga bakovi ni luhoikado maka ni mava." ¹⁶ Galio i rata ria ri hataroa murina kot ri vano. ¹⁷ Lakea ri nugua Sostenis,a mugamuga na ruma ni vasileki i ubi hale liu ia na murina kot.Pali e Galio kama i duku vona ara maki ni rata vona. ¹⁸ Pol i pesi vonga na parava i kupo pali,i muri i pe maka turana i rike na sip i lakea o Senkria turane Prisila e Akuila.Tahuna ia i tabana iea o Senkria,ia i rata ni ta gamai i palia vuna na gina. ¹⁹ Tahuna ri bele iea o Efesas,Pol i hataroa e Prisila turane Akuila na hini nga.Lakea ia kunana i lakea na ruma ni vasileki i ta turana maka Juda. ²⁰ Tahuna ri nanea e Pol ge made turane ria ranga,pali ia i marikoi. ²¹ Pali muga ia ge pe ria ge vano,ia i taki ria,"Pali ga ni ngaru ne Deo,iau bara hamule valai ne mua."Lakea i bole a sip i hataro ria i lakea o Efesas. ²² Tahuna e Pol i bele pali iea o Siseria,ia i lakea na sios iea o Jerusalem ia i haro ne hurika bakovi a ngatavine ni luhoitora muri ia i puru o Antiok. ²³ Ia i made vonga na parava ranga pali,lakea i pe ria i vano i lakea o Galesia turane Frigia lakea i vakatora maka murimuri. ²⁴ Lakea tara bakovi iea o Juda a rana e Apolos,iea o Aleksandra i valai iea o Efesas.Ia bakovi ni ta kamumu i pala kamumu na nitane Deo. ²⁵ Apolos i bole maka vinara e Viridagi.Turana ni vivi pololilo na Spirit,ia i tahoka ni vitolo ni tata ni tovo e hurika bakovo a ngatavine na maka nuverei e Isu,pali ia i pala na baptais ne Jon. ²⁶ Apolos i vakatubu ni ta pololilo na ruma ni vasileki.Pali a tahuna e Prisila turane Akuila ru longoa,ru bole lakea na gaga ru taki kamumua na dala kamumu ge ramai e Deo. ²⁷ Na tahuna ia i ngaru ni lakea o Akaia,maka turana ri rata ngava kamumu vona ri here maka raukea lakea na maka murimuri iea o Akaia ni bolea.Tahuna ia i bele,ia i kori kamumu hateka maka bakovi a ngatavine ri luhoitora pololilo na ni dodo ne Deo. ²⁸ Turana ni tora i kupo e Apolos i leho ni rupuru ria maka tara o Juda na matane hurika bakovi a ngatavine turana ni tane Deo maea e Isu ia e Kristo.