¹ Ra maka maki nga i bele na tahuna e Apolos i made iea o Korin,Pol i lakea na maka tanga i tabuli polomeli na gaga i bele na tanga dagi e Efesas,ia i matai vonga ranga murimuri. ² Pol i nana maea ria,"Tahuna mu luhoitora mu bolea pali a Hunu Kiripiripi o uka?"Lakea ri koli mule maea,"Uka,mia kama mi pala na Hanu Kiripiripi." ³ Pol i nana ria,"Mua mu bole navia a baptais?"Pali ri ta maea,Jon na baptais i baptaisim mia." ⁴ Pali e Pol i koli maea ngava,"Jon i baptaisim maka bakovi a ngatavine ne ria rigi pulo a vilone ria rigi lakea ne Deo.Lakea ia i taki ria rigi luhoitora na bakovi erei i muri vona,rigi luhoitora ne Isu." ⁵ Tahuna e hurika bakovi a ngatavine ri longoa ra ngava iea,ri bole a baptais na rane Viridagi e Isu. ⁶ Lakea muri na tahuna e Pol i ru langa limana na gine ria,Hanu Kiripiripi i puru ne ria ri tata na maka ngava legelege na ni tane ria takutaku lakea ri rata maka ngava bari bele na tahuna muri ma. ⁷ I popote ge ala 12 a bakovi ri bole a baptais. ⁸ Pol i lakea na ruma ni vasileki na maka tara na Juda lakea i pesi tora i tovo maka bakovi a ngatavine na ngava muholi turana Harikinga ne Deo,i lakea na keva i tolu. ⁹ Pali na tahuna a tamudina maka Juda i tora kama ri longoa ngava,ri ta hale vona naro ni ramai e Isu na matane hurika bakovi a ngatavine ri kupo.Lakea i Pol i pe ria i bole kunana maka murimuri ri lakea na ni tovo na maka Tairanus e huriki i tovo ria na ngavane Deo pololilo na parava vakaroro. ¹⁰ Ia i rata leho na pida i rua,i kara ne hurika bakovi erei ri made Esia ri longo a ngavane Viridagi,maka tara o Juda o Grik ria palupu. ¹¹ Deo i rata maka maki dagi turana leho kamumu na ni made mahuri ne Pol, ¹² Maka varikia kiroko turana maka tabekena varikia i bole Pol i lokovonga i ru na maka bakovi ri giloa lakea ri mahuri tabu lakea spirit hale ri pe ria ri vano. ¹³ Pali i tahoka ranga bakovi ni kasisi erei ri lalae vona ra tanga iea ri lilitala spirit hale na maka bakovi.Ri gale bala nane Viridagi e Isu ni bole a ni tora ni lilitala spirit hale, ri kara ni ta"Na rana re Isu e Pol i ta bala vona,iau a ta tora ne mua mu pea ra bakovi iea mu pagitala." ¹⁴ Ra maka bakovi nga i ala 7 erei ri rata bala ra maka naro nga,maka tuna hetpris iea o Juda,a ranga e Skiva. ¹⁵ Tara spirit hale i koli maea ngavane ria,"Iau a pala vona e Isu,"A pala vona e Pol;erei matou?" v 16 Spirit hale vona ra bakovi iea i pagi vona ra bakovi ni kasisi,lakea i rupuru a nitora ne ria,i kinivida a varikia ne ria i ubi hale liu ria,ri bole a ni hale dagi ri pea ra ruma iea ri hatala. ¹⁷ Maka tara o Juda o Grik erei ri made iea o Efesas ri longoa ra ngava iea.Ri mangenge hateka,lakea ri kavurikea rane Viri Dagi e Isu. ¹⁸ Mavonga, i kupo e huriki ri valai turana ri taki tala a mak naro hale ne ria ri rata. ¹⁹ Kupo erei ri rata maka malulu turan a buk ngi lobo ni gutu na matane huriki lobo.Ra buk i laho langa melea ni kona na 50 000 Silva moni. ²⁰ Pali a ni tane Deo i lakea na hiningi lobo turan ni tora i dagi. ²¹ Pali muri ne Pol i vaka boloa leho vona o Epesas,na ni tora na Spirit ia i luhoi maea ia ge lakea o Masedonia o Akaia bari vano i bele o Jerusalem;ia i tamaea"Muri Iau ga made vonga,Iau ga lakea o Rom." ²² Pol i rudu a nugu koro vona i ala rua ru lakea o Masedonia,pali e Timoti e Erastus.Pali ia kikeri i made popote o Esia ²³ I vona ra tahuna ia i uka tara ngava o a ni mava ge bele o Efesas ge patutua ni laho muri ne Isu. ²⁴ I tahoka tara bakovi a rana ne Dimitris,ia i palala ni bole a maka silva i rata hanun deo tatami e Atemis,ia i rata hateka moni ne huriki a bakovi erei ri luhoi ni rata hanune hurika deo tatami pali ri vahabi vona. ²⁵ Pali lakea i gale popo e huriki a bakovi ri leho vona ra leho ea ri valai palupu pali taki ria maea,"Matou moto palala maea vona ra leho ea teu te rata moni. ²⁶ Matou moto matai moto longo maea kimi o Afesas kunana, uka na hini lobo o Esia,ra bakovi e Pol i pupulo a tamudine ria a maka bakovi a ngatavine rigi lakea na dala tara, Ia i tamaia i uka tara e deo nigi rata na lima. ²⁷ Koma ne mateu kunana metege lobo vona ni habi a maka hanuna maki ni rata ni bole a moni ²⁸ Na tahuna ria ri longoa ra ngava ea,ria ri tamudi hale pali ri ta tala ri tamaea,"Atemis o Efesas i dagi." ²⁹ Pali re huriki lobo vona ra citi ea ria koma ri luhoia tara maki,pali ria ri tahoka ni luhoi i taku pali ri nunu dili na ruma ni rehi. pali ri nugu tata a bakovi ala rua erei ru valai o Mesedonia turane Pol, a rane rua e Gaius e Aristakus. ³⁰ E Pol i ngaru ni lakea ni dili vona ra hiningi made vona e huriki a bakovi a ngatavine, pali e huriki a murimuri vona ri hata karia na hini ge vano. ³¹ Pali ranga mugamuga na provins Esia ria turane Pol pali ri ruda ngava vona ri taki torea maea ge nahani dili vona ra ruma ni rehi. ³² Pali huriki a bakovi ri gale viliha na maka maki i kupo,pali re huriki koma riluhoi kamumu ria ri luhoi lege.pali ranga ri luhoi lege ria maea i navai ri valai vona ra vaponga ea. ³³ Pali ranga e huriki a bakovi a ri taki kamumua e Aleksendar,re erei i tono tala a maka Juda na matane huriki a bakovi a ngatavine ria na vaponga.Pali e Aleksedar i toto rikea limana i taki e huriki maea re huriki Juda koma ri ratea tara maki ge hale. ³⁴ Na tahuna ria ri palala maea ra bakovi ea i tara na Juda ria ri gale tala dagi ,ri tamaea,"Atemis o Efesas i dagi." ³⁵ Pali a bakovi ni matakari a moni vona ra provins i ta kari ria, nahani rigi gale,ia i taki ria maea,"Mua bakovi o Efesas,huriki lobo vona ra malala ea ri palala maea huriki a bakovi a ngatavine ri luhoi ni mata kari a roho ni vasileki nr huriki e deo ngatavine Atemis e deo tatami i boru puru vala na hunu? ³⁶ Mua mu palala vona pali ra hurika maki nga pali mavonga mu nahani malaviri ni ratea tara maki. ³⁷ Pali muri i tara ne vona re huriki nga(Gaiyus e Aristakus)mu bole valai no kotria koma ri panaho na tempel pali koma ri tahale ne deo ngatavine ne teu. ³⁸ Mavonga, e Dimitris turane huriki ri tara hanuna maka deo tatami i tahoka ngava ne huriki ranga, pali a kot ni tala na bakovi bari longoa kot i made pali.Ru ria riga tahale mule ne ria. ³⁹ Pali mua mu ngaru ni ta na maki tara,mua mu mateia a maka matakari ne mua rigi palakado mua. ⁴⁰ Muholi hateka mia bari mi tahoka ngava vona ra vaponga nara e huriki a bakovi ri tamudi hale pali ri bele mona uka vuhuna ra vaponga ea pali mia koma migi takia vuhuna ra vaponga ea tahuna i nana mia gavaman. ⁴¹ Na parava i taki ra hininga, ia i vaka loboa vaponga ri vano.