¹ Rege ke suto sendá juttifikao po fe suto tén pá ku Rioso po merio ri Jesukrito tlo suto. ² Po merio ri Éle suto tambié Polé lendroi po fe endi nglasio ke suto ta, suto ta ku jorocheria po ma esperansa ke Rioso nola pa futura, esperansa ke suto tan conpattí endi ngloria ri Rioso. ³ I nu sendá E Kusa numá, suto tanbien ase sendi jorocheria endi merio ri akongojamiento, suto se asé pa kongajamiento kombeti endí bilante. ⁴ Bilanté asé prorusi apobasió, i aprobasió ase prorusi esperansa pa futuro. ⁵ Esperansa nusé tré beguensa nu, pokke gongoroko ri Ri Rioso a rerramá endi kolaso suto po merio ri Epiritu Sando ke jué ndao. ⁶ Miendla suto toabia taba debilucho Krito enoli tiembo ri elé a lungá po ma impio. ⁷ Pué sendá rifisi pa un gende lungá po un gende gueno. ⁸ Rioso asé mostrá gongoroko ri elé a suto, kuandi suto toabia sendá pekerore, Krito a lungá po to suto. ⁹ Ku má chochá aora ke suto jue juttifikao po pola ri elé, suto sendá subbao po pola, ri ira ri Rioso. ¹⁰ Pue miendla ke suto jueba enemigo, suto a sendá rekonsiliao ku Rioso po merio ri muette ri mona ri ele, asina ke aora ke suto jue rekonsiliao, ku ma rasó suto sendá sabbo po mbila ri ele. ¹¹ Po to E kusa suto ten jarocheria endí Rioso po merio ri Jesukrito No suto, jue po kuenda ri ele ke suto a resibi sabbasio. ¹² Asína ke po merio ri un ombe pekaro a lendrá endi mundo, así na jué ké muette a lendrá po merio ri pekaro. I muette a pasa pa to ma ombe, pokke to ma ombé á peká. ¹³ To ma gende endi mundo a peká, ante ri Rioso nda Moises lei, Rioso nu regitrá nunggú pekaro kondla lei. ¹⁴ Muette a gobená rege Adan asta Mosises, mkluso ondí aké lo ke nú peka ku resoberiensia ri Adan ke mi ni a sendá figura ri lo ke tamba miní. ¹⁵ Asina ke regalo nu sendá kumo po tragresió, pue si po tragresió ri uno un chocha a lungá, nglasia ri Rioso miní po un ombe numa, Jesukrito, ke nda nglasia po chocha pa to mundo. ¹⁶ Regalo ri éle nu sendá kumo konsekuensia ri ake ke pekó, pue juisio ri kondenasió a miní po kauso ri tragresió ri un ombe. ¹⁷ Pue po tragresió ri uno muette a gobéná antonse chochá ri nglasia sendá kumo regalo ri juttisia, po uno numá, Jesukrito. ¹⁸ Asina ke po un tragresor to ma gende a miní a kondenasio, tambie po juttisia ri uno a mini juttifikasió ri mbila pa to ma gende. ¹⁹ Pue po ma resobenensia ri un ombe to ma gende po chocha jué pekarore, asinoi ke po oberiensia ri Krito, un chochá ri genda jue juttifikao. ²⁰ Poro leí a mini repue, pa tragresió abundá poro aonde pekaro abundá, nglasia abundá ma. ²¹ E kusá pasá pa, asina kumo pekaro a gobená poi muette, nglasia po merio ri juttisia gobiene pa mbila ettena, po merio ri Jesukrito No Suto.