¹ E Pol turana maka turana to bele na moka citi o Amfipolis o Apolonia,to bele vona citi o Tesalonaika a roho ni vasileki ne hurika Juda . ² Pol,i lakea na roho, ne hurika Juda ,maka hiningi ia i rata pali na parava ne Sabat i tolu ia i vara ria n ngavane Deo. ³ Pol i vaka tubu ni vara na ni tane Deo pali vaka longo kamumu maea i kamumu ne Kristo i bolea ni madihi i mate pali mahiri mule.Ia i tamaea,"Re Isu erei Iau a taki talea ne mua ia e Kristo." ⁴ Pali ranga ne huriki a Juda ri ngaru ni longoa e Pol i taki talea ngava pali ri muri ne Pol rua e Sailas,turane huriki a tara i dagi hateka ri valai o Grik,pali ranga ngatavine a rane ria i dagi ri muri ne Pol. ⁵ Pali e huriki a Juda koma ri luho tora ne Deo,ria ri laho turane ria turana ni tamudi hale,ri vano ri lake namurina ri vahabi vakuloi,ri gale huriki lobo ri vango rike a tamudi ne ria na maka ngava tatami,ri ta ri roro vona ra citi ea. Hurika Juda pali ranga bakovi ri nunu lake na ruma e Jesen,ria ri ngaru ni bole valai ne huriki a bakovi a ngatavine e Pol rua e Sailas. ⁶ Pali ria koma ri matai rua,ni bole e Jesen turana rang turana ni bole tou lake ne huriki a mugamug vona ra citi ea,ri taki ria maea,"Ra maka bakovi nga ri vaka bele ni mava ne huriki a tanga lobo pali ngane to bele koia. ⁷ Pali ranga bakovi erei i bole ria e Jesen ri made turana na ruma vona ri gegea e Sisa; ria ri tamaea i tahoka tara king a rana eIsu." ⁸ Pali e huriki lobo a bakovi a ngatavine turane hurika mugamuga ri longoa ra ngava ea ria ri tamudi hale. ⁹ Pali muri e huriki a mugamuga ri taki e Jesen turana maka turana rige kona tala tou na moni,muri ne tou bari ni paga tou to vano. ¹⁰ Vona ra rodo ia huriki a turana ri rudu e Pol e Sailas ri vano ru lake o Beria.Na tahuna rua ru bele vonga,ru dili na roho ni vasileki ne huriki a Juda. ¹¹ Ngane e huriki a bakovi a ngatavine vonga ria ri kamumu ne huriki a bakovi a ngatavine ri made o Tesalonaika,ria ri bolea ngava turana ni tamudi kamumu pali a ni lohokanga, ri luhoi kamumu a maka ngavane Deo ni taki tala ri palakado maea ivai kamumu pali ivai hale. ¹² Pali kupo ne ria ri luhoi tora vona ra ngavne Deo,turana ranga e huriki a bakovi a ngatavine o Grik a rane ria i dagi. ¹³ Pali tahuna i ranga Juda ri made o Tesalonaika ri longo maea e Pol i takea ngavane Deo o Beria,ria ri vano ri lokovonga ri bolea rika tamudine ria na maka ngava huriki a bakovi a ngatavine vonga. ¹⁴ Pali malaviriri kunana,huriki a turana ri rudua e Pol i lakea na dari,pali e Sailas e Timoti ru made vonga rua. ¹⁵ Huriki a bakovi a ngatavine ri bolea e Pol ri vano ri lakea basi na citi o Atens.Tahuna tou togo hamule,e Pol i taki tou maea,togo taki e Sailas e Timoti rugu bele vona malaviri kunana. ¹⁶ Na tahuna e Pol e i made i dava rua o Atens,ia i masia ra citi ea i vunu vona a maka deo tatami pali a spirt vona koma i tabuli kamumua. ¹⁷ Pali mavonga i lakea na roho ni vasileki ne huriki a Juda turane huriki erei ri vasileki ne Deo,pali e huriki ranga ria vonga ri vata palupu. ¹⁸ Pali ranga bakovi ni lohoka o Epikurian a Stoik ria ri vala ne vona.Ranga ri tamaea,"Ra bakovi ni tatami ea ara i ngaru ni takia?"Pali ranga i tamaea,"Ia i manga ra bakovi erei i taki e huriki rigi ramaia e huriki e deo,"nara ia i taki talea ngavane Deo i vaka longoa e huriki vona ni mahuri ne Isu. ¹⁹ Ria ri bolea e Pol i lakea na Areopagus murine huriki a mugamug,ri takia ri tamaea,"I kara go vaka longo mia vona huriki a ngava karaba ioe o taki?" ²⁰ Na ra ioe o vaka longo mia vona ranga maki karaba na talingane mia.Mavonga,mia mi ngaru ni luhoka vona ara maki ioe o takia." ²¹ (Pali e huriki a bakovi a ngatavine o Atens turane huriki ranga ria vonga ri made ri longoa maka ni ta karaba.) ²² PLi e Pol i pesi na Areopagus a murine huriki a mugamuga pali tamaea,"Matou a bakovi o Atens,Iau a matai matou maea matou a bakovi ni vasileki ne huriki a narone matou. ²³ Tahuna iau a la laho ne huriki a tanga pali a matai a maka maki mu vasileki vona, Iau a matai tara alta i tahoka ni here ni here i tabuli vona pali ni here maea,"Ra alta ea ne vone Deo mateu moka mete palala vona ,"pali matou koma moto palala vona pali mu vasileki vona ia rae Iau taki talea ne matou. ²⁴ Deo i rata lobo a maka maki vona ra malala ea,ia Viri Dagi na hunu a malala,ia koma i made na tempel i haea bakovi. ²⁵ Pali e Deo koma i ngarua tara bakovi na malala ge koria na maki na limane ria, ia koma i ngarua tara maki na bakovi, nara ia i habia ni mahuri a maki lobo na bakovi. ²⁶ Na bakovi ala taku kunana ia i vaka bele a maka bakovi a ngatavine vona ra malala pali rigi made vona ra malala,palo hosi ia i pasia paravane ria rigi made vona pali rua nagi vona malala vona, ²⁷ Pali ria rigi matakanea e Deo i vano na parava ria ri matavisia dala ni lakea vona pali e Deo koma i made basi ne teu. ²⁸ Ne vona kunana teu te made mahuri te laho te rata maka maki vona ra malala ea,manga kunana tara ne matou i taki,'Hita lobo hita e Deo. ²⁹ Mavonga teu te made manga e tune Deo ,nahani tege luhoi maea e Deo i manga gole,o a siliva o a kedo o a maka hanuna maki i tabuli vona i rata bakovi na ni luhoi vona ne ria. ³⁰ Mavonga, e Deo koma i luhoi hateka a maka naro hale ni huriki a bakovi na tahuna hosi valai na tahuna mona, ia i ta tora ne huriki a bakovi a ngatavine rigi pulo a narone ria. ³¹ Ia i pasia pali tara parava ne vona bari luhoi kado e huriki a bakovi a ngatavine vona ra malala ea turana naro malimali vona ra bakovi e Deo i pasia. pali i vakasiria ne huriki a bakovi a ngatavine na parava ia i mahuri mule na ni mate." ³² Tahuna e huriki a bakovi o Atens ri longoa e Pol i taki talea ra ni mate a ni mahuri ne Isu,ranga bakovi ri nogo vakia e Pol;ranga ri tamaea,"Mia mi ngaru ni longo tabua ngava i takia e Pol." ³³ Muri vona ra hininga, e Pol i hataro ria. ³⁴ Pali ranga bakovi ri luhoi tora vona maka ngava i taki e Pol, turane Dionisius na Areopagus,i tara ngatavine a rana e Damaris,pali e huriki ranga ri made turane ria.