¹ Numano, reseo ri kolaso mi, i lo ke I ta pirí a Rioso e po Ane, po sabbasio ri ane. ² Pue I sendá perito ri ke ane ten un selo po ma Kusa Rioso, Poro nu ri akueddo ku kunosimiendo. ³ Pokke ane kunose nu Juttisia Ri Rioso, Ane kelé e Juttisia ri ané memo; ané kelé Samete nu a Juttisia ri Rioso. ⁴ Pokke krito senda kumplimiendo ri lei pa Jutisia ri to ake lo ke a kree. ⁵ Pue Moises a ekribí asekka ri juttisia ke tá mini ri lei: "OMBE LO KE SE ASÉ JUTTISIA RI LEI, TAN NBIBI PO E JUTTISIA” ⁶ Poro Po Juttisia ke ta miní po fe e chitiá: "NU CHITIÁ LENDRO KOLASÓ SI: “¿KIENE JUÉ TO KE TAN SUBI AI NSULÚ? (Pa use kritio baja)” ⁷ nú chita: "¿KIENE JUE LO KE A BAJA ABISMO?" Pa asé krito subi ri ma muetto. ⁸ Poro ¿ke chitiá? "PALABRA TA SEKKA RI BO ENDI BOKA I KOLASÓ SI" E sendá palabra ri fe, ke suto se proklamá. ⁹ Pue si bo, konfiesa a Jesús kumo Ño Kú boka, i bo kree endi kolasó, ke Rioso a lebando lo ri ma muetto, bo senda Sabbo. ¹⁰ Pue ku kolasó ombe a sé kree po Juttisia i kú boka a sé kombesa pa sabbasió. ¹¹ Pue ekritura ose chitia: TO AKE LO KE A KREÉ ENDI ÉLE NO SENDÁ ABEGONSAO. ¹² Pokke nú ten dittisió ri judío i griego, pue memo Ño e Ñ ori to, i e galipotano kú to aké ke se inbokalo. ¹³ Pue: “TO AKÉ KE INBOKA NOMBE RI ÑO SENDÁ SABBO”. ¹⁴ ¿Kumo jue antonse ke má gende tan inboká ake lo ken ú kree? ¿i kumo ané tan kuchá sin ni un gende pa preriká a ané? ¹⁵ Antose, ¿kumo ané tan preriká si un sendá mandao? Kumo ta ekrito: “¡KUA EMOSO ASÉ MA PIE RI KIENE SE PROKLAMÁ MA FECHA RI KUSA GUENA!” ¹⁶ Poro to ané nu kuchá ebangelio, pue Isaías chittiá: “Ño, ¿KIENE JUE LO KE A KREE FECHA LO KE SUTO NDÁ?” ¹⁷ Asina ke fe tan miní po kuchá, i kuchá palabra ri Kristo. ¹⁸ Poro I tan chitiá: “¿ANÉ NÚ KUCHÁ?” asina jue, ma mbose a salí po to tiela i palabra ri Éle, po bolita mundo”. ¹⁹ Asina ke I tan chitiá: “¿Israel a sabé nú? “Primó Moises chitiá: I TAN POBOKÁ SELO PO GENDE KE NÚ SENDÁ NASÍO, PO MERIO RI UN TERRUÑO KE NÚ TEN ENTENDIMIENDO, I TAN PROBOKÁ IRA A ANÉ”. ²⁰ Antonse Isaías a chitiá kú klarirá: “A TOPETÁ MI, AKÉ, LO KE NÚ TABA BUKÁ MINDO I A MINÍ A MINDO A KE LO KE NÚ TABA PRUNDA PO MI”. ²¹ Poro aí Israel, Éle chitiá: “TO MA RÍA I A ETTIRÁ MA MANO MI A GENDE RESOBE RIETTE, KE NÚ KELÉ ASÉ KASO”.