¹ Antonse, ¿ Ké bentaja Judio ten? ¿I ke benefisio ri sikusisió ane ten? ² Sendá ngande ri to fooma pa ané ke jueba ma plimero ri lo ke jué enkomendao rebelasio ri Rioso. ³ ¿i ke pasá si agguno ri ma Judio ten fe nú? ¿Su fatta ri fe tán asé pa fidelirá ri Rioso siribi nu? ⁴ Ke nunka pasa e kusa. Asinaké regeno pa uto, ngende topetá ku Rioso anke to ma ombe sendá embile. Kumo ta krito:" KE ENU TÉN MOSTRARSE JUTTO ENDI PALABR RI RIOSO, PA POLÉ TAPALAO KUANDI ENÚ MINI PÁ JUISIO." ⁵ Poro injuttisia rito asé mostrá juttisia ri Rioso, ¿Ke jué lo ke suto ta konbésá? Ke Rioso senda injutto kuandí éle a sé embejaka, ¿Senda?(I ta chilia a enú kumo ombe). ⁶ ¡Ke nunka senda asina! Antonse. ¿Kumo Rioso tán jugga mundo? ⁷ Poro si belaberá ri Rioso ta siribi pa embiléri mi sendá pa alabansa ri Rioso ¿Pokke antonse i sendá juggao kumó pekoró? ⁸ ¿Pokke enú nu chitia kumo suto senda kaluniao i kumo agguno asé conbésa afínmando ke suto ase chitialo:" Suto tén ke asé to kusa mala, ¿ Pa mini ma kusa guena?" Juisio ri Rioso pa ané sendá jutto. ^{9 10} ¿Ke sendá antonse ?¿ Suto memo a ten eskusá? Asina suto memo sé akusá a Judio kumo a Griego to ané e lo memo, ané ta ri bajo pekaro, Kumo ta krito:"TEN NINGGUN GENDE JUTTO NU NI UNO SOLO." ¹¹ TEN NINGGUNO GENDE PA ENDENDÉ NU. TEN NIGGUNO GENDE PA BLIKA RIOSO NÍ. ¹² TO ANÉ A DÉBIÁ. TO ANÉ JUNDO A GÓBÉ SIN SIRIBI. TÉN GENDE PA ASÉ KUSA GUENA NÚ, NI UNO SOLO. ¹³ GÁGANTA RI ANÉ SENDÁ KUMO TUMBA RI KAPO SANDO ENPERNANKAO. LENGUA RI ANE TA PA ENGAÑA. BENENO RI KULEBRA TA RI BAJO RI LABIO RI ANÉ. ¹⁴ BOKA RI ANE TA YENO RI MADDISIÓ I AMAGGURA. ¹⁵ MA PIÉ RI ANE ASÉ KOLÉ PA RERAMA POLA. ¹⁶ KANDUME RI ANÉ SENDA PA KABA KU ANÉ MEMO. E ¹⁷ GENDE KUNOSE KAMINO RI PA NÚ. ¹⁸ ANÉ TÉN MIERÓ RI RIOSO NÚ. ¹⁹ Aora suto sabé ke lo ke sea ke leí se chitia, asé konbesalo pa loke tá bajo ri lei. Sendá pa to gende kaa boká i tom ma gende sendá responsable ri lande ri Rioso. ²⁰ Po ekusa nigguno sendá juttifikao po lei ri lande ri Rioso. Pué po miero ri lei e ke a mini a kunose pekaro. ²¹ Poro aora ke suto ta apartao ri Lei,, juttisiá ri Rioso se ándá a kunose po miero ri Lei i ma chukero ri Rioso, ²² to e kusa senda po juttísia ri Rioso po miero ri fé endi krito Jesú pa to ake lo ke a kree, pokke pa Rioso to ma gende senda lo memo. ²³ Pué, to ma gende á peká i tá kurilembo ri ngloria ri Rioso. ²⁴ Ane sendá juttifikao po nglasia, po miero ri redensio ri krito Jesú. ²⁵ Pue Rioso ándá krito Jesú kumo propisiasió, po merio ri fe endi pola ri Elé, Ele ndá krito kumo prueba ri juttisia ri Ele, á posá po ribo kopito ma pekaro pasao. ²⁶ Ku pasíensia to e kusa a pasá. Pa Rioso mostra juttisia ri Éle ague. Pa ele memo mostrarse jutto, pa ma gende sabé ke éle jué lo ke se juttifiká a kualkié po merio ri fe endi Jesú. ²⁷ ¿Aonde antonse to ma elogio? A tá juela. ¿Andi jué ké fundamento ta? ¿Endi kusa lo ke gende se asé? Nú, ta endi fundamento ri fe. ²⁸ Suto konklui po tanto, ke un gende sendá juttifikao po fe, sin asé niggun kusa po Lei. ²⁹ ¿O Rioso sendá Rioso ri ma Judio numá? ¿Tambié senda Rioso ri ma Gentile? Asinagué, ri ma Gentile tanbié ele senda Rioso. ³⁰ Si Rioso sendá uno numa ele memo juttikiká sirkusisió po fé, i insirkusisió po merio ri fé. ³¹ Antonse,¿ Suto tan kitá Lei po fe? ¡Ke nunka e kusa pasá! Suto lo ke se asé, e defénde Lei ri Rioso.