¹ po tanto bonu tán ekuso, ombe, bo lo ké se juggá a uto ombe asé kondená bomemo, pue bo lo ke ta jugga tá asé memo kusa. ² poro suto a sabé ke juisio ri Rioso sendá ri akueddo ku belaberá, kuandi kai andi aké ké ta ase e kuso ³ poro ombe, pala´tañia, bo lo ke sé juggá aké lo ke tá asé E kusa. Kuandi be memo tá ase ma memo kusa ¿be tén eskapatorio ri juisio ri Rioso? ⁴ ¿Bo ta meno akabá bondá ri Rioso, retasando káttigo ka pasiensia ri Rioso, bo nu sabé ke pasiensia ri Ríoso tá kondusí emí arrependimiendo? ⁵ Poro to e kusa ta pasá bó, po nduresa ri kolasó nu arre pentió lo ke bo ten lo ke tán pasa E ke ira ri Rioso ta kela ngualao pa bo, ke sendra ría ri rebelasió ri jutto juisio ri Rioso ⁶ ai to ma gende tán pagá po to ma kusa mala lo ke asé ⁷ aké lo ke ma kusa guena, ku alabansa, ku ono éle tan da mbilia ettena. ⁸ Poro ake lo ke sendá aguayuo, ke nu sé oberesé nbelaberá ri Rioso, poro ané ase oberresé injuttisia ira tan mini ku furia andi ané. ⁹ Rioso tan tree tribulasió ku sofoko, endí to jáma, ri gende ke se prattika maddá plimero ku ma judio i tanbié ku ma griego ¹⁰ Poro alabansa, onor i pá tan mini andi ake lo ke se prattika to kusa guena, plimero pa ma judio tanbié i tanbié ku ma griego. ¹¹ Pue Rioso ta kela kieto nu. ¹² Asina ke lo ke a peká sin leí, tanbié tén ke lungá sin lei i tambié aké lo ke a peká ku leí, sendá juggao po leí ¹³ Pokke ma lo ke sé kuchá lei senda jutto ri lande ri Rioso nú. Sino aké lo ke sé asé, lo ke leí asé chitia senda juttifikao rilande ri Riosos. ¹⁴ Pue kuandi ma gentile, ké tén lei nú, ta asé ma kusa ke sendá ri leí, sendá lei pa ané memo, anke ané memo tén niggú lei nú. ¹⁵ Po e kusa, ane ase mostrá ke lo ke tá krito endi lei ta endi kolaso, ku konsiensia ri ane, i ma pensamiento ta akusa o defende ane memo. ¹⁶ i tambié Rioso, To ekusa tan pasa kuandí Rioso tán juggá to lo ke tá kundilo ru ma gende, ri akueddo ku ebangelio ri Jesuskristo. ¹⁷ Poro si bo memo ase ñama Judio, i asé apoyá endi lei, asegurando ke bo sendá ri Rioso. ¹⁸ i bo kunosé bolunta ri Rioso,i atestigua ke to lo ri Rioso sendá gueno ¹⁹ I si bo ta kombensio ke bo sendá guia ri siego, lu ri lo ke ta endi oskurana ²⁰ Un koretto ri gende bruto, piacha ri gende eririko, i ke bo a tén endi lei kunosimiendo i ri rebelabera, antonse ¿Kumo jué ke bo asé mostrá to ekusa endi fooma kumo bo se bibi? ²¹ Bo lo ke se insiña auto, ¿bo sé insiña abomemo? bo lo ke se prerika kondla ma lairón ¿bo memo asé jutá? ²² Bo ke se chitia pa nu tá ku mujé ageno ¿No tá ku kelé ná ku ma idolo ¿Bo se sakea ma masiruma i ané? ²³ Bo ke ta ku jarocheria i agguyo ri lei ¿Bo desonra a Rioso po kuenda ri trangresió ri lei? ²⁴ Pue "nombe ri Rioso sendá desonrao entre mas gentile por kausa ri bo", asína kumo ta krito. ²⁵ Sirkusisió ri lei ase benedifia aké lo kesé ase ma lei, poro si bo pasa po ensima ri lei, sirkunsisio ri bo siribi nu i sendá kumo insiskusisio ²⁶ antonse si un gende insisnkursisa asé ngualá lo ke la krito endi lei ¿Nu sendá insiskusiso ri ele konsirerao kumo siskunsisio? ²⁷ ¿nu sendá a ke insikusiso natura lo ke tán kodená bo, si ele ta kumpli ku lei? ¡E kusa sendá pokke bo sabe to kusa ri lei iri siskunsisio i bo memo asé pasá po ensima ri lei ²⁸ Pue nu sendá judio ake lo kese mostrá lo ke ta juelari kuepo, tanpoko sendá siskunsisio ake lo E ri kuepo, sendá sirkusisio ake lo E ri kuerpo, ²⁹ Sendá judio ake lo ke E ri lendro rí kolasó rí belabera, endi epiritu, nu ri letra e klase ri ngende elo ke Rioso memo ase alaba.