¹ Antonse I Ta chitiá: “¿ke Rioso a rechasá gende ri e memo? ke nunka senda asina. Pokke tambié I a sendá israelita resendiente ri Abraam, ri tribu ri Benjamin. ² Rioso nú rechasá má gende ri Éle, gende lo ke Éle Kunuseba. ¿Enú nú sabe lo ke ekritura ase chitiá ri Elías ri kumo éle supliká Rioso kondla israel? ³ "ÑO, ANÉ A MATÁ TO MA CHAKERO RI BO, ANÉ A LOMPÉ MA ALTAR RI BO, ANÉ TA BUKÁ MBILA MI, I A KELÁ SOLO" ⁴ Poro ¿ke jue lo ke Rioso kontéta Éle?" I TEN APATAO PA MI sielingó mil OMBE KE NÚ ÑINGOTÁ RI LANDE RÍ BAAI" ⁵ Asina ke, ague I a ten gende apatao pa mi po nglasia. ⁶ Poro, si jué po nglasia, nu sendá ma, po asé aggú kusa, asina ke ri e Fomma nglasia nu sendá ma nglasia. ⁷ ¿Antonse ke? lo ke Israel taba buka ke nú topetálo, poro ma jende ekogío si topetalo i ma uto jue enduresío. ⁸ Asina kumo ta ekrito: "RIOSO NDALO UN EPIRITU RI SEGUERA, OJO KE NÚ POLÉ NGUATIÁ, OLEJA KE NÚ POLÉ KUCHÁ, ATA E MENO RÍA”. ⁹ Tambié Dabid chitiá: "PEMITÍ KE MESA RÍ ANÉ KOMBETÍ ENDI RED, ENDI TRAMPA, ENDI UN PIEGRA RÍ TROPIESO I ENDÍ UN REPRESARIA KONDLA ANÉ MEMO. ¹⁰ PEMITÍ KE MA OJO RI ANÉ OSKURESE PA ANÉ POLÉ GUATIÁ NÚ, ENDI TO TIEMBO TEN ESPALDA RI ANE DOBLAO". ¹¹ Antonse I ta chitiá: “¿Ané a tropesa kumo pa kaé nunka senda asina, si nu lo ke miní pa ma gentiles jue sabbasio, pa proboká ané selo. ¹² Asina ke lo ke siribí pa frakaso ri ané ta kombetí endi kusa galipotana pa mundo, i lo ke: e pa peddisió se kombetí endi rikesa pa ma gentiles ¿Kua ngande senda pa resibí retaurasió. ¹³ Poro aora I ta chitiá kú ma gentiles, miendla I sendá apostol pa ma gentiles, I ten respeto po miniterio mi. ¹⁴ Kisa I ta proboká selo endi ake lo ke sendá famía ri mi, kisa suto tan Sabbá agguno ri ané. ¹⁵ Pué si po rechasá ané siribí pa rekonsiliasió ri mundo ¿antonse nu sendá pa aseptasió si un pa mbila ri endi ma muetto. ¹⁶ Si ma primisia ta resebao, asina tambié masa, si raís ta resebao, asína tambié ma rama. ¹⁷ Poro si agguna rí ma rama jué kitao, i enú, E rama ri olibo sibbestre jueba metío lendro ané i sí enú kompatí kú ané reí ri ábol rí olibo, ¹⁸ nu oguyesé po ma rama, poro si ené oguyesé, nu senda enú lo ke ta ngala rai, si nu raí lo ke tá ngala enú. ¹⁹ Antonse enú chitia: "ma rama jue kitao, ri un fomma pa I Polé se metío lendro". ²⁰ Asina jue, pokke pó nu kreé une jué kitao poro enú ta palao jué po kausa ri fe ri lo ke enú ten, nu ten niggun pensamiento ri enú memo remasio elebao, si un tené miero ri Rioso. ²¹ Si Rioso nú peddoná ma rama natura, tampoco Rioso tan peddoná a enú. ²² Paleno tañío a ma kusa amable i má kusa severo ke Rioso asé, po un lao saberirá ri Rioso a miní andi ma Judíos ke a kaí, po uto lao, bondá ri Rioso miní andi enú, kelá aí bondá ri Rioso, ri uto fomma enú tambié sendá kitao. ²³ Asina ke aké lo ke nú kelá endi inkrerurirá, sendá metio uto be. ²⁴ Poro si enú jue kitao ri lo ke po naturalesa un árbol rio libo silvestre i kondla ri naturalesa jue metío endí un árbol rio libo ku juicio, ¿Kuanto ma e ma Judíos, kiene jue ma rama natura, sendá metío uto be edi árbol rio libo lo ke senda ri e memo? ²⁵ Pue I kelé pa nú innorá numano, miterio ri fomma ke senda sabio, endi fomma ri pensá po e miterio e ke Israel a enduresé, ata kuandi rerensió ri ma gentiles miní. ²⁶ Asina to Israel sendá sabbo, asina kumo jue ekrito: "REGE SION TAN MINÍ LIBETARÓ, ELE TAN KITÁ INPIERÁ RI JAKOB. ²⁷ E SENDA PATTO LO KE, I ASE KU ANÉ KUANDI ANÉ MEMO KITÁ MA PEKARO” ²⁸ Po merio ri ebangelio, to ané sendá enemigo rí enú, poro po uto lao, rí akuedo ku elesíó ri Rioso ané sendá ñamao po kausa ri antepasao rí ané. ²⁹ Pue done lo ke Rioso nda, napole mobe" ³⁰ pue asina kumo enú jue resoberiente a Rioso, poro aora enú resibí miserikkodia, ³¹ Ri memo fomma e ma Judíos a sé resoberiente asina ke memo miserikkodia ke Rioso a mostra pa enú, ané tambie aora ta resibí miserikkodia. ³² Pue Rioso enselá to endi resoberiensia, ri un fomma ke polé ten misirikkodia a to mundo. ³³ ¡O projunrirá ri má kusa galipotana, tanto ri sabiruría i ri kunosimiendo ri Rioso! ¡kua insondable sendá juisio ri Rioso i ma kaddume ri Éle ma ayá ri rekubrí!, ³⁴ Pokke ¿kiene jué ke kunosé mende ri Ño? O ¿kiene Jue lo ke kombetÍ endi konsejero ri Rioso? ³⁵ O, ¿kiene jue lo ke a ndá aggú kusa Primó a Rioso, Pa luego degobelo?, ³⁶ pue rí Rioso i po merio ri Éle, i pa Éle, sendá to ma kusa, pa Éle sendá to ma kusa, po to ma tiembo asina jue.