¹ ¿Antonse ke jue lo ke suto tan conbésá?¿Suto ten ke sigui ku pekaro pa nglasia ri Rioso abundá? ² Ke nunka a kusa pasá, suto lo ke lunga a pekaro,¿Kumo suto pole mbibi endi pekaro? ³ ¿Enu nu sabe ke to lo ke bautisa endi krito Jesú jué bautisao endi muette ri Éle? ⁴ Suto jué sepultao ku Éle, po merio ri bautimo en di muette,, to ekusa pasa ri fooma ke. Asina kumo krito jue lebantao ri ma muetto po ngloria ri Tata, asina tambié suto pole kamina ende mbila nueba. ⁵ Pue suto ta jundo ku Éle endi semejansa ri muette ri ele, suto tambie pole tá jundo ku éle endi resurresio. ⁶ Suto sabé, ke ombe biejo lo ke suto jué senda krusifikao ku Éle,, ro fooma ke kuepo ri pekaro sendá rettrui. E kusa pasá pa suto nu sendá ma eklabisao po merio ri pekao. ⁷ Lo ke lungá e reklarao jutto ku referente a pekaro. ⁸ Poro si suto a lunga ku krito, tambié suto kreé ke ta mbibi ku Éle. ⁹ Suto sabé ke krito jué lebantao ri ma muetto, i ke Éle ya nu ta muetto. Muette ta gobéná ma endi Éle nú. ¹⁰ Krito a lungá po to ma pekaro, Éle a lungá un solo vé, poro mbila lo ke tá mbibi asé pa Rioso. ¹¹ Ri memo fooma a enú tambié tén ke konsirerá muette a pekaro, poro ku mbila pa Rioso endi krito Jesú. ¹² Po tanto nu reja pa pekaro gobena ri manera ke enú oberese lujuría. ¹³ Nu presentá ma patte ri kuepo pa pekaro, kumo erramienta pa injuttisia, poro presenteno enú memo pa Rioso, kumo muette lo ke aora ta bibi, i presenta ma patte ri kuepo kumo erramienta pa juttisia. ¹⁴ Nu pémitti pa pekaro gobéná enú. Pue enú nu t ri bajo ri lei si nu ri bajo ri nglasia. ¹⁵ ¿Ke antonse?¿Suto tén ké peká, pokke suto nu ta ri bajo ri lei, si nu ri bajo ri nglasia? Ke nu sendá asina. ¹⁶ ¿Enú nu sabé ke ake lo ke enú se presenta kumo moso e ake memo lo ke enú ten ke oberesé? Si enú asé siribi pekaro ke se nyeba a muette o enú tan siribi a oberiensia, ke se nyeba a juttisia. ¹⁷ ¡Poro suto ta nda nglasia a Rioso! Pokke enú jueba moso ri pekaro, aora enú ta oberesé ri kolosó to ma insiñansa ke jueba ndao. ¹⁸ Enu jué suetto ri pekao, i aora enú ta siribi a juttisia. ¹⁹ I ta chitia ku enu kumo ombe po kausa ri endeble endi kuepo, pue asina kumo enú presetá ma patte ri kuepo, kumo eklabo ri imundisia i madda, aora ri memo fooma presentá ma patte ri kuepo kumo eklabo ri juttisio pa santifikasio. ²⁰ Pue kuandi enú jueba eklabo ri pekaro, enú jue suetto ri juttisia. ²¹ Endi ake tiembo,¿Ke fruto enú teneba ri ma kusa lo ke ague ta abeggosá? pokke ma kosekuensia ri to e kusa e muette. ²² Poro aora ke enu jueba suetto ri pekaro, enu ta siribi a Rioso, enú teneba fruto pa santifikasio resuttao asé mbíla ettena. ²³ Pue paga ri pekao asé muette, poro regalo ri Rioso mbila ettena endi krito Jesú ño suto.